Aarzu Hai Wafa Kare Koi

Aarzu hai wafa kare koi,
Ji na chaahe to kya kare koi...

Gar marz ho dawa kare koi,
Marne waale ka kya kare koi...

Koste hain jale hue kya kya,
Apne haq mein dua kare koi...

Un se sab apni apni kahte hain,
Mera matlab ada kare koi...

Chaha se aap ko to nafrat hai,
Mujh ko chaahe khuda kare koi...

Is gile ko gila nahin kahte,
Gar maze ka gila kare koi...

Ye mili dad ranj-e-furqat ki,
Aur dil ka kaha kare koi...

Tum sarapa ho surat-e-tasveer,
Tum se phir baat kya kare koi...

Kahte hain hum nahin khuda-e-karim,
Yoon humaari khata kare koi...

Jis mein laakhon baras ki hurein hon,
Aisi jannat ko kya kare koi...

Is jafa par tumhein tamanna hai,
Ke meri iltija kare koi...

Munh lagate hi 'Dagh' itraaya,
Lutf hai phir jafa kare koi.!!

"Dagh Dehlvi"
____________________

آرزو ہے وفا کرے کوئی
جی نہ چاہے تو کیا کرے کوئی.. 

گر مرض ہو دوا کرے کوئی
مرنے والے کا کیا کرے کوئی..

کوستے ہیں جلے ہوئے کیا کیا
اپنے حق میں دعا کرے کوئی..

ان سے سب اپنی اپنی کہتے ہیں
میرا مطلب ادا کرے کوئی..

چاہ سے آپ کو تو نفرت ہے
مجھ کو چاہے خدا کرے کوئی..

اس گلے کو گلہ نہیں کہتے
گر مزے کا گلا کرے کوئی..

یہ ملی داد رنج فرقت کی
اور دل کا کہا کرے کوئی..

تم سراپا ہو صورت تصویر
تم سے پھر بات کیا کرے کوئی..

کہتے ہیں ہم نہیں خدائے کریم
کیوں ہماری خطا کرے کوئی.. 

جس میں لاکھوں برس کی حوریں ہوں
ایسی جنت کو کیا کرے کوئی..

اس جفا پر تمہیں تمنا ہے
کہ مری التجا کرے کوئی..

منہ لگاتے ہی داغؔ اترایا
لطف ہے پھر جفا کرے کوئی..