Chup ke chup ke raat din aansu bahana yaad hai,
Hum ko ab tak aashiqi ka woh zamaana yaad hai,
Ba-hazaran iztiraab o sad-hazaran ishtiyaaq,
Tujh se woh pahle-pahal dil ka lagaana yaad hai,
Baar baar uthna usi jaanib nigaah-e-shauq ka,
Aur tera ghurfe se woh aankhein ladaana yaad hai,
Tujh se kuch milte hi woh bebaak ho jaana mera,
Aur tera daanton main woh ungli dabaana yaad hai,
Kheench lena woh mera parde ka kona dafa-tan,
Aur dupatte se tera woh munh chhupana yaad hai,
Jaan kar sona tujhe wo kasd-e-paa-bosi mera,
Aur tera thhukra ke sar wo muskurana yaad hai,
Tujh ko jab tanha kabhi paana to az-raah-e-lihaaz,
Haal-e-dil baaton hi baaton mein jataana yaad hai,
Jab siwa mere tumhara koi deewana na tha,
Sach kaho tum ko bhi woh kaarkhana yaad hai,
Ghair ki nazron se bach kar sab ki marzi ke khilaaf,
Woh tera chori-chhupe raaton ko aana yaad hai,
Aaj tak nazron mein hai wo sohbat-e-raaz-o-niyaaz,
Apna jaana yaad hai tera bulaana yaad hai,
Aa gaya gar wasl ki shab bhi kahin zikr-e-firaaq,
Woh tera ro ro ke mujh ko bhi rulaana yaad hai,
Dopahar ki dhoop main mere bulaane ke liye,
Woh tera kothhe pe nange paao'n aana yaad hai,
Meethi meethi chherh kar baatein niraali pyaar ki,
Zikr dushman ka wo baaton mein udaana yaad hai,
Dekhna mujh ko jo bargashta to sau sau naaz se,
Jab mana lena to phir khud roothh jaana yaad hai,
Chori chori hum se tum aa kar mile they jis jagah,
Mudattein guzri par ab tak woh thikaana yaad hai..!!
Shauq mein mehndi ke wo be-dast-o-paa hona tera,
Aur mera wo chherhna wo gudgudana yaad hai,
Bawajood-e-iddiya-e-ittiqa "Hasrat" mujhe,
Aaj tak Ahad-e-hawas ka wo fasaana yaad hai..!!
Hasrat mohaani
چپکے چپکے رات دن آنسو بہانا یاد ہے
ہم کو اب تک عاشقی کا وہ زمانا یاد ہے
باہزاراں اضطراب و صدہزاراں اشتیاق
تجھ سے وہ پہلے پہل دل کا لگانا یاد ہے
بار بار اٹھنا اسی جانب نگاہ شوق کا
اور ترا غرفے سے وہ آنکھیں لڑانا یاد ہے
تجھ سے کچھ ملتے ہی وہ بے باک ہو جانا مرا
اور ترا دانتوں میں وہ انگلی دبانا یاد ہے
کھینچ لینا وہ مرا پردے کا کونا دفعتاً
اور دوپٹے سے ترا وہ منہ چھپانا یاد ہے
جان کر سوتا تجھے وہ قصد پا بوسی مرا
اور ترا ٹھکرا کے سر وہ مسکرانا یاد ہے
تجھ کو جب تنہا کبھی پانا تو از راہ لحاظ
حال دل باتوں ہی باتوں میں جتانا یاد ہے
جب سوا میرے تمہارا کوئی دیوانہ نہ تھا
سچ کہو کچھ تم کو بھی وہ کارخانا یاد ہے
غیر کی نظروں سے بچ کر سب کی مرضی کے خلاف
وہ ترا چوری چھپے راتوں کو آنا یاد ہے
آ گیا گر وصل کی شب بھی کہیں ذکر فراق
وہ ترا رو رو کے مجھ کو بھی رلانا یاد ہے
دوپہر کی دھوپ میں میرے بلانے کے لیے
وہ ترا کوٹھے پہ ننگے پاؤں آنا یاد ہے
آج تک نظروں میں ہے وہ صحبت راز و نیاز
اپنا جانا یاد ہے تیرا بلانا یاد ہے
میٹھی میٹھی چھیڑ کر باتیں نرالی پیار کی
ذکر دشمن کا وہ باتوں میں اڑانا یاد ہے
دیکھنا مجھ کو جو برگشتہ تو سو سو ناز سے
جب منا لینا تو پھر خود روٹھ جانا یاد ہے
چوری چوری ہم سے تم آ کر ملے تھے جس جگہ
مدتیں گزریں پر اب تک وہ ٹھکانا یاد ہے
شوق میں مہندی کے وہ بے دست و پا ہونا ترا
اور مرا وہ چھیڑنا وہ گدگدانا یاد ہے
باوجود ادعائے اتقا حسرتؔ مجھے
آج تک عہد ہوس کا وہ فسانا یاد ہے..
حسرتؔ موہانی
चुपके चुपके रात दिन आँसू बहाना याद है,
हम को अब तक आशिक़ी का वो ज़माना याद है।
बा-हज़ाराँ इज़्तिराब ओ सद-हज़ाराँ इश्तियाक़,
तुझ से वो पहले-पहल दिल का लगाना याद है।
बार बार उठना उसी जानिब निगाह-ए-शौक़ का,
और तिरा ग़ुर्फ़े से वो आँखें लड़ाना याद है।
तुझ से कुछ मिलते ही वो बेबाक हो जाना मिरा,
और तिरा दाँतों में वो उँगली दबाना याद है।
खींच लेना वो मिरा पर्दे का कोना दफ़अतन,
और दुपट्टे से तिरा वो मुँह छुपाना याद है।
जान कर सोना तुझे वो क़स्द-ए-पा-बोसी मिरा,
और तिरा ठुकरा के सर वो मुस्कुराना याद है।
तुझ को जब तन्हा कभी पाना तो अज़-राह-ए-लिहाज़,
हाल-ए-दिल बातों ही बातों में जताना याद है।
जब सिवा मेरे तुम्हारा कोई दीवाना न था,
सच कहो कुछ तुम को भी वो कार-ख़ाना याद है।
ग़ैर की नज़रों से बच कर सब की मर्ज़ी के ख़िलाफ़,
वो तिरा चोरी-छुपे रातों को आना याद है।
आ गया गर वस्ल की शब भी कहीं ज़िक्र-ए-फ़िराक़,
वो तिरा रो रो के मुझ को भी रुलाना याद है।
दोपहर की धूप में मेरे बुलाने के लिए,
वो तिरा कोठे पे नंगे पाँव आना याद है।
आज तक नज़रों में है वो सोहबत-ए-राज़-ओ-नियाज़,
अपना जाना याद है तेरा बुलाना याद है।
मीठी मीठी छेड़ कर बातें निराली प्यार की,
ज़िक्र दुश्मन का वो बातों में उड़ाना याद है।
देखना मुझ को जो बरगश्ता तो सौ सौ नाज़ से,
जब मना लेना तो फिर ख़ुद रूठ जाना याद है।
चोरी चोरी हम से तुम आ कर मिले थे जिस जगह,
मुद्दतें गुज़रीं पर अब तक वो ठिकाना याद है।
शौक़ में मेहंदी के वो बे-दस्त-ओ-पा होना तिरा,
और मिरा वो छेड़ना वो गुदगुदाना याद है।
बावजूद-ए-इद्दिया-ए-इत्तिक़ा 'हसरत' मुझे,
आज तक अहद-ए-हवस का वो फ़साना याद है।।।
हसरत मोहानी
