Musafir Kab Samajhte Hain

Chale Jaane Ki Ujlat Mein
Dilo'n Par Jo Guzarti Hai...
Musafir Kab Samajhte Hain.!

Unhein Ahsaas Kab Hota Hai
Zaad-e-raah Sametein To...
Kisi Ka Dil Simat ta Hai,
Rago'n Mein Khoon Jamta Hai.!

Kisi Ke Alwidaai Haath Hilte Hain
Magar Dil Doob Jaata Hai.!

Magar Jaane Ki Ujlat Mein
Musafir Kab Samajhte Hain.!! 

چلے جانے کی عُجلت میں
دِلوں پر جو گزرتی ہے۔۔۔
مسافر کب سمجھتے ہیں

اُنہیں احساس کب ہوتا ہے
زادِ راہ سمیٹیں تو
کسی کا دِل سمٹتا ہے۔۔۔۔۔۔۔۔
رگوں میں خُوں جمتا ہے۔۔۔

کسی کے الوداعی ہاتھ ہِلتے ہیں
مگر دل ڈوب جاتا ہے.. 

مگر جانے کی عجلت میں
مسافر کب سمجھتے ہیں ، ۔۔۔۔۔۔۔۔۔۔۔

Ajab Paagal Si Ladki Hai

Ajab Paagal Si Ladki Hai.!

Meri Khamosh Aankhon Mein..
Mahakti, Muskuraati, Gungunaati, Khwab Si Gahri..
Mohabbat Ke Sabhi Rango'n Se Waaqif Hai..
Magar Anjaan Banti Hai.!

Wo Meri Be-qaraari Ke Sabhi Maani Samajhti Hai..
Magar Khamosh Rahti Hai.!
Use Maloom Hai Ye Be-tahasha Bolne Waala..
Zamane Bhar Ke Qisse, Dastaanein Us Se Kahta Hai..
Har Ek Mauzu Par Us Se Baat Karta Hai.!

Wo Us Se Kah Nahi Sakta..
Meri Sochon Ke Mahwar Ho..
Tumhaare Bin Mujhe Ye Zindagi Bekaar Lagti Hai..
Mera Har Din Tumhaari Soch Ke Suraj Se Ugta Hai..
Meri Har Shaam Ke Pahlu Mein Tum Hi Muskurati Ho..
Meri Har Raat Karb-e-naarsaai Se Sulagti Hai..
Agar Khud Se Tumhein Manha Karun To Kuch Nahi Bachta.!

Use Maloom Hai Ye Shab Gaye Tak Jaagne Waala..
Jise Khwaabon Ki Duniya Se Mohabbat Si Mohabbat Hai..
Wo Kyun Sone Se Darta Hai..
Use Kya Khauf La-haq Hai..
Wo Khul Kar Kyun Nahi Hansta..
Wo Kyun Chhup Chhup Ke Rota Hai.!

Use Maloom Hai Sab Kuch..
Magar Anjaan Banti Hai.!

Use Ye Kaun Samjhaye..
Ke Dil Yoon Naarsaai Ki Tapish Zyada Dinon Tak Sah Nahi Sakta..
Jise Khwaabon Ki Duniya Se Mohabbat Si Mohabbat Ho..
Wo Khwaabon Ke Bina Aise Adhoora Rah Nahi Sakta.!

Use Ye Kaun Samjhaye..
Ke Us Se Be-tahasha Bolne Waala..
Jo Har Mauzu Par Us Se Baat Karta Hai..
Kabhi Ye Kah Nahi Sakta..
Meri Veeraan Aankhon Mein Kayi Sapne Samo Jao..
Tumhaare Bin Adhoora Hun..
Meri Takmeel Ho Jao..
Use Maloom Hai Sab kuch Magar Ye Kaun Samjhaye..
Ajab Paagal Si Ladki Hai!!

عجب پاگل سی لڑکی ہے !

مری خاموش آنکھوں میں__
مہکتی، مسکراتی، گنگناتی، خواب سی گہری__
محبت کے سبھی رنگوں سے واقف ہے__
مگر انجان بنتی ہے!!

وہ میری بے قراری کے سبھی معنی سمجھتی ہے_ مگر خاموش رہتی ہے!!
اسے معلوم ہے یہ بے تحاشا بولنے والا!
زمانے بھر کے قصے، داستانیں اس سے کہتا ہے_
ہر اک موضوع پر اس سے بات کرتا ہے__

وہ اس سے کہہ نہیں سکتا!
"مری سوچوں کے محور ہو..
تمہارے بن مجھے یہ زندگی بیکار لگتی ہے__
مرا ہر دن تمہاری سوچ کے سورج سے اُگتا ہے__
مری ہر شام کے پہلو میں تم ہی مُسکراتی ہو__
مری ہر رات کربِ نارسائی سے سلگتی ہے__
اگر خود سے تمہیں منہا کروں تو کچھ نہیں بچتا"

اسے معلوم ہے یہ شب گئے تک جاگنے والا!
جسے خوابوں کی دنیا سے محبت سی محبت ہے__
وہ کیوں سونے سے ڈرتا ہے؟
اسے کیا خوف لاحق ہے؟
وہ کُھل کر کیوں نہیں ہنستا؟
وہ کیوں چُھپ چُھپ کے روتا ہے؟

اسے معلوم ہے سب کچھ__
مگر انجان بنتی ہے!

اسے یہ کون سمجائے!!
کہ دل یوں نارسائی کی تپش زیادہ دنوں تک سہہ نہیں سکتا__
جسے خوابوں کی دنیا سے محبت سی محبت ہو__
وہ خوابوں کے بنا ایسے ادھورا رہ نہیں سکتا__

اسے یہ کون سمجھائے..
کہ اس سے بے تحاشا بولنے والا!
جو ہر موضوع پر اس سے بات کرتا ہے___
کبھی یہ کہہ نہیں سکتا!
"مری ویران آنکھوں میں کئی سپنے سمو جاؤ___
تمہارے بن ادھورا ہوں___
مری تکمیل ہو جاؤ"
اسے معلوم ہے سب کچھ مگر یہ کون سمجھاۓ!
عجب پاگل سی لڑکی ہے__

Pal Bhar Ko Mil Ke Ajr-e-shanasaai De Gaya

Pal Bhar Ko Mil Ke Ajr-e-shanasaai De Gaya..
Ek Shakhs Ek Umr Ki Tanhaai De Gaya.!

Aaya Tha Shauq-e-charagari Mein Koi Magar..
Kuch Aur Dil Ke Zakhm Ko Gahraai De Gaya.!

Bichhda To Dosti Ke Asaase Bhi Bat Gaye..
Shohrat Wo Le Gaya, Mujhe Ruswaai De Gaya.!

Kis Ki Barhangi Teri Poshaak Ban Gayi..
Kis Ka Lahu Tha Jo Tujhe Raanaai De Gaya.!

Ab Gin Raha Hun Chaak Garebaan Ki Dhajjiyan..
Deewangi Ka Shauq, Ye Daanaai De Gaya.!!

پل بھر کو مِل کے اجرِ شناسائی دے گیا
اک شخص ، ایک عمر کی تنہائی دے گیا..

آیا تھا شوقِ چارہ گری میں کوئی ، مگر
کچھ اور دل کے زخم کو گہرائی دے گیا..

بچھڑا، تو دوستی کے اثاثے بھی بٹ گئے
شہرت وہ لے گیا ، مجھے رسوائی دے گیا..

کس کی برہنگی ، تِری پوشاک بن گئی
کس کا لہو تھا ، جو تجھے رعنائی دے گیا..

اب گِن رہا ہوں چاک گریباں کی دھجیاں
دیوانگی کا شوق ، یہ دانائی دے گیا..

Wo Bichhda Hai To Yaad Aaya

* Nazm *
__________

Wo bichhda hai to yaad aaya..

Wo aksar mujh se kahta tha..

Mohabbat wo nahin hai jo ye nasl-e-nau samajhti hai,
Ye pahron phone par baatein,
Ye aaye din mulaqaatein,

Agar ye sab mohabbat hai,
To tuf aisi mohabbat par..

Mohabbat to mohabbat hai,
Wisaal o wasl ki khwahish se baala-tar..

Kaha karta,
Mohabbat qurb ki khwahish pe aaye to samajh lena,

Hawas ne sar uthaya hai..

Hawas kya hai,
Faqat jismon ki pamaali faqat tazleel roohon ki,

Kaha karta,
Mohabbat aur hoti hai..

Hawas kuchh aur hoti hai,

So jab bhi qurb ki khwahish pe aa jaaye mohabbat to,
Suno phir der mat karna wahin rasta badal lena..

Wo bichhda hai to yaad aaya.!!

"Meesam Ali Aagha"

Jab Bhi Laayi Gardish-e-ayyaam Tere Shahar Mein

Jab Bhi Laayi Gardish-e-ayyaam Tere Shahar Mein,
Hum Par Aaya Ek Naya Ilzaam Tere Shahar Mein..

Ek Zara Si Baat Kya Phaili Ke Afsana Bani,
Ho Gaye Hum Muft Mein Badnaam Tere Shahar Mein..

Log To Aaghaaz Hi Mein Dushman-e-jaan Ho Gaye,
Jaane Ab Kya Ho Mera Anjaam Tere Shahar Mein.!
____________________

جب بھی لائی گردشِ ایام تیرے شہر میں
ہم پر آیا اک نیا الزام تیرے شہر میں..

اِک ذرا سی بات کیا پھیلی کہ افسانہ بنی
ہو گئے ہم مفت میں بدنام تیرے شہر میں..

لوگ تو آغاز ہی میں دُشمنِ جاں ہو گئے
جانے اب کیا ہو مرا انجام تیرے شہر میں..

Bahut Dinon Se Nahi Apne Darmiyan Wo Shakhs

Bahut Dinon Se Nahi Apne Darmiyan Wo Shakhs,
Udaas Kar Ke Humein Chal Diya Kahaan Wo Shakhs..

Us Ek Shakhs Mein Thin Dil-rubaaiyan Kya Kya,
Hazaar Log Milenge Magar Kahaan Wo Shakhs.!
____________________

بہت دنوں سے نہیں اپنے درمیاں وہ شخص
اداس کر کے ہمیں چل دیا کہاں وہ شخص؟

اس ایک شخص میں تھیں دلربائیاں کیا کیا
ہزار لوگ ملیں گے مگر کہاں وہ شخص؟؟؟

Wo Khyaal Tha Koi Dhanak-numa

Wo Khyaal Tha Koi Dhanak-numa,
Ya Koi Aks Tha Mere Ru-ba-ru.?

Mujhe Har Taraf Se Tu Laga,
Wo Tu Hi Tha Ya Koi Hu-ba-hu.?

Bayaan Mein Thi Wo Chaashni,
Ke Mahak Raha Tha Harf Harf..
Jaise Khushbuon Ki Zabaan Mein,
Koi Kar Raha Hi Guftugu.!

Nahi Kuch Khabar Ke Kis Ghadi,
Tere Raaston Ka Sira Mila..
Tere Naqsh-e-paa Ki Talaash Mein,
Lagi To Hai Meri Justuju.!

Bas Dekhna Hai Kis Tarah,
Wo Ji Rahi Hai Mere Baghair..
Yoon To Dil Mein Hai Wo Aaj Bhi,
Jise Dhundhta Hum Main Ku-ba-ku.!

Ye Yaad Tha Ke Dua Karun,
Par Uthe Rahe Mere Haath Yoon,
Jaise Khwahishon Ke Hujoom Mein,
Kahin Kho Gayi Teri Aarzu.!!
____________________

وہ خیال تھا کوئی دھنک نما،
یا کوئی عکس تھا میرے روبرو؟
مجھے ہر طرف سے تو لگا،
وہ تو ہی تھا یا کوئی ہو بہو؟
بیان میں تھی وہ چاشنی،
کہ مہک رہا تھا حرف حرف..
جیسے خوسشبوؤں کی زبان میں،
کوئی کر رہا ہو گفتگو..
نہیں کچھ خبر کہ کس گھڑی،
ترے راستوں کا سرا ملے،
تیرے نقشِ پا کی تلاش میں،
لگی تو ہے میری جستجو..
بس دیکھنا ہے کس طرح،
وہ جی رہی ہے میرے بغیر،
یوں تو دل میں ہے وہ آج بھی،
جسے ڈھونڈتا ہوں میں کو بہ کو،
یہ یاد تھا کہ دعا کروں،
پر اٹھے رہے میرے ہاتھ یوں،
جیسے خواہشوں کے ہجوم میں،
کہیں کھو گئی تیری آرزو..

Mere Gum-shuda

Mujhe Ilm Hai Ke Tu Chaand Hai
Kisi Aur Ka,
Magar Ek Pal..
Mere Aasman-e-hayat Pe
Zara Jagmaga,
Mere Gum-shuda...

Tere Iltifaat Ki Baarishein
Jo Meri Nahi To Bata Mujhe,
Tere Dasht-e-chaah Mein Kis Liye
Mera Dil Jala,
Mere Gum-shuda.!

ﻣﺠﮭﮯ ﻋﻠﻢ ﮨﮯ ﮐﮧ ﺗﻮ ﭼﺎﻧﺪ ﮨﮯ
ﮐﺴﯽ ﺍﻭﺭ ﮐﺎ، 
ﻣﮕﺮ ﺍﯾﮏ ﭘﻞ!
ﻣﯿﺮﮮ ﺁﺳﻤﺎﻥ ﺣﯿﺎﺕ ﭘﮧ
ﺫﺭﺍ ﺟﮕﻤﮕﺎ ___
ﻣﯿﺮﮮ ﮔﻤﺸﺪﮦ۔۔۔۔۔۔
ﺗﯿﺮﮮ ﺍﻟﺘﻔﺎﺕ ﮐﯽ ﺑﺎﺭﺷﯿﮟ
ﺟﻮ ﻣﯿﺮﯼ ﻧﮩﯿﮟ ﺗﻮ ﺑﺘﺎ ﻣﺠﮭﮯ!
ﺗﯿﺮﮮ ﺩﺷﺖ ﭼﺎﮦ ﻣﯿﮟ ﮐﺲ ﻟﯿﮯ
ﻣﯿﺮﺍ ﺩﻝ ﺟﻼ ___
ﻣﯿﺮﮮ ﮔﻤﺸﺪﮦ۔۔۔۔۔۔۔۔۔۔۔۔

Is Tarah Nahi Hota

Kitna Sahl Jaana Tha,
Khushbuon Ko Chhu Lena..

Shaam Ka Har Ek Manzar,
Raushni Sitaaron Ki,
Mutthiyon Mein Bhar Lena..

Jugnuon Ki Baaton Se,
Phool Jaise Aangan Mein,
Raushni Si Bhar Lena..

Ai Nazar Ki Khush-fahmi,
Is Tarah Nahi Hota.!! 
____________________

کتنا سہل جانا تھا
خوشبوٶں کو چھو لینا
شام کا ہر اک منظر
روشنی ستاروں کی
مٹھیوں میں بھر لینا
جگنووں کی باتوں سے
پھول جیسے آنگن میں
روشنی سی بھر لینا
اے نظر کی خوشفہمی
اس طرح نہیں ھوتا..

Mohabbat Mein Bahut Aasaan Nahi Hota

Mohabbat Mein Bahut Aasaan Nahi Hota..

Kisi Ke Hijr Ko
Apne Junoon Ke Baab Mein Tasleem Kar Lena,
Wafa Ki Khushbuon Ki Nekiyaan Taqseem Kar Lena,

Badan Par Paaon Rakhti Pyas Se Be-haal Bhi Rahna,
Apni Taskheer Kar Lena..

Dil-e-barbaad Ka In Wahshaton Mein Bhi
Bikharte Hausle Tameer Kar Lena,

Bahut Aasaan Nahi Hota..

Sulagte Khaima-e-shab Mein
Bahut Gahri Udaasi Ki Guzarti Saa'aton Mein,
Surkh Aankhon Ke Kinaaron Par
Machalte Aansuon Ko Khamoshi Ke Saath Pi Lena,

Shikasta Raushni Ke Saaye Mein Har Pal
Kisi Ko Door Hote Dekhna,
Aur Honth Si Lena..

Mohabbat Mein Bahut Aasaan Nahi Hota,
Mohabbat Mein Bahut Aasaan Nahi Hota.!!
____________________

مُحبت میں بُہت آساں نہیں ہوتا
کسی کے ہِجر کو
اپنے جُنوں کے باب میں تسلیم کر لینا
وفا کی خُوشبوؤں کی نیکیاں تقسیم کر لینا
بدن پر پاؤں رکھتی پیاس سے بے حال بھی رہنا
اسے تسخیر کر لینا
دلِ برباد کا اِن وحشتوں میں بھی
بکھرتے حوصلے تعمیر کر لینا
بُہت آساں نہیں ہوتا
سُلگتے خیمہِ شب میں
بُہت گہری اُداسی کی گُزرتی ساعتوں میں
سُر خ آنکھوں کے کناروں پر
مچلتے آنسوؤں کو خامشی کے ساتھ پی لینا
شِکستہ روشنی کے سائے میں ہر پَل
کسی کو دُور ہوتے دیکھنا
اور ہونٹ سِی لینا
مُحبت میں بُہت آساں نہیں ہوتا.....
مُحبت میں بُہت آساں نہیں ہوتا..!

Main Phir Palat Ke Teri Tamanna Na Kar Sakun

Main Phir Palat Ke Teri Tamanna Na Kar Sakun,
Kuch Is Tarah Se Mujh Ko Judaai Bhi De Kabhi..

Larzaa'n Hain Kab Se Aankh Mein Ashkon Ke Qaafile,
In Qaidiyon Ko Izn-e-rihaai Bhi De Kabhi.!
____________________

میں پھر پلٹ کے تیری تمنا نہ کر سکوں
کچھ اس طرح سے مجھ کو جدائی بھی دے کبھی..

لرزاں ہیں کب سے آنکھ میں __ اشکوں کے قافلے
ان قیدیوں کو اذن _ رہائی بھی دے کبھی..

Us Ne Aawara-mizaaji Ko Naya Mod Diya

Us Ne Aawara-mizaaji Ko Naya Mod Diya,
Paa-ba-zanjeer Kiya Aur Mujhe Chhod Diya...

Us Ne Aanchal Se Nikaali Meri Gul-gashta Biyaaz,
Aur Chupke Se Mohabbat Ka Waraq Mod Diya...

Jaane Waale Ne Hamesha Ki Judaai De Kar,
Dil Ko Aankhon Mein Dhadakne Ke Liye Chhod Diya...

Hum Ko Maloom Tha Anjaam-e-mohabbat Hum Ne,
Aakhiri Harf Se Pahle Hi Qalam Tod Diya.!!
____________________

اس نے آوارہ مزاجی کو نیا موڑ دیا
پا بہ زنجیر کیا اور مجھے چھوڑ دیا..

اس نے آنچل سے نکالی مری گم گشتہ بیاض
اور چپکے سے محبت کا ورق موڑ دیا..

جانے والے نے ہمیشہ کی جدائی دے کر
دل کو آنکھوں میں دھڑکنے کے لیے چھوڑ دیا..

ہم کو معلوم تھا انجام محبت ہم نے
آخری حرف سے پہلے ہی قلم توڑ دیا..

Mohabbat Jab Lahu Ban Kar

Mohabbat jab lahu ban kar
Ragon me sarsaraaye to,
Koi bhoola hua chehra
Achanak yaad aaye to,
Qadam mushkil se uthtay hain…

Irada dagmagaye to,
Koi maddham se lehjay me
Tumhein waapas bulaaye to,
Thehar jaana..
Samajh lena..
Ke ab wapis palatne ka amal aaghaaz hota hai...

Kabhi tanhaaiyon ka dard
Aankhon mein samaaye to,
Koi lamha guzishta chahaton ka
jab sataaye to,
Kisi ki yaad mein rona
Tumhein bhi khoon rulaaye to,
Agar tum se tumhara dil
Achanak rooth jaaye to,

Kabhi anhoniyon ka darr
Parindon ko udaaye to,
Hawa jab per se ik zard sa
Patta giraaye to,
Thehar jana..
Samajh lena..
Ke ab wapis palatne ka amal aaghaaz hota hai.!

محبت جب لہو بن کر
رگوں میں سرسرائے تو
کوئی بھولا ہوا چہرہ،
اچانک یاد آئے تو
قدم مشکل سے اُٹھتے ہوں
ا رادہ ڈگمگائے تو،
کوئی مدھم سے لہجے میں
تمھیں واپس بلائے تو،
ٹھہر جانا، سمجھ لینا
کہ اب واپس پلٹنے کا سفر آغاز ہوتا ہے
کبھی تنہائیوں کا درد
آنکھوں میں سمائے تو
کوئی لمحہ گزشتہ چاہتوں کا
جب ستائے تو،
کسی کی یاد میں رونا
تمھیں بھی خون رُلائے تو
اگر تمھارا دل تم سے،
کسی دم روٹھ جائے تو
کبھی انہونیوں کا ڈر
پرندوں کو اُڑائے تو
ہوا جب پیڑ سے،
زرد سا پتّہ گِرائے تو
ٹھہر جانا، سمجھ لینا
کہ اب واپس پلٹنے کا سفر آغاز ہوتا ہے...

Ek Firqa Udaas Logon Ka

Ek Firqa Udaas Logon Ka,
Ghum Hai Taaza Udaas Logon Ka..

Zindagani Ghulaam Jaisi Hai,
Dard Hai Shaah Udaas Logon Ka..

Kis Ko Fursat Ghum-e-mohabbat Se,
Kaisa Shikwa Udaas Logon Ka..

Dukh Kisi Ka Ho, Rone Lag Jaana,
Ye Hai Sheewa Udaas Lafzon Ka..

Dard Padhna, Kalaam-e-dil Likhna,
Hai Ye Pesha Udaas Logon Ka..

Ishq Mitti Udaas Logon Ki,
Aala Rutba Udaas Logon Ka..

Saare Firqon Se Mil Ke Rahta Hai,
Hai Ek Firqa Udaas Logon Ka..

Dukh Ke Dukh Mein Hi Kat Gaya,
Ek Arsa Udaas Logon Ka.!!
____________________

ایک فرقہ اداس لوگوں کا
غم ہے تازہ اداس لوگوں کا

زندگانی غلام جیسی ہے
درد ہے شاہ اداس لوگوں کا

کس کو فرصت غمِ محبت سے
کیسا شکوہ اداس لوگوں کا

دکھ کسی کا ہو، رونے لگ جانا
ہے یہ شیوہ اداس لوگوں کا

درد پڑھنا، کلام دل لکھنا
ہے یہ پیشہ اداس لوگوں کا

عشق مٹی اداس لوگوں کیا
علیٰ رتبہ اداس لوگوں کا

سارے فرقوں سے مل کے رہتا ہے
ہے اک فرقہ اداس لوگوں کا

دکھ کے دکھ میں ہی کٹ گیا
ایک عرصہ اداس لوگوں کا...

Main To Yak Musht Use Saunp Dun Sab Kuch Lekin

Main To Yak Musht Use Saunp Dun Sab Kuch Lekin,
Ek Mutthi Mein Mere Khwab Kahaan Aate Hain...

Meri Be-dard Nigaahon Mein Agar Bhoole Se,
Neend Aaye Bhi To Ab Khwab Kahaan Aate Hain.!! 
______________________

ﻣﯿﮟ ﺗﻮ ﯾﮏ ﻣﺸﺖ ﺍُﺳﮯ ﺳﻮﻧﭗ ﺩُﻭﮞ ﺳﺐ ﮐُﭽﮫ ﻟﯿﮑﻦ،،
ﺍﯾﮏ ﻣُﭩﮭﯽ ﻣﯿﮟ ﻣﯿﺮﮮ ﺧﻮﺍﺏ ﮐﮩﺎﮞ ﺁﺗﮯ ﮨﯿﮟ..!!

ﻣﯿﺮﯼ ﺑﮯ ﺩﺭﺩ ﻧﮕﺎﮨﻮﮞ ﻣﯿﮟ ﺍﮔﺮ ﺑُﮭﻮﻟﮯ ﺳﮯ،،
ﻧﯿﻨﺪ ﺁﺋﮯ ﺑﮭﯽ ﺗﻮ ﺍﺏ ﺧﻮﺍﺏ ﮐﮩﺎﮞ ﺁﺗﮯ ﮨﯿﮟ...!!

Dil Ne Tere Baare Mein Poochha To Bahut Roya

Dil ne tere baare mein poochha to bahut roya,
Woh shakhs jo patthar tha, toota to bahut roya..

Ye dil ke judaai ke unwaan pe barson se,
Chup tha to bahut chup tha roya to bahut roya..

Aasan to nahi apni hasti se guzar jaana,
Utra jo samandar mein dariya to bahut roya..

Jo shakhs na roya tha tapi hui raahon mein,
Deewar ke saaye mein baitha to bahut roya..

Ek harf tasali ka, ek harf mohabbat ka,
Khud apne liye us ne likkha to bahut roya..

Pahle hi shikaston pe khaayi thi shikast us ne,
Lekin woh tere haathon haara to bahut roya..

Jo ahd nibhane ki di thi dua us ne,
Kal shaam mujhe tanha dekha to bahut roya.!

دل نے تیرے بارے میں پوچھا تو بہت رویا
وہ شخص جو پتھر تھا ٹوٹا تو بہت رویا

یہ دل کہ جدائی کے عنوان پہ برسوں سے
چپ تھا تو بہت چپ تھا رویا تو بہت رویا

آسان تو نہیں اپنی ہستی سے گزر جانا
اترا جو سمندر میں دریا تو بہت رویا

جو شخص نہ رویا تھا تپی ہوئی راہوں میں
دیوار کے سائے میں بیٹھا تو بہت رویا

اک حرف تسلّی کا اک حرف محبت کا
خود اپنے لئے اس نے لکھا تو بہت رویا

پہلے بھی شکستوں پر کھائی تھی شکست اس نے
لیکن وہ تیرے ہاتھوں ہارا تو بہت رویا

جو عہد نبھانے کی دی تھی دعا اس نے
کل شام مجھے تنہا دیکھا تو بہت رویا...!!

Zara Yaad Kar, Mere Hum-nafas

Zara Yaad Kar, Mere Hum-nafas..

Mera Dil Jo Tum Pe Nisaar Tha,
Wo Dara Dara Sa Jo Pyaar Tha,
Tere Shokh Qadmon Ki Dhool Thi,
Tera Bhi Dil Be-qaraar Tha...
Zara Yaad Kar...

Mera Ghum To Hai Ghum-e-mubtila,
Main Jiya Magar Main Jiya Nahi,

Tera Ghum Hai Teri Nadamatein,
Tu Jiya Magar Tu Mara Nahi,

Tujhe Umr Bhar Ki Saza Mili,
Tera Jurm, Jurm-e-faraar Tha,
Tera Bhi Dil Be-qaraar Tha,
Zara Yaad Kar, Mere Hum-nafas,

Wo Ghuti Ghuti Si Nawa-e-dil,
Meri Aah-e-dard Ka Saaz Thi,

Jo Padhi Thi Ashkon Ne Toot Kar,
Kisi Be-khuda Ki Namaaz Thi,

Jise Ro Diya Hai Zara Zara,
Meri Be-basi Ka Fishaar Tha,
Tera Bhi Dil Be-qaraar Tha,
Zara Yaad Kar.!!
____________________

ذرا یاد کر۔۔۔۔ میرے ہم نفس..

میرا دل جو تم پہ نثار تھا..
وہ ڈرا ڈراسا جو پیار تھا..
تیرے شوخ قدموں کی دھول تھی..
تیرا بھی دل بے قرار تھا..
ذرا یاد کر۔۔۔۔

میرا غم تو ہے غم مبتلا..
میں جیا مگر میں جیا نہیں..

تیرا غم ہے تیری ندامتیں..
تو جیا مگر تو مرا نہیں..

تجھے عمر بھر کی سزا ملی..
تیرا جرم ، جرم فرار تھا..
تیرا بھی دل بے قرار تھا..
ذرا یاد کر میرے ہم نفس !!

وہ گھٹی گھٹی سی نوائے دل..
میری آہ درد کا ساز تھی..

جو پڑھی تھی اشکوں نے ٹوٹ کر..
کسی بے خدا کی نماز تھی..

جسے رودیا ہے ذرا ذرا..
میری بے بسی کا فشار تھا..
تیرا بھی دل بے قرار تھا..
ذرا یاد کر۔۔۔

Tum Theek Kahte Ho

Tum Theek Kahte Ho.!
Humari Is Mohabbat Ka
Bhala Kya Fayeda Hoga.?
Humare Darmiyan Jo Dooriyan Hain
Kam Nahi Hongi...
Kabhi Baarish Ke Mausam Mein
Hamesha Saath Rahne Ki,
Jo Khwahish Dil Mein Jaagi Thi,
Jo Sapne Hum Ne Dekhe The.
Wo Sapne Toot Jayenge...
Meri Jaan.! Theek Kahte Ho.!
Muqaddar Ke Likhe Ko Hi Agar Tasleem Karna Hai,
To Phir Aisi Mohabbat Ka
Koi Bhi Fayeda Kaisa.?
Magar Is Ko Agar Chaaho
To Meri Be-basi Kah Lo..
Mujhe Tum Se Mohabbat Hai.!
____________________

تم ﭨﮭﯿﮏ ﮐﮩﺘﮮ ﮨﻮ !
ﮨﻤﺎﺭﯼ ﺍﺱ ﻣﺤﺒﺖ ﮐﺎ
ﺑﮭﻼ ﮐﯿﺎ ﻓﺎﺋﺪﮦ ﮨﻮﮔﺎ؟؟
ﮨﻤﺎﺭﮮ ﺩﺭﻣﯿﺎﮞ ﺟﻮ ﺩﻭﺭﯾﺎﮞ ﮨﯿﮟ
ﮐﻢ ﻧﮩﯿﮟ ﮨﻮﻧﮕﯽ ....
ﮐﺒﮭﯽ ﺑﺎﺭﺵ ﮐﮯ ﻣﻮﺳﻢ ﻣﯿﮟ
ﮨﻤﯿﺸﮧ ﺳﺎﺗﮫ ﺭﮨﻨﮯ ﮐﯽ !
ﺟﻮ ﺧﻮﺍﮨﺶ ﺩﻝ ﻣﯿﮟ ﺟﺎﮔﯽ ﺗﮭﯽ ....
ﺟﻮ ﺳﭙﻨﮯ ﮨﻢ ﻧﮯ ﺩﯾﮑﮭﮯ ﺗﮭﮯ ...
ﻭﮦ ﺳﭙﻨﮯ ﭨﻮﭦ ﺟﺎﺋﯿﮟ ﮔﮯ ....
ﻣﺮﯼ ﺟﺎﮞ ! ﭨﮭﯿﮏ ﮐﮩﺘﮮ ﮨﻮ ....
ﻣﻘّﺪﺭ ﮐﮯ ﻟﮑﮭﮯ ﮐﻮ ﮨﯽ ﺍﮔﺮ ﺗﺴﻠﯿﻢ ﮐﺮﻧﺎ ﮨﮯ ....
ﺗﻮ ﭘﮭﺮ ﺍﯾﺴﯽ ﻣﺤﺒﺖ ﮐﺎ
ﮐﻮﺋﯽ ﺑﮭﯽ ﻓﺎﺋﺪﮦ ﮐﯿﺴﺎ؟
ﻣﮕﺮ ﺍﺱ ﮐﻮ ﺍﮔﺮ ﭼﺎﮨﻮ
ﺗﻮ ﻣﯿﺮﯼ ﺑﮯﺑﺴﯽ ﮐﮩﮧ ﻟﻮ .....
" ﻣﺠﮭﮯ ﺗﻢ ﺳﮯ ﻣﺤﺒﺖ ﻫﮯ۔

Zahe Naseeb, Humein Yaad Se Utaare Wo

Zahe Naseeb, Humein Yaad Se Utaare Wo,
Saleeb-e-waqt Pe Rahna Badi Aziyat Hai..

Ye Baar-e-sang-e-giraa'n Hai Lo Wo Bhi Maan Gaya,
Jo Baar-ha Mujhe Kahta Tha, Ye Mohabbat Hai.!

ﺯہے ﻧﺼﯿﺐ, ﮨﻤﯿﮟ ﯾﺎﺩ ﺳﮯ ﺍُﺗﺎﺭﮮ ﻭﮦ
صلیبِ ﻭﻗﺖ پہ ﺭﮨﻨﺎ ﺑﮍﯼ ﺍﺫﯾﺖ ہے.ِ

یہ بارِ سَنگِ ﮔﺮﺍﮞ ہے ﻟﻮ ﻭﮦ ﺑﮭﯽ ﻣﺎﻥ ﮔﯿﺎ
ﺟﻮ ﺑﺎﺭ ہا ﻣﺠﮭﮯ ﮐﮩﺘﺎ ﺗﮭﺎ, ﯾﮧ ﻣﺤﺒﺖ ہے..

Nami De Kar Jo Mitti Ko, Musalsal Goondhte Ho Tum

Nami De Kar Jo Mitti Ko,
Musalsal Goondhte Ho Tum..
Batao Kya Banaoge.?

Koi Kooza, Koi Murat, Ya Phir Mahboob Ki Surat.?

Sukhan-war Hun, Kaho To Mashwara Ek Dun..
Ye Ghaate Ka Hi Sauda Hai..

Yahaan Mitti Ki Murat Ki Agar Aankhein Banaoge,
Tumhein Aankhein Dikhayegi..

Taraasoge Zabaan Us Ki To Tarshi Jheel Paoge..

Agar Jo Dil Banaya To,
Hazaaron Khwahishein Ban Kar Tumhein Tum Se Hi Maangegi..

Ata-e-khal'at-e-ahmar Use Khud-sar Bana Degi..

Wahaan Apni Mohabbat Ka Jo Naadir Taaj Pahnaya,
Khuda Khud Ko Hi Samjhegi..

Abhi Bhi Waqt Hai Maano,
Irada Multawi Kar Do..
Ise Mitti Hi Rahne Do.!!

نمی دے کر جو مٹی کو
مسلسل گوندھتے ہو تم
بتاؤ کیا بناؤ گے___؟؟

کوئی کوزہ، کوئی مورت یا پھر محبوب کی صورت___؟؟

سخن ور ہوں____کہو تو مشورہ اک دوں
یہ گھاٹے کا ہی سودا ہے.

یہاں مٹی کی مورت کی اگر آنکھیں بناؤ گے
تمہیں آنکھیں دکھائے گی

تراشو گے زبان اسکی تو ترشی جھیل پاؤ گے___؟؟

اگر جو دل بنایا تو
ہزاروں خواہشیں بن کر تمہیں تم سے ہی مانگے گی.

عطائے خلعت احمر اسے خود سر بنا دے گی

وہاں اپنی محبت کا جو نادر تاج پہنایا
خدا خود کو ہی سمجھے گی

ابھی بھی وقت ہے مانو
ارادہ ملتوی کر دو
اسے مٹی ہی رہنے دو ____!!!