Wahi gardishen wahi paich-o-kham
tere baad bhi,
Wahi hausle mere dum-ba-dum
tere baad bhi,
Tere sath thi teri har jafaa mujhe
mo'atbar,
Tere saare gham mujhe mohtram
tere baad bhi,
Mere sath hai teri har khushi
teri muntazir,
Teri muntazir meri chashm-e-nam
tere baad bhi,
Tu kisi ke qalb-e-aarzoo main
dhhal geya,
Main na kho saka kabhi khud main
sanam tere baad bhi,
Mere baad kitne hi roop tu ne
badal liye,
Main wahi hoon ab bhi teri qasam
tere baad bhi,
Tu chala gaya sabhi qehqahon ko
samaitt kar,
Mere paas hai mera zarf-e-ghum
tere baad bhi..!!
________________________________
No comments:
Post a Comment