Teri Aankhein

Bhadkayen Meri Pyaas Ko Aksar
Teri Aankhein...
Sehra Mera Chehra, Samandar
Teri Aankhein...
.
Phir Kaun Bhala Daad-e-tabassum
Inhein Dega...
Royengi Bahut Mujh Sey Bichhad Kar
Teri Aankhein...
.
Bojhal Nazar Aati Hai Ba-Zaahir
Mujhey Lekin...
Khilti Hain Bahut Dil Mai Utar Kar
Teri Aankhe'n...
.
Ab Tak Meri Aankhon Sey Mitaaye
Nahi Mit ta...
Bheegi Huyi Ek Shaam Ka Manzar
Teri Aankhein...
.
Mumkin Ho To Ek Taaza Ghazal
Aur Bhi Kah Loon...
Phir Odh Na Lein Khwaab Ki Chaadar
Teri Aankhein...
.
Yoon Usey Dekhte Rahna Bhi Achcha
Nahi Mohsin...
Wo Kaanch Ka Paikar Hai To Patthar
Teri Aankhein.!!