Ishq Mein Ghairat-e-jazbaat Ne Rone Na Diya

Ishq main ghairat-e-jazbaat ne
ronay na diya,
Warna kya baat thi kis baat ne
ronay na diya,

Ap kehte they ke ronay se na
badlen ge naseeb,
Umar bhar aap ki is baat ne
ronay na diya,

Ronay walon se kaho un ka bhi
rona ro lain,
Jin ko majboori-e-halaat ne
ronay na diya,

Un se mil kar humen rona tha
bohat rona tha,
Tangi-e-waqt-e-mulaqaat ne
ronay na diya,

Aik do roz ka sadmaa ho to
ro lain Faakir,
Hum ko har roz ke sadmaat ne
ronay na diya..!!

"Sudarshan Faakir"