Zindagi Un Ki Chaah Mein Guzri

Zindagi un ki chaah mein guzri,
Mustaqil dard-o-aah mein guzri.!

Rahmaton se nibaah mein guzri,
Umr sari gunaah mein guzri.!

Haye wo zindagi ki ek saa'at,
Jo teri bargaah mein guzri.!

Sab ki nazro'n mein sar-buland rahe,
Jab tak un ki nigaah mein guzri.!

Main wo ek rahraw-e-mohabbat hun,
Jis ki manzil bhi raah mein guzri.!

Ek khushi hum ne dil mein chaahi thi,
Wo bhi ghum ki panaah mein guzri.!

Zindagi apni ai 'Shakeel' ab tak,
Talkhi-e-rasm-o-raah mein guzri.!!

"Shakeel Badayuni"
_______________

Rahraw-e-mohabbat = traveller of love,
Talkhi-e-rasm-o-raah = bitterness of relationship/familiarity,
____________________

زندگی ان کی چاہ میں گزری
مستقل درد و آہ میں گزری..

رحمتوں سے نباہ میں گزری
عمر ساری گناہ میں گزری..

ہائے وہ زندگی کی اک ساعت
جو تری بارگاہ میں گزری..

سب کی نظروں میں سر بلند رہے
جب تک ان کی نگاہ میں گزری..

میں وہ اک رہرو محبت ہوں
جس کی منزل بھی راہ میں گزری..

اک خوشی ہم نے دل میں چاہی تھی
وہ بھی غم کی پناہ میں گزری..

زندگی اپنی اے شکیلؔ اب تک
تلخیٔ رسم و راہ میں گزری.. 

ज़िंदगी उन की चाह में गुज़री

मुस्तक़िल दर्द-ओ-आह में गुज़री..

रहमतों से निबाह में गुज़री

उम्र सारी गुनाह में गुज़री..

हाए वो ज़िंदगी की इक साअ'त

जो तिरी बारगाह में गुज़री..

सब की नज़रों में सर-बुलंद रहे

जब तक उन की निगाह में गुज़री..

मैं वो इक रहरव-ए-मोहब्बत हूँ

जिस की मंज़िल भी राह में गुज़री..

इक ख़ुशी हम ने दिल में चाही थी

वो भी ग़म की पनाह में गुज़री..

ज़िंदगी अपनी ऐ 'शकील' अब तक

तल्ख़ी-ए-रस्म-ओ-राह में गुज़री..

Zindagi Ka Dard Le Kar Inqilaab Aaya To Kya

Zindagi ka dard le kar inqilaab aaya to kya,
Ek doshiza pe ghurbat mein shabaab aaya to kya..

Tishna-e-anwaar hai ab tak uroos-e-zindagi,
Baadalon ki paalki mein aaftaab aaya to kya..

Ab to aankhon par ghum-e-hasti ke parde pad gaye,
Ab koi husn-e-mujassam be-naqaab aaya to kya..

Phir wahi johd-e-musalsal phir wahi fikr-e-ma'ash,
Manzil-e-jaanaa se koi kaamyaab aaya to kya..

Ek tajalli se munawwar kijiye qasr-e-hayat,
Har tajalli par dil-e-khana-kharaab aaya to kya..

Baat jab hai ghum ke maaro'n ko jila de ai 'Shakeel',
Tu ye zinda mayyatein mitti mein daab aaya to kya.!!

"Shakeel Badayuni"
_______________

Doshiza = virgin girl, spinster,
Tishna-e-anwaar = thirsty for light,
Uroos-e-zindagi = bride of life,
Husn-e-mujassam = beauty incarnate,
Johd-e-musalsal = continuous effort,
Fikr-e-ma'ash = to be concerned about food, livelihood,
Qasr-e-hayat = castle of life,
____________________

زندگی کا درد لے کر انقلاب آیا تو کیا
ایک دوشیزہ پہ غربت میں شباب آیا تو کیا..

تشنۂ انوار ہے اب تک عروس زندگی
بادلوں کی پالکی میں آفتاب آیا تو کیا..

اب تو آنکھوں پر غم ہستی کے پردے پڑ گئے
اب کوئی حسن مجسم بے نقاب آیا تو کیا..

پھر وہی جہد مسلسل پھر وہی فکر معاش
منزل جاناں سے کوئی کامیاب آیا تو کیا..

اک تجلی سے منور کیجیے قصر حیات
ہر تجلی پر دل خانہ خراب آیا تو کیا..

بات جب ہے غم کے ماروں کو جلا دے اے شکیلؔ
تو یہ زندہ میتیں مٹی میں داب آیا تو کیا..

Ye Kya Sitam-zareefi-e-fitrat Hai Aaj Kal

Ye kya sitam-zareefi-e-fitrat hai aaj kal,
Begaangi shareek-e-mohabbat hai aaj kal..

Ghum hai ke ek talkh haqeeqat hai aaj kal,
Dil hai ke sogwaar-e-mohabbat hai aaj kal..

Tanhaai-e-firaaq se ghabra raha hun main,
Mere liye sukoon bhi qayamat hai aaj kal..

Har saans tarjumaan-e-ghum-e-dil hai in dino'n,
Har aah parda-dar-e-hikayat hai aaj kal..

Meri wafa hi mere liye qahar ban gayi,
Apni wafa pe un ko nadamat hai aaj kal..

Phir chahta hun ek alam taaza-tar 'Shakeel',
Phir dil ko justaju-e-masarrat hai aaj kal.!!

"Shakeel Badayuni"
_______________

Sitam-zareefi-e-fitrat = oppression/tyranny of temperament/nature,
Tarjumaan-e-ghum-e-dil = interpretor of sorrow of heart,
____________________

یہ کیا ستم ظریفیٔ فطرت ہے آج کل
بے گانگی شریک محبت ہے آج کل..

غم ہے کہ ایک تلخ حقیقت ہے آج کل
دل ہے کہ سوگوار محبت ہے آج کل..

تنہائی فراق سے گھبرا رہا ہوں میں
میرے لیے سکوں بھی قیامت ہے آج کل..

ہر سانس ترجمان غم دل ہے ان دنوں
ہر آہ پردہ دار حکایت ہے آج کل..

میری وفا ہی میرے لیے قہر بن گئی
اپنی وفا پہ ان کو ندامت ہے آج کل..

پھر چاہتا ہوں اک الم تازہ تر شکیلؔ
پھر دل کو جستجوئے مسرت ہے آج کل..

Ye Duniya Hai Yahaan Dil Ko Lagana Kis Ko Aata Hai

Ye duniya hai yahaan dil ko lagana kis ko aata hai,
Hazaaron pyaar karte hain nibhana kis ko aata hai..

Ye duniya hai yahaan dil mein samana kis ko aata hai,
Mitane waale laakhon hain banana kis ko aata hai..

Nigaahein pher li tum ne to hum kis ki taraf dekhein,
Tumhi kah do mohabbat ka fasana kis ko aata hai..

Wafa ka yoon to dam bharte hain is duniya mein sab lekin,
Wafa ke naam par mit kar dikhana kis ko aata hai.!!

"Shakeel Badayuni"
____________________

یہ دنیا ہے یہاں دل کو لگانا کس کو آتا ہے
ہزاروں پیار کرتے ہیں نبھانا کس کو آتا ہے..

یہ دنیا ہے یہاں دل میں سمانا کس کو آتا ہے
مٹانے والے لاکھوں ہیں بنانا کس کو آتا ہے.. 

نگاہیں پھیر لیں تم نے تو ہم کس کی طرف دیکھیں
تمہی کہہ دو محبت کا فسانا کس کو آتا ہے..

وفا کا یوں تو دم بھرتے ہیں اس دنیا میں سب لیکن
وفا کے نام پر مٹ کر دکھانا کس کو آتا ہے..

Wo Yoon Kho Ke Mujhe Paaya Karenge

Wo yoon kho ke mujhe paaya karenge,
Mera afsaana dohraya karenge..

Sitam apne jo yaad aaya karenge,
To dil hi dil mein pachhtaya karenge..

Ghuroor-e-husn ko baatil samajh kar,
Sarapa ishq ban jaaya karenge..

Na hogi taab-e-zabt-e-ghum jab un ko,
Yaqeenan ashk bhar laaya karenge..

Qayamat hongi naazuk dil ki aahein,
Har ek zarre ko tadpaya karenge..

Falak maatam karega be-kasi par,
Mah-o-anjum taras khaaya karenge..

Mujhe har gaam par thukrane waale,
Mujhi par naaz farmaya karenge..

Na hogi jab sukoon ki koi surat,
Kuchh apne dil ko samjhaya karenge..

Har ek tadbeer jab nakaam hogi,
To mujh ko ru-ba-ru paaya karenge..

Nigaahon se mila kar wo nigaahein,
Yakayak rukh badal jaaya karenge..

Wahi naaz-o-ada ki shakl hogi,
Isi surat se sharmaya karenge..

Main kahta hi rahunga qissa-e-ghum,
Wo sunte sunte so jaaya karenge..

Magar jab hoga aalam aalam-e-khwab,
Na pa kar mujh ko ghabraya karenge..

'Shakeel' apne liye lamhaat-e-fursat,
Payaam-e-nau-ba-nau laaya karenge.!!

"Shakeel Badayuni"
_______________

وہ یوں کھو کے مجھے پایا کریں گے
مرا افسانہ دہرایا کریں گے..

ستم اپنے جو یاد آیا کریں گے
تو دل ہی دل میں پچھتایا کریں گے..

غرور حسن کو باطل سمجھ کر
سراپا عشق بن جایا کریں گے..

نہ ہوگی تاب ضبط غم جب ان کو
یقیناً اشک بھر لایا کریں گے..

قیامت ہوں گی نازک دل کی آہیں
ہر اک ذرے کو تڑپایا کریں گے..

فلک ماتم کرے گا بے کسی پر
مہ و انجم ترس کھایا کریں گے..

مجھے ہر گام پر ٹھکرانے والے
مجھی پر ناز فرمایا کریں گے..

نہ ہوگی جب سکوں کی کوئی صورت
کچھ اپنے دل کو سمجھایا کریں گے..

ہر اک تدبیر جب ناکام ہوگی
تو مجھ کو رو بہ رو پایا کریں گے..

نگاہوں سے ملا کر وہ نگاہیں
یکایک رخ بدل جایا کریں گے..

وہی ناز و ادا کی شکل ہوگی
اسی صورت سے شرمایا کریں گے..

میں کہتا ہی رہوں گا قصۂ غم
وہ سنتے سنتے سو جایا کریں گے..

مگر جب ہوگا عالم عالم خواب
نہ پا کر مجھ کو گھبرایا کریں گے..

شکیلؔ اپنے لئے لمحات فرصت
پیام نو بہ نو لایا کریں گے..

Wo Hum Se Door Hote Ja Rahe Hain

Wo hum se door hote ja rahe hain,
Bahut maghroor hote ja rahe hain..

Bas ek tark-e-mohabbat ke iraade,
Humein manzoor hote ja rahe hain..

Manazir the jo firdaus-e-tasawwur,
Wo sab mastoor hote ja rahe hain..

Badalti ja rahi hai dil ki duniya,
Naye dastoor hote ja rahe hain..

Bahut maghmoom the jo deeda-o-dil,
Bahut masroor hote ja rahe hain..

Wafa par murdani si chha chali hai,
Sitam ka noor hote ja rahe hain..

Kabhi wo paas aaye ja rahe the,
Magar ab door hote ja rahe hain..

Firaaq o hijr ke tareek lamhe,
Sarapa noor hote ja rahe hain..

'Shakeel' ahsas-e-gumnaami se kah do,
Ke hum mashhoor hote ja rahe hain.!!

"Shakeel Badayuni"
_______________

Mastoor = written, aforesaid, expressed,
covered, veiled, hidden,
Murdani = marks of death,
____________________

وہ ہم سے دور ہوتے جا رہے ہیں
بہت مغرور ہوتے جا رہے ہیں..

بس اک ترک محبت کے ارادے
ہمیں منظور ہوتے جا رہے ہیں..

مناظر تھے جو فردوس تصور
وہ سب مستور ہوتے جا رہے ہیں..

بدلتی جا رہی ہے دل کی دنیا
نئے دستور ہوتے جا رہے ہیں..

بہت مغموم تھے جو دیدہ و دل
بہت مسرور ہوتے جا رہے ہیں..

وفا پر مردنی سی چھا چلی ہے
ستم کا نور ہوتے جا رہے ہیں..

کبھی وہ پاس آئے جا رہے تھے
مگر اب دور ہوتے جا رہے ہیں..

فراق و ہجر کے تاریک لمحے
سراپا نور ہوتے جا رہے ہیں..

شکیلؔ احساس گمنامی سے کہہ دو
کہ ہم مشہور ہوتے جا رہے ہیں..

Uthi Phir Dil Mein Ek Mauj-e-shabaab Aahista Aahista

Uthi phir dil mein ek mauj-e-shabaab aahista aahista,
Kuchh aaya zindagi mein inqilaab aahista aahista...

Sama kar mujh mein wo jaan-e-shabaab aahista aahista,
Bana dega mujhe apna jawaab aahista aahista...

Ye mahfil zahidaan-e-khushk ki mahfil hai ai rindo,
Zara is bazm mein zikr-e-sharaab aahista aahista...

Meri nazrein mujhi ko rafta rafta bhool jaati hain,
Hue jaate hain jalwe kaamyab aahista aahista...

Na kahiye haan na kahiye aap ko mujh se mohabbat hai,
Nigaahein khud hi de dengi jawaab aahista aahista...

'Shakil' is darja mayuooi shuru-e-ishq mein kaisi,
Abhi to aur hona hai kharaab aahista aahista.!!

"Shakeel Badayuni"
_______________

Zahidaan-e-khushk = teetotallers, dry devout people,
____________________

اٹھی پھر دل میں اک موج شباب آہستہ آہستہ
کچھ آیا زندگی میں انقلاب آہستہ آہستہ..

سما کر مجھ میں وہ جان شباب آہستہ آہستہ
بنا دے گا مجھے اپنا جواب آہستہ آہستہ..

یہ محفل زاہدان خشک کی محفل ہے اے رندو
ذرا اس بزم میں ذکر شراب آہستہ آہستہ..

مری نظریں مجھی کو رفتہ رفتہ بھول جاتی ہیں
ہوئے جاتے ہیں جلوے کامیاب آہستہ آہستہ..

نہ کہئے ہاں نہ کہئے آپ کو مجھ سے محبت ہے
نگاہیں خود ہی دے دیں گی جواب آہستہ آہستہ.. 

شکیلؔ اس درجہ مایوسی شروع عشق میں کیسی
ابھی تو اور ہونا ہے خراب آہستہ آہستہ.. 

Un Ko Sharh-e-ghum Sunaai Jayegi

Un ko sharh-e-ghum sunaai jayegi,
Aag paani mein lagaai jayegi..

Khinch ke dekhenge kisi se ek baar,
Yoon bhi qismat aazmaai jayegi..

Teri nazro'n mein hai jo taseer jazb,
Ab mere naalo'n mein paai jayegi..

Meri subah-e-zindagi ki ek jhalak,
Doobte taaro'n mein paai jayegi..

Aap hi kahiye ke mauj-e-iztiraab,
Aap se kyunkar chhupaai jayegi..

Raaz rakh raaz-e-mohabbat ai 'Shakeel',
Ye ghazal mahfil mein gayi jayegi.!!

"Shakeel Badayuni"
_______________

Sharh-e-ghum = interpretation of sorrow,
____________________

ان کو شرح غم سنائی جائے گی
آگ پانی میں لگائی جائے گی..

کھنچ کے دیکھیں گے کسی سے ایک بار
یوں بھی قسمت آزمائی جائے گی..

تیری نظروں میں ہے جو تاثیر جذب
اب مرے نالوں میں پائی جائے گی..

میری صبح زندگی کی اک جھلک
ڈوبتے تاروں میں پائی جائے گی.. 

آپ ہی کہئے کہ موج اضطراب
آپ سے کیوں کر چھپائی جائے گی..

راز رکھ راز محبت اے شکیلؔ
یہ غزل محفل میں گائی جائے گی..

Un Ke Baghair Hum Jo Gulistaan Mein Aa Gaye

Un ke baghair hum jo gulistaan mein aa gaye,
Mahsoos ye hua ke bayabaan mein aa gaye..

Tashheer-e-dil-giriftagi-e-husn ho gayi,
Aansu chhalak ke chashm-e-pashemaan mein aa gaye..

Hum tark-e-rabt-o-zabt-e-mohabbat ke bawajood,
Sau baar khinch ke koocha-e-jaanaa mein aa gaye..

Phoolon ko raas aaya na jab arsa-e-bahaar,
Gulshan se hat ke gosha-e-daamaan mein aa gaye..

Har-chand ahl-e-hosh the arbaab-e-zindagi,
Lekin fareb-e-gardish-e-dauraa'n mein aa gaye..

Aaya meri zabaan pe yakayak jo un ka naam,
Kis kis ke haath mere garebaan mein aa gaye..

Chhup kar nigaah-e-shauq se dil mein panaah li,
Dil mein na chhup sake to rag-e-jaan mein aa gaye..

The muntashir azal mein jo zarraat-e-ku-e-dost,
Insaan ban ke aalam-e-imkaan mein aa gaye..

Jin ki ada ada mein hain ranaaiyan 'Shakeel',
Ash'aar ban ke wo mere deewaan mein aa gaye.!!

"Shakeel Badayuni"
_______________

Tashheer-e-dil-giriftagi-e-husn = propaganda of being ensnared in love,
Arsa-e-bahaar = duration of spring,
Gosha-e-daamaa'n = piece of the hem,
Arbaab-e-zindagi = masters of life,
Fareb-e-gardish-e-dauraa'n = deception of movement of times,
Rag-e-jaan = the jugular vein,
Muntashir = disorderly, divulged, diffused, scattered,
Zarraat-e-ku-e-dost = particles from street of beloved,
Aalam-e-imkaan = world of possibilities,
____________________

ان کے بغیر ہم جو گلستاں میں آ گئے
محسوس یہ ہوا کہ بیاباں میں آ گئے..

تشہیر دل گرفتگئ حسن ہو گئی
آنسو چھلک کے چشم پشیماں میں آ گئے..

ہم ترک ربط و ضبط محبت کے باوجود
سو بار کھنچ کے کوچۂ جاناں میں آ گئے..

پھولوں کو راس آیا نہ جب عرصۂ بہار
گلشن سے ہٹ کے گوشۂ داماں میں آ گئے..

ہر چند اہل ہوش تھے ارباب زندگی
لیکن فریب گردش دوراں میں آ گئے..

آیا مری زباں پہ یکایک جو ان کا نام
کس کس کے ہاتھ میرے گریباں میں آ گئے.. 

چھپ کر نگاہ شوق سے دل میں پناہ لی
دل میں نہ چھپ سکے تو رگ جاں میں آ گئے..

تھے منتشر ازل میں جو ذرات کوئے دوست
انسان بن کے عالم امکاں میں آ گئے..

جن کی ادا ادا میں ہیں رعنائیاں شکیلؔ
اشعار بن کے وہ مرے دیواں میں آ گئے..

Tum Ne Ye Kya Sitam Kiya Zabt Se Kaam Le Liya

Tum ne ye kya sitam kiya zabt se kaam le liya,
Tark-e-wafa ke baad bhi mera salaam le liya..

Rind-e-kharaab-nosh ki be-adabi to dekhiye,
Niyat-e-may-kashi na ki haath mein jaam le liya..

Haye wo paikar-e-hawas haye wo khugar-e-qafas,
Bech ke jis ne aashiyan halqa-e-daam le liya..

Baada-kashaan-e-ishq ko kuchh to mila paaye-sukoon,
Husn-e-sahar na le sake jalwa-e-shaam le liya..

Naama-e-shauq padh ke wo kho gaye yak-ba-yak 'Shakeel',
Munh se to kuchh na kah sake dil se payaam le liya.!!

"Shakeel Badayuni"
_______________

Rind-e-kharaab-nosh = bad, excessive drinker,
Paikar-e-hawas = lust incarnate,
Khugar-e-qafas = Habituated to cage,
Halqa-e-daam = loops; hoops of a net,
____________________

تم نے یہ کیا ستم کیا ضبط سے کام لے لیا
ترک وفا کے بعد بھی میرا سلام لے لیا..

رند خراب نوش کی بے ادبی تو دیکھیے
نیت مے کشی نہ کی ہاتھ میں جام لے لیا..

ہائے وہ پیکر ہوس ہائے وہ خوگر قفس
بیچ کے جس نے آشیاں حلقۂ دام لے لیا..

بادہ کشان عشق کو کچھ تو ملا پئے سکوں
حسن سحر نہ لے سکے جلوۂ شام لے لیا..

نامۂ شوق پڑھ کے وہ کھو گئے یک بیک شکیلؔ
منہ سے تو کچھ نہ کہہ سکے دل سے پیام لے لیا.. 

Teri Mahfil Se Uth Kar Ishq Ke Maaro'n Pe Kya Guzri

Teri mahfil se uth kar ishq ke maaro'n pe kya guzri,
Mukhalif ek jahaan tha jaane bechaaron pe kya guzri...

Sahar ko rukhsat-e-beemar-e-furqat dekhne waalo,
Kisi ne ye bhi dekha raat bhar taaro'n pe kya guzri...

Suna hai zindagi veeraniyon ne loot li mil kar,
Na jaane zindagi ke naaz-bardaaron pe kya guzri...

Hansi aai to hai be-kaif si lekin khuda jaane,
Mujhe masroor pa kar mere ghum-khwaro'n pe kya guzri...

Ye zahid hain inhein kya tajraba aijaaz-e-ulfat ka,
Ye to jannat mein bhi poochhein gunahgaaron pe kya guzri.!!

"Shakeel Badayuni"
_______________

Naaz-bardaaron = those who tolerate coquetry,
Aijaaz-e-ulfat = enlightment,
______________________

تری محفل سے اٹھ کر عشق کے ماروں پہ کیا گزری
مخالف اک جہاں تھا جانے بیچاروں پہ کیا گزری..

سحر کو رخصت بیمار فرقت دیکھنے والو
کسی نے یہ بھی دیکھا رات بھر تاروں پہ کیا گزری..

سنا ہے زندگی ویرانیوں نے لوٹ لی مل کر
نہ جانے زندگی کے ناز برداروں پہ کیا گزری..

ہنسی آئی تو ہے بے کیف سی لیکن خدا جانے
مجھے مسرور پا کر میرے غم خواروں پہ کیا گزری.. 

یہ زاہد ہیں انہیں کیا تجربہ اعجاز الفت کا
یہ تو جنت میں بھی پوچھیں گنہ گاروں پہ کیا گزری..

Teri Anjuman Mein Zaalim Ajab Ehtimaam Dekha

Teri anjuman mein zaalim ajab ehtimaam dekha,
Kahin zindagi ki baarish kahin qatl-e-aam dekha.!

Meri arz-e-shauq padh lein ye kahaan unhein gawara,
Wahin chaak kar diya khat jahaan mera naam dekha.!

Badi minnato'n se aa kar wo mujhe mana rahe hain,
Main bacha raha hun daaman mera intiqaam dekha.!

Ai 'Shakeel' rooh-parwar teri be-khudi ke naghme,
Magar aaj tak na hum ne tere lab pe jaam dekha.!!

"Shakeel Badayuni"
____________________

تری انجمن میں ظالم عجب اہتمام دیکھا
کہیں زندگی کی بارش کہیں قتل عام دیکھا..

میری عرض شوق پڑھ لیں یہ کہاں انہیں گوارا
وہیں چاک کر دیا خط جہاں میرا نام دیکھا..

بڑی منتوں سے آ کر وہ مجھے منا رہے ہیں
میں بچا رہا ہوں دامن مرا انتقام دیکھا..

اے شکیلؔ روح پرور تری بے خودی کے نغمے
مگر آج تک نہ ہم نے ترے لب پہ جام دیکھا..

Taqdeer Ki Gardish Kya Kam Thi Is Par Ye Qayamat Kar Baithe

Taqdeer ki gardish kya kam thi is par ye qayamat kar baithe..

Betaabi-e-dil jab had se badhi ghabra ke mohabbat kar baithe.!

Aankhon mein chhalakte hain aansu dil chupke chupke rota hai..

Wo baat humare bas ki na thi jis baat ki himmat kar baithe.!

Ghum hum ne khushi se mol liya us par bhi hui ye nadaani..

Jab dil ki ummidein toot gayin qismat se shikayat kar baithe.!!

"Shakeel Badayuni"
____________________

تقدیر کی گردش کیا کم تھی اس پر یہ قیامت کر بیٹھے
بے تابئ دل جب حد سے بڑھی گھبرا کے محبت کر بیٹھے..

آنکھوں میں چھلکتے ہیں آنسو دل چپکے چپکے روتا ہے
وہ بات ہمارے بس کی نہ تھی جس بات کی ہمت کر بیٹھے..

غم ہم نے خوشی سے مول لیا اس پر بھی ہوئی یہ نادانی
جب دل کی امیدیں ٹوٹ گئیں قسمت سے شکایت کر بیٹھے..

Subah Ka Afsana Kah Kar Shaam Se

Subah ka afsana kah kar shaam se,
Khelta hun gardish-e-ayyaam se..

Un ki yaad un ki tamanna un ka ghum,
Kat rahi hai zindagi aaraam se..

Ishq mein aayengi wo bhi sa'atein,
Kaam niklega dil-e-nakaam se..

Laakh main deewana-e-ruswa sahi,
Phir bhi ek nisbat hai tere naam se..

Subah-e-gulshan dekhiye kya gul khilaye,
Kuchh hawa badli hui hai shaam se..

Haye mera maatam-e-tishna-labi,
Shisha mil kar ro raha hai jaam se..

Be-khudi par shayad us ka bas nahin,
Josh aa jaata hai un ke naam se..

Har-nafas mahsoos hota hai 'Shakeel',
Aa rahe hain naama-o-paighaam se.!!

"Shakeel Badayuni"
____________________

صبح کا افسانہ کہہ کر شام سے
کھیلتا ہوں گردش ایام سے..

ان کی یاد ان کی تمنا ان کا غم
کٹ رہی ہے زندگی آرام سے..

عشق میں آئیں گی وہ بھی ساعتیں
کام نکلے گا دل ناکام سے..

لاکھ میں دیوانۂ رسوا سہی
پھر بھی اک نسبت ہے تیرے نام سے..

صبح‌ گلشن دیکھیے کیا گل کھلائے
کچھ ہوا بدلی ہوئی ہے شام سے..

ہائے میرا ماتم تشنہ لبی
شیشہ مل کر رو رہا ہے جام سے..

بے خودی پر شاید اس کا بس نہیں
جوش آ جاتا ہے ان کے نام سے..

ہر نفس محسوس ہوتا ہے شکیلؔ
آ رہے ہیں نامہ و پیغام سے..

Shokh Nazron Mein Jo Shaamil Barhami Ho Jaayegi

Shokh nazro'n mein jo shaamil barhami ho jaayegi,
Aur bhi jins-e-mohabbat qeemti ho jaayegi..

Aankhon aankhon mein jo sulh-e-baahami ho jaayegi,
Baat bhi rah jaayegi aur baat bhi ho jaayegi..

Dil nazar ban jaayega ghum har khushi ho jaayegi,
Aap ke jaate hi duniya doosri ho jaayegi..

Aaina kar degi meri khud-faramoshi mujhe,
Be-khudi jab had se guzregi khudi ho jaayegi..

Daagh-e-dil ban jaayega furqat mein teri rashk-e-mah,
Yoon bhi mere ghum-kade mein raushni ho jaayegi.!!

"Shakeel Badayuni"
____________________

شوخ نظروں میں جو شامل برہمی ہو جائے گی
اور بھی جنس محبت قیمتی ہو جائے گی..

آنکھوں آنکھوں میں جو صلح باہمی ہو جائے گی
بات بھی رہ جائے گی اور بات بھی ہو جائے گی..

دل نظر بن جائے گا غم ہر خوشی ہو جائے گی
آپ کے جاتے ہی دنیا دوسری ہو جائے گی..

آئنہ کر دے گی میری خود فراموشی مجھے
بے خودی جب حد سے گزرے گی خودی ہو جائے گی..

داغ دل بن جائے گا فرقت میں تیری رشک ماہ
یوں بھی میرے غم کدے میں روشنی ہو جائے گی..

Shayad Aaghaaz Hua Phir Kisi Afsane Ka

Shayad aaghaaz hua phir kisi afsaane ka, 
Hukm aadam ko hai jannat se nikal jaane ka.!

Un se kuchh kah to raha hun magar Allah kare,
Wo bhi mafhoom na samjhein mere afsaane ka.!

Dekhna dekhna ye hazrat-e-waaiz hi na hon,
Raasta poochh raha hai koi may-khaane ka.!

Be-ta'alluq tere aage se guzar jaata hai,
Ye bhi ek husn-e-talab hai tere deewane ka.!

Hashr tak garmi-e-hangama-e-hasti hai 'Shakeel',
Silsila khatm na hoga mere afsaane ka.!!

"Shakeel Badayuni"
____________________

شاید آغاز ہوا پھر کسی افسانے کا
حکم آدم کو ہے جنت سے نکل جانے کا..

ان سے کچھ کہہ تو رہا ہوں مگر اللہ کرے
وہ بھی مفہوم نہ سمجھیں مرے افسانے کا..

دیکھنا دیکھنا یہ حضرت واعظ ہی نہ ہوں
راستہ پوچھ رہا ہے کوئی مے خانہ کا..

بے تعلق ترے آگے سے گزر جاتا ہے
یہ بھی اک حسن طلب ہے ترے دیوانے کا..

حشر تک گرمئ ہنگامۂ ہستی ہے شکیلؔ
سلسلہ ختم نہ ہوگا مرے افسانے کا..

Raushni Saaya-e-zulmaat Se Aage Na Badhi

Raushni saaya-e-zulmaat se aage na badhi,
Zindagi shama ki ek raat se aage na badhi..

Apni hasti ka bhi insaan ko irfaan na hua,
Khaak phir khaak thi auqaat se aage na badhi..

Naam bad-naam hua sinf-e-ghazal ka lekin,
Shaairi rasm-o-riwayaat se aage na badhi..

Be-takalluf hui tajdeed-e-mulaqaat magar,
Wo bhi ek tishna mulaqaat se aage na badhi..

Zulf-bar-dosh wo ek baar to aaye the 'Shakeel',
Phir koi raat bhi us raat se aage na badhi.!!

"Shakeel Badayuni"
_______________

Irfaan = enlightenment,
Sinf-e-ghazal = form of ghazal,
Tajdeed-e-mulaqaat = Renewing; renewal, novelty of meeting,
Zulf-bar-dosh = locks of hair on shoulder,
____________________

روشنی سایۂ ظلمات سے آگے نہ بڑھی
زندگی شمع کی اک رات سے آگے نہ بڑھی..

اپنی ہستی کا بھی انسان کو عرفاں نہ ہوا
خاک پھر خاک تھی اوقات سے آگے نہ بڑھی..

نام بد نام ہوا صنف غزل کا لیکن
شاعری رسم و روایات سے آگے نہ بڑھی..

بے تکلف ہوئی تجدید ملاقات مگر
وہ بھی اک تشنہ ملاقات سے آگے نہ بڑھی..

زلف بردوش وہ اک بار تو آئے تھے شکیلؔ
پھر کوئی رات بھی اس رات سے آگے نہ بڑھی..

Rang-e-sanam-kada Jo Zara Yaad Aa Gaya

Rang-e-sanam-kada jo zara yaad aa gaya, 
Tootin wo bijliyaan ke khuda yaad aa gaya..

Har-chand dil ko tark-e-mohabbat ka tha khyaal,
Lekin kisi ka ahd-e-wafa yaad aa gaya..

Jaise kisi ne chheen li rangeeni-e-bahaar,
Kya jaaniye bahaar mein kya yaad aa gaya..

Rahmat nazar bacha ke nikalne ko thi magar,
Wo irtiaash-e-dast-e-dua yaad aa gaya..

Allah re sitam ke unhein mujh ko dekh kar,
Sab kuchh mohabbaton ke siwa yaad aa gaya.!!

"Shakeel Badayuni"
_______________

Irtiaash-e-dast-e-dua = shivering of hand of pray,
____________________

رنگ صنم کدہ جو ذرا یاد آ گیا
ٹوٹیں وہ بجلیاں کہ خدا یاد آ گیا..

ہر چند دل کو ترک محبت کا تھا خیال
لیکن کسی کا عہد وفا یاد آ گیا..

جیسے کسی نے چھین لی رنگینیٔ بہار
کیا جانئے بہار میں کیا یاد آ گیا..

رحمت نظر بچا کے نکلنے کو تھی مگر
وہ ارتعاش دست دعا یاد آ گیا..

اللہ رے ستم کہ انہیں مجھ کو دیکھ کر
سب کچھ محبتوں کے سوا یاد آ گیا..

Paiham Talaash-e-dost Main Karta Chala Gaya

Paiham talaash-e-dost main karta chala gaya,
Kaunain ki hado'n se guzarta chala gaya..

Jitna mazaaq-e-ishq sanwarta chala gaya,
Rang-e-tabiyat aur nikharta chala gaya..

Ek sang-dil ki deeda-dileri to dekhna,
Shikwo'n ka aitiraaf bhi karta chala gaya.. 

Be-chaargi to dekhiye majboor-e-shauq ki, 
Tohmat muqaddaraat pe dharta chala gaya..

Dete rahe fareb-e-musarrat wo pai-ba-pai,
Main ghum ki manzilon se guzarta chala gaya..

Tasveer-e-yaas-o-ghum thi ba-zaahir nihaa'n magar,
Har naqsh dil hi dil mein ubharta chala gaya..

Dil mahw-e-iztiraab nazar saakit-o-khamosh,
Ye kaun saamne se guzarta chala gaya.!!

"Shakeel Badayuni"
_______________

Pai-ba-pai = one after another, repeatedly, incessantly,
Nihaa'n = hidden, secret , delight,
Mahw-e-iztiraab = absorbed in restlessness,
____________________

 

پیہم تلاش دوست میں کرتا چلا گیا
کونین کی حدوں سے گزرتا چلا گیا..

جتنا مذاق عشق سنورتا چلا گیا
رنگ طبیعت اور نکھرتا چلا گیا..

اک سنگ دل کی دیدہ دلیری تو دیکھنا
شکوؤں کا اعتراف بھی کرتا چلا گیا..

بے چارگی تو دیکھیے مجبور شوق کی
تہمت مقدرات پہ دھرتا چلا گیا.. 

دیتے رہے فریب مسرت وہ پے بہ پے
میں غم کی منزلوں سے گزرتا چلا گیا..

تصویر یاس و غم تھی بظاہر نہاں مگر
ہر نقش دل ہی دل میں ابھرتا چلا گیا..

دل محو اضطراب نظر ساکت و خموش
یہ کون سامنے سے گزرتا چلا گیا..

Pahlu Mein Dard-e-ishq Ki Duniya Liye Hue

Pahlu mein dard-e-ishq ki duniya liye hue, 
Baitha hun zindagi ka sahaara liye hue.!

Dil hai tajalli-e-rukh-e-zeba liye hue,
Aaghosh mein hai chaand ko dariya liye hue.!

Pahunche to dil mein josh-e-tamanna liye hue,
Laute magar luti hui duniya liye hue.!

Main ji raha hun ghum-kada-e-rozgaar mein,
Teri mohabbaton ka sahaara liye hue.!

Uthta hun bazm-e-husn se laghzish-ba-pa 'Shakeel',
Bahki si ek nazar ka sahaara liye hue.!!

"Shakeel Badayuni"
____________________

پہلو میں درد عشق کی دنیا لیے ہوئے
بیٹھا ہوں زندگی کا سہارا لیے ہوئے..

دل ہے تجلیٔ رخ زیبا لیے ہوئے
آغوش میں ہے چاند کو دریا لیے ہوئے..

پہنچے تو دل میں جوش تمنا لیے ہوئے
لوٹے مگر لٹی ہوئی دنیا لیے ہوئے..

میں جی رہا ہوں غم کدۂ روزگار میں
تیری محبتوں کا سہارا لیے ہوئے..

اٹھتا ہوں بزم حسن سے لغزش بپا شکیلؔ
بہکی سی اک نظر کا سہارا لیے ہوئے..