Aap Ka Aitibaar Kaun Kare

Aap ka aitibaar kaun kare,
Roz ka intezaar kaun kare...

Zikr-e-mehr-o-wafa to hum karte,
Par tumhein sharmsaar kaun kare...

Ho jo us chashm-e-mast se be-khud,
Phir use hoshiyaar kaun kare...

Tum to ho jaan ek zamane ki,
Jaan tum par nisaar kaun kare...

Aafat-e-rozgaar jab tum ho,
Shikwa-e-rozgar kaun kare...

Apni tasbeeh rahne de zahid,
Daana daana shumaar kaun kare...

Hijr mein zahar kha ke mar jaaun,
Maut ka intezaar kaun kare...

Aankh hai tark-e-zulf hai sayyaad,
Dekhein dil ka shikaar kaun kare...

Eada karte nahin ye kahte hain,
Tujh ko ummeed'waar kaun kare...

'Dagh' ki shakl dekh kar bole,
Aisi soorat ko pyaar kaun kare.!!

"Dagh Dehlvi"
____________________

آپ کا اعتبار کون کرے
روز کا انتظار کون کرے.. 

ذکر مہر و وفا تو ہم کرتے
پر تمہیں شرمسار کون کرے..

ہو جو اس چشم مست سے بے خود
پھر اسے ہوشیار کون کرے..

تم تو ہو جان اک زمانے کی
جان تم پر نثار کون کرے..

آفت روزگار جب تم ہو
شکوۂ روزگار کون کرے..

اپنی تسبیح رہنے دے زاہد
دانہ دانہ شمار کون کرے..

ہجر میں زہر کھا کے مر جاؤں
موت کا انتظار کون کرے..

آنکھ ہے ترک زلف ہے صیاد
دیکھیں دل کا شکار کون کرے..

وعدہ کرتے نہیں یہ کہتے ہیں
تجھ کو امیدوار کون کرے..

داغؔ کی شکل دیکھ کر بولے
ایسی صورت کو پیار کون کرے..