Zindagi yuun huyi basar tanha,
Qaafila saath aur safar tanha...
Apne saaye se chaunk jaate hain,
Umr guzri hai is qadar tanha...
Raat bhar baatein karte hain taare,
Raat kaate koi kidhar tanha...
Doobne waale paar ja utrey,
Naqsh-paa apne chhorr kar tanha...
Din guzarta nahin hai logo'n main,
Raat hoti nahi basar tanha...
Hum ne darwaaze tak to dekha tha,
Phir na jaane gaye kidhar tanha..!!
No comments:
Post a Comment