Khuda Ko Logon Ke Nazdeek Lana Chahta Tha

Khuda Ko Logon Ke Nazdeek Lana Chahta Tha...
Main Apne Gaaon Mein Masjid Banana Chahta Tha,

Kuch Is Liye Bhi Meri Khud'kushi Zaroori Thi...
Main Ek Umr Ke Jhagde Mitana Chahta Tha,

Wahi Hua K Wo Aankhein Ganwa Ke Baith Gaya...
Jo Khwaab Dekhna Aur Muskurana Chahta Tha,

Kisi Mazaar Ki Zeenat Bana Diya Gaya Hai...
Main Jis Charaagh Ko Sooraj Banana Chahta Tha,

Main Is Liye Bhi Zara Faasle Pe Thehar Gaya...
Wo Mujh Se Mil Ke Bahut Door Jaana Chahta Tha, 

Wo Bikne Lag Gaya Khud Kodiyon Ke Mol Yahaan...
Jo Mujh Faqeer Ki Qeemat Lagaana Chahta Tha, 

Ab Us Ki Aankh Nahi Lag Rahi Kahin "Aami"...
Jo Saare Shahar Ki Neendein Udaana Chahta Tha.!

"Imran Aami"

خُدا کو لوگوں کے نزدیک لانا چاہتا تھا
مَیں اپنے گاؤں میں مسجد بنانا چاہتا تھا

کچھ اِس لئے  بھی مِری خُود کشی ضروری تھی
مَیں ایک عُمر کے جھگڑے مٹانا چاہتا تھا

وہی ہُوا کہ وہ آنکھیں گَنوا کے بیٹھ گیا
جو خواب دیکھنا اُور مسکرانا چاہتا تھا

کسی مزار کی زینت بنا دیا گیا ہے
مَیں جس چراغ کو سورج بنانا چاہتا تھا

مَیں اِس لئے بھی ذرا فاصلے پَہ ٹھیــر گیا
وہ مجھ سے مِل کے بہُت دُور جانا چاہتا تھا

وہ بِکنے لگ گیا خود کوڑیوں کے مول یہاں
جو مجھ فقیر کی قیمت لگانا چاہتا تھا

اب اُس کی آنکھ نہیں لگ رہی کہِیں ' عــامـی ؔ !
جو سارے شہر کی نیندیں اُڑانا چاہتا تھا

عِــمران عــامــیؔ