Deewana Banaana Hai To Deewana Bana De

Deewana banaana hai to deewana bana de...
Warna kahin taqdeer tamasha na bana de...

Ai dekhne waalon mujhe hans hans ke na dekho...
Tum ko bhi mohabbat kahin mujh sa na bana de...

Main dhhundh raha hun meri wo shama kahaan hai...
Jo bazm ki har cheez ko parwana bana de...

Aakhir koi soorat bhi to ho khaana-e-dil ki...
Kaaba nahin banta hai to but-khaana bana de...

'Behzad' har ek gaam pe ek sajda-e-masti...
Har zarre ko sang-e-dar-e-jaanaa bana de..!!

"Behzad Lakhnawi"