Barbaad-e-tamanna pe itaab aur zyada,
Haan meri mohabbat ka jawab aur zyada,
Roye na abhi ehl-e-nazar haal pe mere,
Hona hai abhi mujh ko kharaab aur zyada,
Awaara o majnoon hi pe moqoof nahin kuch,
Milne hain abhi mujh ko khitaab aur zyada,
Uthenge abhi aur bhi tufaan mere dil se,
Dekhunga abhi ishq ke khwaab aur zyada,
Tapke ga lahoo aur mere deeda-e-tar se,
Dhadkega dil-e-khana-kharaaab aur zyada,
Hogi meri baaton se unhein aur bhi hairat,
Aayega unhein mujh se hijaab aur zyada,
Usay mutrib-e-bebaak koi aur
bhi naghma,
Ai saaqi-e-fayaaz sharaab aur zyada.!!
No comments:
Post a Comment