Baitha Nahin Hoon Saaya-e-deewar Dekh Kar
Baitha nahin hoon saaya-e-deewar dekh kar, Thehra hua hoon waqt ki raftaar dekh kar, Hum-mashrabi ki sharm gawaara na ho saki, Khud chhorh di hai shaikh ko may-khwaar dekh kar, Kya jaane bahr-e-ishq mein kitne hue hain gharq, Saahil se satah-e-aab ko humwaar dekh kar, Hain aaj tak nigaah mein haalanki aaj tak, Dekha na phir kabhi unhein ek baar dekh kar, 'Bismil' tum aaj rote ho anjaam-e-ishq ko, Hum kal samajh gaye the kuchh aasaar dekh kar..!! "Bismil Saeedi"