Dard Se Mere Hai Tujh Ko Be-qaraari Haye Haye
Dard se mere hai tujh ko be-qaraari haye haye, Kya hui zaalim teri ghaflat-shiaari haye haye.. Tere dil mein gar na tha aashob-e-ghum ka hausla, Tu ne phir kyun ki thi meri ghum-gusaari haye haye.. Kyun meri ghum-khwargi ka tujh ko aaya tha khyaal, Dushmani apni thi meri dost-daari haye haye.. Umr bhar ka tu ne paimaan-e-wafa baandha to kya, Umr ko bhi to nahin hai payedaari haye haye.. Zahar lagti hai mujhe aab-o-hawa-e-zindagi, Yaani tujh se thi ise na-saazgaari haye haye.. Gul-fishaani-ha-e-naaz-e-jalwa ko kya ho gaya, Khaak par hoti hai teri laala-kaari haye haye.. Sharm-e-ruswaai se ja chhupna naqaab-e-khaak mein, Khatm hai ulfat ki tujh par parda-daari haye haye.. Khaak mein naamoos-e-paimaan-e-mohabbat mil gayi, Uth gayi duniya se rah-o-rasm-e-yaari haye haye.. Haath hi tegh-aazma ka kaam se jaata raha, Dil pe ek lagne na paaya zakhm-e-kaari haye haye.. Kis tarah kaate koi shab-ha-e-taar-e-barshigaal, Hai nazar khu-karda-e-akhtar-shumaari haye haye.. Gosh mah