Daagh-e-ghum Dil Se Kisi Tarah Mitaya Na Gaya,
Main ne chaha bhi magar tum ko bhulaya na gaya..
Umar bhar yuun to zamaane ke masaayeb jhelay,
Teri nazron ka magar haar uthaya na gaya..
Roothne waale se itna koi ja kar pooche,
Khud hi roothay rahe ya hum se
manaya na gaya..
Us ne is tarah mohabbat ki nigaahein daali,
Hum se duniya ka koi raaz chupaaya na gaya..
Thi haqeeqat main wohi manzil-e-maqsad jazbi,
Jis jagah tujh se qadam aagey badhaya na gaya.!!
No comments:
Post a Comment