Ahsaas-e-Ishq ghum ki panaho'n mein aa gaya,
Baadal simat ke chaand ki baaho'n mein aa gaya...
Izhaar-e-Ishq mein ne kisi se nahin kiyaa,
Aur be-sabab jahaa'n ki nigaaho'n mein aa gaya...
Wo muskura ke dekh rahe hain meri taraf,
Itna asar to ab meri aaho'n mein aa gaya...
Kya poochhte ho azm-e-safar ki karaamatein,
Manzil ka naqsh khud meri raaho'n mein aa gaya...
Hain ibtedaai marhale ye ishq ke abhi,
Saahil ye soz kyun teri aaho'n mein aa gaya.!
No comments:
Post a Comment