Hoor Ho Ya Koi Pari Ho Tum

Hoor Ho Ya Koi Pari Ho Tum,
Kaise Dil Mein Utar Gayi Ho Tum,

Teri Aankho'n Mein Neeley Dariya Hain,
Mere Khwaabo'n Ki Jal-pari Ho Tum,

Zindagi Bhi To Aarzi Thehri,
Kaise Kah Doon K Zindagi Ho Tum,

Tum Meri Nazm Ho, Takheel Ho,
Meri Urdu Ho, Shayeri Ho Tum, 

Dekh Jugnoo Bhi Tum Se Jalte Hain,
Chaand Nagri Ki Chaandni Ho Tum, 

Aaina'khaana Ban Gayi Aankhein,
Saamne Hu-ba-hu Khadi Ho Tum,

Mujh Se Goyaai Chhin Gayi Meri, 
Jab Se Patthar Ki Ban Gayi Ho Tum,

Aakhiri Baar Dekh Loon Tum Ko,
Kya Palat Kar Bhi Dekhti Ho Tum,

Aaj Dil Ne Tumhein Bahut Dhundha,
Aise Lagta Hai Ja Chuki Ho Tum..!!

"Shuja'at Iqbal"

حور ہو یا کوئی پری ہو تم
کیسے دل میں اتر گئی ہو تم

تیری آنکھوں میں نیلے دریا ہیں
میرے خوابوں کی جل پری ہو تم

زندگی بھی تو عارضی ٹھہری
کیسے کہہ دوں کہ زندگی ہو تم

تم مری نظم ہو ,تخیل ہو
میری اردو ہو, شاعری ہو تم

دیکھ جگنو بھی تم سے جلتے ہیں
چاند نگری کی چاندنی ہو تم

آئینہ خانہ بن گئی آنکھیں
سامنے ہو بہو کھڑی ہو تم

مجھ سے گویائی چھن گئی میری
جب سے پتھر کی بن گئی ہو تم

آخری بار دیکھ لوں تم کو
کیا پلٹ کر بھی دیکھتی ہو تم

آج دل نے تمہیں بہت ڈھونڈا
اسیے لگتا ہے جا چکی ہو تم

(شجاعت اقبال)