Qissa Abhi Hijaab Se Aage Nahin Badha

Qissa Abhi Hijaab Se Aage Nahin Badha,
Main Aap, Wo Janaab Se Aage Nahin Badha..

Muddat Hui Kitaab-e-Mohabbat Shuru Kiye,
Lekin Main Pahle Baab Se Aage Nahin Badha..

Lambhi Musafatein Hain Magar Is Sawaar Ka,
Paaon Abhi Rakaab Se Aage Nahin Badha..

Logon Ne Sang-o-khasht K Qile Bana Liye,
Apna Mahal To Khwab Se Aage Nahin Badha..

Tool-e-Kalaam Ke Liye Maine Kiye Sawaal,
Wo Mukhtasar Jawaab Se Aage Nahin Badha..

Wo Teri Chaal Dhhaal Ke Baare Mein Kya Kahe,
Jo Apne Ahtisaab Se Aage Nahin Badha..

Rukhsar Ka Pata Nahin, Ankhain To Khoob Hain,
Deedar Abhi Naqaab Se Aage Nahin Badha..

Wo Lazzat-e-gunah Se Mahroom Rah Gaya,
Jo Khwahish-e-sawaab Se Aage Nahin Badha.!!

قصہ ابھی حجاب سے آگے نہیں بڑھا
میں آپ وہ جناب سے آگے نہیں بڑھا

مدت ہوئی کتابِ محبت شروع کیے
لیکن میں پہلے باب سے آگے نہیں بڑھا

لمبی مسافتیں ہیں مگر اس سوار کا
پاؤں ابھی رکاب سے آگے نہیں بڑھا

لوگوں نے سنگ و خشت کے قلعے بنا لیے
اپنا محل تو خواب سے آگے نہیں بڑھا

طولِ کلام کے لیے میں نے کیے سوال
وہ مختصر جواب سے آگے نہیں بڑھا

وہ تیری چال ڈھال کے بارے میں کیا کہے
جو اپنے احتساب سے آگے نہیں بڑھا

رخسار کا پتا نہیں آنکھیں تو خوب ہیں
دیدار ابھی نقاب سے آگے نہیں بڑھا

وہ لزتِ گناہ سے محروم ہی رہا
جو خواہشِ ثواب سے آگے نہیں بڑھا..