Koi Aahat Na Koi Chaap Na Koi Aawaaz

Koi Aahat Na Koi Chaap Na Koi Aawaaz,
Dil Ki Galiyaan Meri Sunsaan Hain Aaye Koi..!!

- Parween Shakir 

Jaga Sakey Na Terey Lab, Lakeer Aisi Thi

Jagaa Sakey Na Terey Lab, Lakeer Aisi Thi,
Humarey Bakht Ki Rekha Bhi Meer Aisi Thi,

Ye Haath Choomey Gai, Phir Bhi Be-Gulaab Rahey,
Jo Rutt Bhi Aai Khizaa'n Ke Safeer Aisi Thi,

Wo Merey Paao'n Ko Chhooney Jhuka Tha Jis Lamhey,
Jo Mangta Usey Deti Ameer Aisi Thi,

Shahadatain Merey Huq Main Tamaam Jaati Thin,
Magar Khamosh They Munsif, Nazeer Aisi Thi,

Kutar K Jaal Bhi Sayyad Ki Raza Ke Baghair,
Tamaam Umr Na Urti Aseer Aisi Thi,

Phir Us Ke Baad Na Dekhey Wisaal Ke Mausam,
Judaaiyo'n Ki Ghadi Chashm-Geer Aisi Thi,

Bas Ik Nigah Mujhe Dekhta, Chala Jata,  Us Aadmi Ki Mohabbat Faqeer Aisi thi,

Rida K Saath Luterey Ko Zaad-e-Raah 
Diya,
Teri Firagh-Dili Merey Veer Aisi Thi,

Kabhi Na Chahney Walo'n Ka Khoo'n-Baha Maangaz
Nigaar-e-Shahar-e-Sukhan Be-Zameer 
Aisi Thi..!!

- Parween Shakir
__________

Nazeer = example, instance, precedent, equal to,
Bakht = Destiny, Luck 
Safeer = Messenger, envoy, ambassador; mediator,
Aseer = prisoner, captive,
Chashm-Geer = attractive eyes, attractive to eyes,
Ridaa = cloak put on by women when going out
Zaad-e-Raah = provisions for journey,
Faraakh-Dili = generosity,
Khoo'n-Baha = compensation for killing/ murder,
Nigaar-e-Sheher-e-Sukhan = picture of the city of poetry,

Khuli Aankhon Mein Sapna Jhaankta Hai

Khuli aankhon mein sapna jhaankta hai,
Woh soya hai ke kuch kuch jaagta hai,

Tere chahat ke bheegey junglon mein
Mera tan man mor ban kar naachta hai

Mujhe har kefiyat mein kyon na samjhey,
Woh mere sab hawaaley jaanta hai,

Main uss ki dastrass main hoon magar woh,
Mujhe meri razaa se mangta hai

Kissi ke dhyaan main dooba hua dil,
Bahaaney se mujhe bhi taalta hai

Sadak ko chhod kar chalna padega,
Ke mere ghar ka kachcha raasta hai..!!

- Parween Shakir 

Ab Aur Jeeney Ki Surat Nazar Nahin Aati

Ab aur jeeney ki surat nazar
nahin aati,
Kisi tarah bhi achi khabar nazar
nahin aati,

Ussi ke aas main hai dil ka hujraa 
tareek,
Woh roshni jo kabhi mere ghar 
nahin aati,

Woh meherbaan hai to 
mehraab-o-baam tak na rahey,
Yeh dhoop kyon pas-e-dar-o-deewar 
nahin aati,

Hayaat mein ab koi aisa mod nahin,
Ke jis ke baad teri rahguzar nazar 
nahin aati,

Qabooliyat ki hai ghadi to us ko 
maang hi loon,
Ke yeh ghadi kabhi baar-e-dagar 
nahin aati,

Saraaye khaana duniya main 
shaam hoti hai,
Musaafiron ko naveed-e-safar 
nazar nahin aati..!!

- Parween Shakir

______________

Naveed = Good New, 
Baar = Weight,

Ek Umr Ke Baad Us Ko Dekha

* Nazm *
__________

Ek umr ke baad us ko dekha,

Aankhon mein sawaal they hazaaron,
Honton pe magar wohi tabasum,
Chehrey pe likhi huyi udaasi,
Lehjey mein magar balaa ka thehrao,
Awaaz main goonjti judaai,
Baanhen thi magar wisaal-e-samaa'n,
Simtti huyi baazuyo'n mein,
Taa’der mein sochti rahi thi,
Kis abr-e-gurez paa ki tarah,
Main kis shajar se katt gayi thi,
Kis chaaon ko tark kar diya tha,
Main us ke galey lagi huyi thi,
Woh ponchh raha tha mere aansu,
Lekin badi der ho chuki thi..!!

- Parween Shakir 
___
Samaa'n = Atmosphere, 

Wo Aks-e-Mauja-e-Gul Tha, Chaman Chaman Mein Raha

Wo Aks-e-Mauja-e-Gul Tha, Chaman 
Chaman Mein Raha,
Wo Rang Rang Mein Utraa, Kiran
Kiran Mein Raha...

Wo Naam Haasil-e-Fun Ho Ke Mere 
Fun Mein Raha,
Ke Rooh Ban Ke Meri Soch Ke 
Badan Mein Raha...

Sakoon-e-Dil Ke Lye Mein Kahaan 
Kahaan Na Gayi,
Magar Ye Dil, Ke Sadaa Uski 
Anjuman Mein Raha...

Wo Sheher Waalon Ke Aagay Kaheen 
Mohazzib Tha,
Wo Ek Shakhs Jo Sheheron Se Door
Wan Mein Raha...

Charaagh Bujhtay Rahay Aur Khwaab 
Jaltay Rahay,
Ajeeb Tarz Ka Mausam Mere
Watan Mein Raha...!!

- Parween Shakir

Ab Kaisi Pardah-daari, Khabar Aam Ho Chuki

Ab Kaisi Pardah-Daari , Khabar
Aam Ho Chuki
Maa Ki Rida To, Din Howe, 
Neelaam Ho Chuki...

Ab Aasmaa'n Se Chadar-e Shab 
Aaye Bhi To Kya
Be-Chadari Zameen Pe 
Ilzaam Ho Chuki...
Ujdey Hoye Diyaar Pe Phir Kyun 
Nigaah Hai
Is Kasht Par To Barish-e- Ikraam 
Ho Chuki...

Sooraj Bhi Uss Ko Dhoond Ke 
WaApas Chala Gaya
Ab Hum Bhi Ghar Ko Lout Chalain 
Shaam Ho Chuki...

Shimley Sambhaaltey Hee Raha 
Maslehat Pasand...
Hona Tha Jis Ko Pyaar Main
Bad-Naam Ho Chuki...

Aankhain Hain Aur Subah Talak 
Tera Intezaar
Mishal Bad'dast Raat Terey 
Naam Ho Chuki...

Koh-e-Nida Se Bhi Sukhan Utrey Agar, 
To Kya
Na-Sameeoo'n Main Hurmat-e-ilhaam 
Ho Chuki..!!

- Parween Shakir

Rasta Hi Naya Hai, Na Main Anjaan Bahut Hoon

Rasta hi naya hai, na main anjaan 
bahut hoon
Phir ku-e-malaamat mein hoon, nadaan
bahut hoon,

Ek umr jisey khwaab ki manind hi dekha,
Chooney ko mila hai to pareshaan 
bahut hoon,

Mujh mein kabhi aahat ki tarah 
se koi aaye,
Ek band gali ki tarah sunsaan
bahut hoon,

Uljhen ke kayi baar abhi lafz se 
mafhoom,
Saada hai bahut woh, na main 
aasaan bahut hoon..!!

- Parween Shakir

Marney Se Bhi Pahley Mar Gaye They

Marney se bhi pahley mar 
gaye they,
Jeeney se kuch aise darr 
gaye they,
Rastey mein jahaan talak 
diye they,
Saarey mere humsafar
gaye they,
Aankhain abhi khul nahin 
saki thi’n,
Aur khwaab mere bikhar 
gaye they,
Jab tak na khila tha us ka 
waada,
Mausam mere be’samar
gaye they,
Ab tak wahi naash-e-paziraai,
Kya jaaniye hum kidhar
gaye they..!!

- Parween Shakir
_____
Paziraai = appreciation,

Bahut Se Log The Mahmaan Mere Ghar Lekin

Bahut se log the mahmaan 
mere ghar lekin,
Wo jaanta tha ke hai ahtamaam 
kis ke liye..!!

- Parween Shakir

Kaun Chahega Tumhe Meri Tarah

Kaun Chahega Tumhe 
Meri Tarah,
Ab Kisi Se Na Mohabbat
Karna..!!

- Parween Shakir

Tera Pahlu Tere Dil Ki Tarah Aabaad Rahe

Tera Pahlu Tere Dil Ki Tarah 
Aabaad Rahey,
Tujh Pe Guzrey Na Qayamat 
Shab-e-tanhaai Ki..!!

- Parween Shakir

Rail Ki Seeti Mein Kaisi Hijr Ki Tamheed Thi

Rail Ki Seeti Mein Kaisi Hijr Ki 
Tamheed Thi,
Us Ko Rukhsat Kar Ke Ghar Lotay
To Andaaza Hua..!!

- Parween Shakir

Tamaam Raat Mere Ghar Ka Ek Dar Khulaa Raha

Tamaam Raat Mere Ghar Ka Ek Dar 
Khulaa Raha,
Mein Raah Dekhti Rahi, Woh Raasta Badal Gaya..!!

- Parween Shakir

Darwaza Jo Khola To Nazar Aaye Khadey Wo

Darwaza jo khola to nazar aaye
khadey woh,
Hairat hai mujhe, aaj kidhar bhool 
padey woh,

Bhoola nahin dil, hijr ke lamhaat 
kadey woh,
Raatein to barri theen hi, Magar din 
bhi badey woh

Kyun jaan pe ban aayi hai bigda hai 
agar woh,
Uss ki to yeh aadat ke hawaaon se 
ladey woh

Alfaaz they us ke ke bahaaron 
ke peyamaat,
Khushbuu si barasney lagi, yoon 
phool jhadey woh

Har shakhs mujhe tujhse juda karne 
ka hwa’haan,
Sun paaye agar ek to das ja ke 
jadey woh

Bachchey ki tarah chaand ko choonay 
ki tammana,
Dil ko koi shay de de to kya kya na
adey woh

Tufaan hai to kya ghum, mujhe 
aawaz to dijiye,
Kya bhool gaye aap mere kachay 
ghadey woh..!!

- Parween Shakir

Sab Rutain Aa Kar Chali Jaati Hain

Sab Rutain Aa Kar Chali Jaati Hain,
Mausam-e-ghum Bhi To Hijrat Karta..!!

- Parween Shakir

Is Baar Jo Eendhan Ke Liye Kat Ke Gira Hai

Iss Baar Jo Eendhan Ke Liye 
Kat Ke Gira Hai,

Chidiyon Ko Bada Pyaar Tha Us 
Boodhey Shajar Se..!!

- Parween Shakir

Main Sach Kahungi Magar Phir Bhi Haar Jaaungi

Main Sach Kahungi Magar Phir
Bhi Haar Jaaungi,

Woh Jhooth Bolega Aur La’jawab 
Kar Dega..!!

- Parween Shakir

Main Sach Kahungi Magar Phir Bhi Haar Jaaungi

Main Sach Kahungi Magar Phir
Bhi Haar Jaaungi,

Woh Jhooth Bolega Aur La’jawab 
Kar Dega..!!

- Parween Shakir

Ku-ba-ku Phail Gai Baat Shanasai Ki

Ku-ba-ku phail gai baat shanasai ki,
Us ne khushbu ki tarah meri paziraai ki

Kaise kah dun k mujhey chhod diya
hai us ne,
Baat to sach hai magar baat hai 
ruswaai ki

Wo kahin bhi gaya lauta to mere 
paas aya,
Bas yahi baat hai achchi mere 
harjaai ki

Tera pahlu tere dil ki tarah aabad 
rahe,
Tujh pe guzrey na qayamat
shab-e-tanhaai ki,

Us ne jalti hui peshaani pe jo 
haath rakha,
Rooh tak aa gayi taseer masihaai ki..

Ab bhi barsaat ki raaton mai badan 
Toot'ta hai, 
Jaag uthti hain ajab khwaahishen 
angdaai ki.!!

- Parween Shakir