Us Ki Hasrat Hai Jise Dil Se Mita Bhi Na Sakun

Us ki hasrat hai jise dil se mita bhi na sakun..
Dhundhne us ko chala hun jise pa bhi na sakun.!

Daal ke khaak mere khoon pe qaatil ne kaha..
Kuchh ye mehndi nahin meri ke chhupa bhi na sakun.!

Zabt kam-bakht ne yaan aa ke gala ghonta hai..
Ke use haal sunaaun to suna bhi na sakun.!

Naqsh-e-pa dekh to loon laakh karunga sajde..
Sar mera arsh nahin hai jo jhuka bhi na sakun.!

Bewafa likhte hain wo apne qalam se mujh ko..
Ye wo qismat ka likha hai jo mita bhi na sakun.!

Is tarah soye hain sar rakh ke mere zaanu par..
Apni soi hui qismat ko jaga bhi na sakun.!!

"Ameer Minaai"
____________________

اس کی حسرت ہے جسے دل سے مٹا بھی نہ سکوں
ڈھونڈنے اس کو چلا ہوں جسے پا بھی نہ سکوں..

ڈال کے خاک میرے خون پہ قاتل نے کہا
کچھ یہ مہندی نہیں میری کہ چھپا بھی نہ سکوں..

ضبط کمبخت نے یاں آ کے گلا گھونٹا ہے
کہ اسے حال سناؤں تو سنا بھی نہ سکوں..

نقش پا دیکھ تو لوں لاکھ کروں گا سجدے
سر مرا عرش نہیں ہے جو جھکا بھی نہ سکوں..

بے وفا لکھتے ہیں وہ اپنے قلم سے مجھ کو
یہ وہ قسمت کا لکھا ہے جو مٹا بھی نہ سکوں..

اس طرح سوئے ہیں سر رکھ کے میرے زانو پر
اپنی سوئی ہوئی قسمت کو جگا بھی نہ سکوں..

Teer Par Teer Lagao Tumhein Darr Kis Ka Hai

Teer par teer lagao tumhein darr kis ka hai..
Seena kis ka hai meri jaan jigar kis ka hai.!

Khauf-e-mizaan-e-qayamat nahin mujh ko ai dost..
Tu agar hai mere palle mein to darr kis ka hai.!

Koi aata hai adam se to koi jaata hai..
Sakht dono'n mein khuda jaane safar kis ka hai.!

Chhup raha hai qafas-e-tan mein jo har taair-e-dil..
Aankh khole hue shaheen-e-nazar kis ka hai.!

Naam-e-shaair na sahi sheyr ka mazmoon ho khoob..
Phal se matlab humein kya kaam shajar kis ka hai.!

Said karne se jo hai taair-e-dil ke munkir..
Ai kamaan-daar tere teer mein par kis ka hai.!

Meri hairat ka shab-e-wasl ye baais hai 'Ameer'..
Sar ba-zaanu hun ke zaanu pe ye sar kis ka hai.!!

"Ameer Minaai"
_______________

Khauf-e-mizaan-e-qayamat = fear of the scale on doomsday,
Adam = nonexistence, negation, nothing, life after death,
Shaheen-e-nazar = hawk eyed,
Said = game, prey, quarry, hunting,
____________________

تیر پر تیر لگاؤ تمہیں ڈر کس کا ہے
سینہ کس کا ہے مری جان جگر کس کا ہے..

خوف میزان قیامت نہیں مجھ کو اے دوست
تو اگر ہے مرے پلے میں تو ڈر کس کا ہے..

کوئی آتا ہے عدم سے تو کوئی جاتا ہے
سخت دونوں میں خدا جانے سفر کس کا ہے..

چھپ رہا ہے قفس تن میں جو ہر طائر دل
آنکھ کھولے ہوئے شاہین نظر کس کا ہے..

نام شاعر نہ سہی شعر کا مضمون ہو خوب
پھل سے مطلب ہمیں کیا کام شجر کس کا ہے.. 

صید کرنے سے جو ہے طائر دل کے منکر
اے کماندار ترے تیر میں پر کس کا ہے.. 

میری حیرت کا شب وصل یہ باعث ہے امیرؔ
سر بہ زانو ہوں کہ زانو پہ یہ سر کس کا ہے.. 

Sarakti Jaaye Hai Rukh Se Naqaab Aahista Aahista

Sarakti jaaye hai rukh se naqaab aahista aahista..
Nikalta aa raha hai aaftab aahista aahista.!

Jawaan hone lage jab wo to hum se kar liya parda..
Haya yak-lakht aai aur shabaab aahista aahista.!

Shab-e-furqat ka jaaga hun farishto ab to sone do..
Kabhi fursat mein kar lena hisaab aahista aahista.!

Sawaal-e-wasl par un ko adu ka khauf hai itna..
Dabe honthon se dete hain jawaab aahista aahista.!

Wo bedardi se sar kaatein 'Ameer' aur main kahun un se..
Huzoor aahista aahista janaab aahista aahista.!!

"Ameer Minaai"
_______________

Yak-lakht = all at once, suddenly, altogether entirely, wholly,
____________________

سرکتی جائے ہے رخ سے نقاب آہستہ آہستہ
نکلتا آ رہا ہے آفتاب آہستہ آہستہ.. 

جواں ہونے لگے جب وہ تو ہم سے کر لیا پردہ
حیا یک لخت آئی اور شباب آہستہ آہستہ.. 

شب فرقت کا جاگا ہوں فرشتو اب تو سونے دو
کبھی فرصت میں کر لینا حساب آہستہ آہستہ..

سوال وصل پر ان کو عدو کا خوف ہے اتنا
دبے ہونٹوں سے دیتے ہیں جواب آہستہ آہستہ..

وہ بے دردی سے سر کاٹیں امیرؔ اور میں کہوں ان سے
حضور آہستہ آہستہ جناب آہستہ آہستہ..

Saaf Kahte Ho Magar Kuchh Nahin Khulta Kahna

Saaf kahte ho magar kuchh nahin khulta kahna,
Baat kahna bhi tumhaara hai muamma kahna.!

Ro ke us shokh se qaasid mera rona kahna,
Hans pade us pe to phir harf-e-tamanna kahna.!

Masal-e-maktoob na kahne mein hai kya kya kahna,
Na meri tarz-e-khamoshi na kisi ka kahna.!

Aur thodi si shab-e-wasl badha de ya rab,
Subah nazdeek humein un se hai kya kya kahna.!

Phaad khaata hai jo ghairon ko jhapat kar sag-e-yaar,
Main ye kahta hun mere sher tera kya kahna.!

Har bun-e-mu-e-mizha mein hain yahaan sau tufaan,
Ain ghaflat hai mari aankh ko dariya kahna.!

Wasf-e-rukh mein jo sune sheyr wo hans kar bole,
Sheyr hain noor ke, hai noor ka tera kahna.!

La sakoge na zara jalwa-e-deedar ki taab,
Arini munh se na ai hazrat-e-musa kahna.! 

Kar liya ahd kabhi kuchh na kahenge munh se,
Ab agar sach bhi kahein tum humein jhoota kahna.!

Khaak mein zid se milao na mere aansu ko,
Sachche moti ko munasib nahin jhootha kahna.!

Kaise nadaan hain jo achchhon ko bura kahte hain,
Ho bura bhi to use chahiye achchha kahna.!

Dam-e-aakhir to buto'n yaad khuda karne do,
Zindagi bhar to kiya main ne tumhaara kahna.!

Padhte hain dekh ke us but ko farishte bhi darood,
Marhaba salle-ala salle-ala kya kahna.!

Ai buto'n tum jo ada aa ke karo masjid mein,
Lab-e-mehraab kahe naam-e-khuda kya kahna.!

In haseenon ki jo tareef karo chidhte hain, 
Sach to ye hai ke bura hai unhein achchha kahna.!

Shauq kaabe liye jaata hai hawas jaanib-e-dair,
Mere Allah baja laaun mein kis ka kahna.!

Saari mahfil ko ishaaron mein luta do ai jaan,
Seekh lo chashm-e-sukhan-go se lateefa kahna.!

Ghat te ghat te mein raha ishq-e-kamar mein aadha,
Jaama-e-tan ko mere chahiye neema kahna.!

Main to aankhon se baja laata hun irshaad-e-huzoor,
Aap sunte nahin kaano'n se bhi mera kahna.!

Chusti-e-tab'aa se ustaad ka hai qaul 'Ameer',
Ho zameen sust magar chahiye achchha kahna.!

"Ameer Minaai"
_______________

Misl-e-maktoob = resembling a letter,
Tarz-e-khamoshi = mode,style of silence,
Sag-e-yaar = beloved's dog,
Wasf-e-rukh = attributes,praise,endowment of beloveds' face,
Arini = cubic,
Lab-e-mehraab = arching lips,
Chashm-e-sukhan-go = poetry-reciting eye,
Ishq-e-kamar = love of waist,
Jaama-e-tan = apparel on the body,
Neema = half, middle,
Chusti-e-tab'aa = active nature,
____________________

صاف کہتے ہو مگر کچھ نہیں کھلتا کہنا
بات کہنا بھی تمہارا ہے معما کہنا..

رو کے اس شوخ سے قاصد مرا رونا کہنا
ہنس پڑے اس پہ تو پھر حرف تمنا کہنا..

مثل مکتوب نہ کہنے میں ہے کیا کیا کہنا
نہ مری طرز خموشی نہ کسی کا کہنا..

اور تھوڑی سی شب وصل بڑھا دے یارب
صبح نزدیک ہمیں ان سے ہے کیا کیا کہنا..

پھاڑ کھاتا ہے جو غیروں کو جھپٹ کر سگ یار
میں یہ کہتا ہوں مرے شیر ترا کیا کہنا..

ہر بن موئے مژہ میں ہیں یہاں سو طوفاں
عین غفلت ہے مری آنکھ کو دریا کہنا..

وصف رخ میں جو سنے شعر وہ ہنس کر بولے
شعر ہیں نور کے ہے نور کا تیرا کہنا..

لا سکوگے نہ ذرا جلوۂ دیدار کی تاب
ارنی منہ سے نہ اے حضرت موسیٰ کہنا..

کر لیا عہد کبھی کچھ نہ کہیں گے منہ سے
اب اگر سچ بھی کہیں تم ہمیں جھوٹا کہنا..

خاک میں ضد سے ملاؤ نہ مرے آنسو کو
سچے موتی کو مناسب نہیں جھوٹا کہنا..

کیسے ناداں ہیں جو اچھوں کو برا کہتے ہیں
ہو برا بھی تو اسے چاہئے اچھا کہنا..

دم آخر تو بتو یاد خدا کرنے دو
زندگی بھر تو کیا میں نے تمہارا کہنا..

پڑھتے ہیں دیکھ کے اس بت کو فرشتے بھی درود
مرحبا صل علیٰ صل علیٰ کیا کہنا..

اے بتو تم جو ادا آ کے کرو مسجد میں
لب محراب کہے نام خدا کیا کہنا..

ان حسینوں کی جو تعریف کرو چڑھتے ہیں
سچ تو یہ ہے کہ برا ہے انہیں اچھا کہنا..

شوق کعبے لیے جاتا ہے ہوس جانب دیر
میرے اللہ بجا لاؤں میں کس کا کہنا..

ساری محفل کو اشاروں میں لٹا دو اے جان
سیکھ لو چشم سخن گو سے لطیفہ کہنا..

گھٹتے گھٹتے میں رہا عشق کمر میں آدھا
جامۂ تن کو مرے چاہئے نیما کہنا..

میں تو آنکھوں سے بجا لاتا ہوں ارشاد حضور
آپ سنتے نہیں کانوں سے بھی میرا کہنا..

چستیٔ طبع سے استاد کا ہے قول امیرؔ
ہو زمیں سست مگر چاہئے اچھا کہنا..

Kaha Jo Main Ne Ke Yusuf Ko Ye Hijaab Na Tha

Kaha jo main ne ke yusuf ko ye hijaab na tha,
To hans ke bole wo munh qaabil-e-naqaab na tha..

Shab-e-wisaal bhi wo shokh be-hijaab na tha,
Naqaab ulat ke bhi dekha to be-naqaab na tha..

Lipat ke choom liya munh mita diya un ka,
Nahin ka un ke siwa is ke kuchh jawaab na tha..

Mere janaze pe ab aate sharm aati hai,
Halaal karne ko baithe the jab hijaab na tha..

Naseeb jaag uthe so gaye jo paanw mere,
Tumhaare kooche se behtar maqaam-e-khwab na tha..

Fhazab kiya ke ise tu ne mohtasib toda,
Are ye dil tha mera shisha-e-sharaab na tha..

Zamana wasl mein leta hai karwatein kya kya,
Firaaq-e-yaar ke din ek inqalaab na tha..

Tumhin ne qatl kiya hai mujhe jo tante ho, 
Akele the malak-ul-maut hum-rikaab na tha..

Dua-e-tauba bhi hum ne padhi to may pi kar,
Maza hi hum ko kisi shay ka be-sharaab na tha..

Main ru-e-yaar ka mushtaaq ho ke aaya tha,
Tere jamaal ka shaida to ai naqaab na tha..

Bayaan ki jo shab-e-ghum ki bekasi to kaha,
Jigar mein dard na tha dil mein iztiraab na tha..

Wo baithe baithe jo de baithe qatl-e-aam ka hukm,
Hansi thi un ki kisi par koi itaab na tha..

Jo laash bheji thi qaasid ki bhejte khat bhi,
Raseed wo to mere khat ki thi jawaab na tha..

Suroor-e-qatl se thi haath paanw ko jumbish,
Wo mujh pe wajd ka aalam tha iztiraab na tha..

Sabaat bahr-e-jahaan mein nahin kisi ko 'Ameer',
Idhar numood hua aur udhar hubaab na tha.!!

"Ameer Minaai"
_______________

Hum-rikaab = fellow travelers, contemporary,
Mushtaaq = desirous/ eager,
Itaab = temper, reprimand, reproach, anger,
Wajd = abandon, ecstasy, excessive love, rapture,
Sabaat = stability, durability,
Numood = show, display, appearance, sight,
Hubaab = water bubble,
____________________

کہا جو میں نے کہ یوسف کو یہ حجاب نہ تھا
تو ہنس کے بولے وہ منہ قابل نقاب نہ تھا..

شب وصال بھی وہ شوخ بے حجاب نہ تھا
نقاب الٹ کے بھی دیکھا تو بے نقاب نہ تھا.. 

لپٹ کے چوم لیا منہ مٹا دیا ان کا
نہیں کا ان کے سوا اس کے کچھ جواب نہ تھا..

مرے جنازے پہ اب آتے شرم آتی ہے
حلال کرنے کو بیٹھے تھے جب حجاب نہ تھا..

نصیب جاگ اٹھے سو گئے جو پاؤں مرے
تمہارے کوچے سے بہتر مقام خواب نہ تھا..

غضب کیا کہ اسے تو نے محتسب توڑا
ارے یہ دل تھا مرا شیشۂ شراب نہ تھا..

زمانہ وصل میں لیتا ہے کروٹیں کیا کیا
فراق یار کے دن ایک انقلاب نہ تھا..

تمہیں نے قتل کیا ہے مجھے جو تنتے ہو
اکیلے تھے ملک الموت ہم رکاب نہ تھا..

دعائے توبہ بھی ہم نے پڑھی تو مے پی کر
مزہ ہی ہم کو کسی شے کا بے شراب نہ تھا..

میں روئے یار کا مشتاق ہو کے آیہ تھا
ترے جمال کا شیدا تو اے نقاب نہ تھا..

بیان کی جو شب غم کی بیکسی تو کہا
جگر میں درد نہ تھا دل میں اضطراب نہ تھا..

وہ بیٹھے بیٹھے جو دے بیٹھے قتل عام کا حکم
ہنسی تھی ان کی کسی پر کوئی عتاب نہ تھا..

جو لاش بھیجی تھی قاصد کی بھیجتے خط بھی
رسید وہ تو مرے خط کی تھی جواب نہ تھا..

سرور قتل سے تھی ہاتھ پاؤں کو جنبش
وہ مجھ پہ وجد کا عالم تھا اضطراب نہ تھا..

ثبات بحر جہاں میں نہیں کسی کو امیرؔ
ادھر نمود ہوا اور ادھر حباب نہ تھا..

Jab Se Bulbul Tu Ne Do Tinke Liye

Jab se bulbul tu ne do tinke liye,
Toot ti hain bijliyaan in ke liye..

Hai jawaani khud jawaani ka singaar,
Saadgi gahna hai is sin ke liye..

Kaun veerane mein dekhega bahaar,
Phool jangal mein khile kin ke liye..

Saari duniya ke hain wo mere siwa,
Main ne duniya chhod di jin ke liye..

Baghbaan kaliyaan hon halke rang ki,
Bhejni hai ek kam-sin ke liye..

Sab haseen hain zaahidon ko na-pasand,
Ab koi hoor aayegi in ke liye..

Wasl ka din aur itna mukhtasar,
Din gine jaate the is din ke liye..

Subah ka sona jo haath aata 'Ameer'..
Bhejte tohfa moazzin ke liye.!!

"Ameer Minaai"
_______________

Sin = age,
____________________

جب سے بلبل تو نے دو تنکے لیے
ٹوٹتی ہیں بجلیاں ان کے لیے..

ہے جوانی خود جوانی کا سنگار
سادگی گہنہ ہے اس سن کے لیے..

کون ویرانے میں دیکھے گا بہار
پھول جنگل میں کھلے کن کے لیے..

ساری دنیا کے ہیں وہ میرے سوا
میں نے دنیا چھوڑ دی جن کے لیے..

باغباں کلیاں ہوں ہلکے رنگ کی
بھیجنی ہے ایک کمسن کے لیے..

سب حسیں ہیں زاہدوں کو ناپسند
اب کوئی حور آئے گی ان کے لیے..

وصل کا دن اور اتنا مختصر
دن گنے جاتے تھے اس دن کے لیے..

صبح کا سونا جو ہاتھ آتا امیرؔ
بھیجتے تحفہ موذن کے لیے.. 

Hatao Aaina Ummid-waar Hum Bhi Hain

Hatao aaina ummid-waar hum bhi hain..
Tumhaare dekhne waalon mein yaar hum bhi hain.!

Tadap ke rooh ye kahti hai hijr-e-jaanaa mein..
Ke tere saath dil-e-be-qaarar hum bhi hain.!

Rahe dimaagh agar aasman pe, door nahin..
Ke tere kooche mein mast-e-ghubaar hum bhi hain.!

Kaho ke nakhl-e-chaman hum se sar-kashi na karein..
Unhin ki tarah se baagh-o-bahaar hum bhi hain.!

Humare aage zara ho samajh ke zamzama-sanj..
Ke ek naghma-sara ai hazaar hum bhi hain.!

Kahaan tak aaine mein dekh-bhaal idhar dekho..
Ke ek nigaah ke ummid-waar hum bhi hain.!

Sharaab munh se lagate nahin hain ai zaahid..
Firaaq-e-yaar mein parhez-gaar hum bhi hain.!

Humara naam bhi likh lo jo hai qalam jaari..
Qadeem aap ke khidmat-guzaar hum bhi hain.!

Huma hain gird meri haddiyon ke aath pahar..
Sag aa ke kahte hain ummid-waar hum bhi hain.!

Jo ladkhada ke gire tu qadam pe saaqi ke..
'Ameer' mast nahin hoshiyaar hum bhi hain.!!

"Ameer Minaai"
_______________

Nakhl-e-chaman = tree of garden,
Sarkashi = rebellion,
Zamzama-sanj = singer, musician,
Naghma-sara = singer,
Huma = a bird of happy omen, Phoenix, a fabulous bird,
Sag = a dog,
_____________________

ہٹاؤ آئنہ امیدوار ہم بھی ہیں
تمہارے دیکھنے والوں میں یار ہم بھی ہیں..

تڑپ کے روح یہ کہتی ہے ہجر جاناں میں
کہ تیرے ساتھ دل بے قرار ہم بھی ہیں..

رہے دماغ اگر آسماں پہ دور نہیں
کہ تیرے کوچہ میں مست غبار ہم بھی ہیں..

کہو کہ نخل چمن ہم سے سرکشی نہ کریں
انہیں کی طرح سے باغ و بہار ہم بھی ہیں..

ہمارے آگے ذرا ہو سمجھ کے زمزمہ سنج
کہ ایک نغمہ سرا اے ہزار ہم بھی ہیں..

کہاں تک آئنے میں دیکھ بھال ادھر دیکھو
کہ اک نگاہ کے امیدوار ہم بھی ہیں.. 

شراب منہ سے لگاتے نہیں ہیں اے زاہد
فراق یار میں پرہیزگار ہم بھی ہیں..

ہمارا نام بھی لکھ لو جو ہے قلم جاری
قدیم آپ کے خدمت گزار ہم بھی ہیں.. 

ہما ہیں گرد مری ہڈیوں کے آٹھ پہر
سگ آ کے کہتے ہیں امیدوار ہم بھی ہیں..

جو لڑکھڑا کے گرے تو قدم پہ ساقی کے
امیرؔ مست نہیں ہوشیار ہم بھی ہیں..

Hans Ke Farmaate Hain Wo Dekh Ke Haalat Meri

Hans ke farmaate hain wo dekh ke haalat meri..
Kyun tum aasan samajhte the mohabbat meri.!

Baad marne ke bhi chhodi na rifaqat meri..
Meri turbat se lagi baithi hai hasrat meri.!

Main ne aaghosh-e-tasawwur mein bhi khencha to kaha..
Pis gayi pis gayi be-dard nazakat meri.!

Aaina subah-e-shab-e-wasl jo dekha to kaha..
Dekh zaalim ye thi shaam ko surat meri.!

Yar pahlu mein hai tanhaai hai kah do nikle..
Aaj kyun dil mein chhupi baithi hai hasrat meri.!

Husn aur ishq hum-aaghosh nazar aa jaate..
Teri tasveer mein khinch jaati jo hairat meri.!

Kis dhhitaai se wo dil chheen ke kahte hain 'Ameer'..
Wo mera ghar hai rahe jis mein mohabbat meri.!!

"Ameer Minaai"
____________________

ہنس کے فرماتے ہیں وہ دیکھ کے حالت میری
کیوں تم آسان سمجھتے تھے محبت میری.. 

بعد مرنے کے بھی چھوڑی نہ رفاقت میری
میری تربت سے لگی بیٹھی ہے حسرت میری..

میں نے آغوش تصور میں بھی کھینچا تو کہا
پس گئی پس گئی بے درد نزاکت میری..

آئینہ صبح شب وصل جو دیکھا تو کہا
دیکھ ظالم یہ تھی شام کو صورت میری..

یار پہلو میں ہے تنہائی ہے کہہ دو نکلے
آج کیوں دل میں چھپی بیٹھی ہے حسرت میری..

حسن اور عشق ہم آغوش نظر آ جاتے
تیری تصویر میں کھنچ جاتی جو حیرت میری..

کس ڈھٹائی سے وہ دل چھین کے کہتے ہیں امیرؔ
وہ مرا گھر ہے رہے جس میں محبت میری.. 

Hum-sar-e-zulf Qad-e-hoor-e-shamaail Thehra

Hum-sar-e-zulf qad-e-hoor-e-shamaail thehra..
Laam ka khoob alif madd-e-muqabil thehra.!

Deeda-e-tar se jo daaman mein gira dil thehra..
Bahte bahte ye safeena lab-e-saahil thehra.!

Ki nazar ru-e-kitaabi pe to kuchh dil thehra..
Maktab-e-shauq bhi quraan ki manzil thehra.!

Nighat-e-gul se pareshan hua us ka dimaagh..
Khanda-e-gul na hua shor-e-anadil thehra.! 

Najd se qais jo aaya mare zindaan ki taraf..
Der tak gosh-bar-aawaaz-e-salasil thehra.! 

Husn jis tifl ka chamka wo hua baais-e-qatl..
Jis ne talwaar sambhaali mera qaatil thehra.!

Khat jo nikla rukh-e-jaanaa pe mila bosa-e-khaal..
Yahi daana faqat is kisht ka haasil thehra.!

Alam ek nuqta jo mashhoor tha ai josh-e-junoon..
Ghaur se ki jo nazar nuqta-e-baatil thehra.! 

Door jab tak the tadapta tha mein kaisa kaisa..
Paas aa kar wo jo thehre to mera dil thehra.!

Kasrat-e-daagh se gul-dasta bana dil to kya..
Zeenat-e-baagh na aaraish-e-mahfil thehra.!

Daudta qais bhi aata hai nihayat hi qareeb..
Ek zara naaqe ko ai saahib-e-mahmil thehra.!

Dam jo betaab tha muddat se mere seene mein..
Tegh-e-qaatil ke tale kuchh dam-e-bismil thahra.!

Hum badi door se aaye hain tumhaara hai ye haal..
Ghar se darwaze tak aana kayi manzil thehra.!

Ab tak aati hai sada turbat-e-laila se 'Ameer'..
Saarbaan ab to khuda ke liye mahmil thehra.!!

"Ameer Minaai"
_______________

Hum-sar-e-zulf = equal to tresses,
Qad-e-hoor-e-shamaail = height like Hourie,
Madd-e-muqabil = Adversary, Equal, Rival,
Lab-e-saahil = lips of the shore,
Ru-e-kitaabi = bookish face,
Maktab-e-shauq = school of love,
Khanda-e-gul = smile of flower,
Shor-e-anadil = noise of nightingales,
Gosh-bar-aawaaz-e-salasil = ear on sound of chains,
Kisht = sown field,
instalment,
Aaraish-e-mahfil = decoration of assembly,
Naaqe = she-camel, dromedary,
Saahib-e-mahmil = person sitting in saddle,
Dam-e-bismil = breath of a wounded person,
Saarbaan = camel-rider, driver,
Mahmil = saddle of camel,
Sedan,
____________________

ہم سر زلف قد حور شمائل ٹھہرا
لام کا خوب الف مد مقابل ٹھہرا..

دیدۂ تر سے جو دامن میں گرا دل ٹھہرا
بہتے بہتے یہ سفینہ لب ساحل ٹھہرا..

کی نظر روئے کتابی پہ تو کچھ دل ٹھہرا
مکتب شوق بھی قرآن کی منزل ٹھہرا..

نگہت گل سے پریشان ہوا اس کا دماغ
خندۂ گل نہ ہوا شور عنادل ٹھہرا..

نجد سے قیس جو آیا مرے زنداں کی طرف
دیر تک گوش بر آواز سلاسل ٹھہرا..

حسن جس طفل کا چمکا وہ ہوا باعث قتل
جس نے تلوار سنبھالی مرا قاتل ٹھہرا..

خط جو نکلا رخ جاناں پہ ملا بوسۂ خال
یہی دانہ فقط اس کشت کا حاصل ٹھہرا..

علم اک نقطہ جو مشہور تھا اے جوش جنوں
غور سے کی جو نظر نقطۂ باطل ٹھہرا..

دور جب تک تھے تڑپتا تھا میں کیسا کیسا
پاس آ کر وہ جو ٹھہرے تو مرا دل ٹھہرا..

کثرت داغ سے گلدستہ بنا دل تو کیا
زینت باغ نہ آرائش محفل ٹھہرا..

دوڑتا قیس بھی آتا ہے نہایت ہی قریب
اک ذرا ناقے کو اے صاحب محمل ٹھہرا..

دم جو بیتاب تھا مدت سے مرے سینے میں
تیغ قاتل کے تلے کچھ دم بسمل ٹھہرا..

ہم بڑی دور سے آئے ہیں تمہارا ہے یہ حال
گھر سے دروازے تک آنا کئی منزل ٹھہرا..

اب تک آتی ہے صدا تربت لیلیٰ سے امیرؔ
ساربان اب تو خدا کے لیے محمل ٹھہرا..

Firaaq-e-yaar Ne Bechain Mujh Ko Raat Bhar Rakkha

Firaaq-e-yaar ne bechain mujh ko raat bhar rakkha..
Kabhi takiya idhar rakkha kabhi takiya idhar rakkha,

Shikast-e-dil ka baaqi hum ne ghurbat mein asar rakha..
Likha ahl-e-watan ko khat to ek gosha katar rakkha,

Barabar aaine ke bhi na samjhe qadr wo dil ki..
Ise zer-e-qadam rakkha use pesh-e-nazar rakkha,

Mitaye deeda-o-dil donon mere ashk-e-khooni ne..
Ajab ye tifl abtar tha na ghar rakkha na dar rakkha,

Tumhaare sang-e-dar ka ek tukda bhi jo haath aaya..
Azeez aisa kiya mar kar use chhaati pe dhar rakkha,

Jinaa'n mein saath apne kyun na le jaaunga naseh ko..
Sulook aisa hi mere saath hai hazrat ne kar rakkha,

Na ki kis ne sifarish meri waqt-e-qatl qaatil se..
Kamaan ne haath jode tegh ne qadmon pe sar rakkha,

Ghazab barse wo mere aate hi maloom hota hai..
Jagah khaali jo paai yaar ko ghairon ne bhar rakkha,

Bada ahsaan hai mere sar pe us ki laghzish-e-pa ka..
Ke is ne be-tahasha haath mere dosh par rakkha,

Zameen mein daana-e-gandum sadaf mein hum hue gauhar..
Humare ijz ne har Ma'arka mein hum ko dar rakkha,

Tere har naqsh-e-pa ko rahguzar mein sajda-gah samjhe..
Jahaan tu ne qadam rakkha wahaan main ne bhi sar rakkha,

Ameer achchha shagun-e-may kiya saaqi ki furqat mein..
Jo barsa abr-e-rahmat jaa-e-may shisho'n mein bhar rakkha.!!

"Ameer Minaai"
_______________

Laghzish-e-pa = tremor of the feet,
Ijz = modesty,
Shagun-e-may = wine as a good omen,
Ja-e-may = tavern, place of drinking,
____________________

فراق یار نے بے چین مجھ کو رات بھر رکھا
کبھی تکیہ ادھر رکھا کبھی تکیہ ادھر رکھا..

شکست دل کا باقی ہم نے غربت میں اثر رکھا
لکھا اہل وطن کو خط تو اک گوشہ کتر رکھا..

برابر آئینے کے بھی نہ سمجھے قدر وہ دل کی
اسے زیر قدم رکھا اسے پیش نظر رکھا..

مٹائے دیدہ و دل دونوں میرے اشک خونیں نے
عجب یہ طفل ابتر تھا نہ گھر رکھا نہ در رکھا..

تمہارے سنگ در کا ایک ٹکڑا بھی جو ہاتھ آیا
عزیز ایسا کیا مر کر اسے چھاتی پہ دھر رکھا..

جناں میں ساتھ اپنے کیوں نہ لے جاؤں گا ناصح کو
سلوک ایسا ہی میرے ساتھ ہے حضرت نے کر رکھا..

نہ کی کس نے سفارش میری وقت قتل قاتل سے
کماں نے ہاتھ جوڑے تیغ نے قدموں پہ سر رکھا..

غضب برسے وہ میرے آتے ہی معلوم ہوتا ہے
جگہ خالی جو پائی یار کو غیروں نے بھر رکھا..

بڑا احساں ہے میرے سر پہ اس کی لغزش پا کا
کہ اس نے بے تحاشا ہاتھ میرے دوش پر رکھا..

زمیں میں دانۂ گندم صدف میں ہم ہوے گوہر
ہمارے عجز نے ہر معرکہ میں ہم کو در رکھا..

ترے ہر نقش پا کو رہ گزر میں سجدہ گہ سمجھے
جہاں تو نے قدم رکھا وہاں میں نے بھی سر رکھا..

امیر اچھا شگون مے کیا ساقی کی فرقت میں
جو برسا ابر رحمت جائے مے شیشوں میں بھر رکھا.. 

Achchhe Isa Ho Mareezon Ka Khyaal Achchha Hai

Achchhe isa ho mareezon ka khyaal achchha hai..
Hum mare jaate hain tum kahte ho haal achchha hai.!

Tujh se maangun main tujhi ko ke sabhi kuchh mil jaaye..
Sau sawaalon se yahi ek sawaal achchha hai.!

Dekh le bulbul o parwana ki betaabi ko..
Hijr achchha na haseenon ka wisaal achchha hai.!

Aa gaya us ka tasawwur to pukara ye shauq..
Dil mein jam jaaye ilaahi ye khyaal achchha hai.!

Aankhein dikhlaate ho joban to dikhao saahab..
Wo alag baandh ke rakkha hai jo maal achchha hai.!

Barq agar garmi-e-raftaar mein achchhi hai 'Ameer'..
Garmi-e-husn mein wo barq-jamaal achchha hai.!!

"Ameer Minaai"

Ai Zabt Dekh Ishq Ki Un Ko Khabar Na Ho

Ai zabt dekh ishq ki un ko khabar na ho..
Dil mein hazaar dard uthe aankh tar na ho.!

Muddat mein shaam-e-wasl hui hai mujhe naseeb..
Do-chaar saal tak to ilaahi sahar na ho.!

Ek phool hai gulaab ka aaj un ke haath mein..
Dhadka mujhe ye hai ke kisi ka jigar na ho.!

Dhundhe se bhi na maani-e-bareek jab mila..
Dhokha hua ye mujh ko ke us ki kamar na ho.!

Ulfat ki kya ummid wo aisa hai bewafa..
Sohbat hazaar saal rahe kuchh asar na ho.!

Tool-e-shab-e-wisaal ho misl-e-shab-e-firaaq..
Nikle na aaftab ilaahi sahar na ho.!!

"Ameer Minaai"

Ek Baar Us Ne Mujh Ko Dekha Tha Muskura Kar

Ek Baar Us Ne Mujh Ko Dekha Tha Muskura Kar..
Itni To Hai Haqeeqat, Baaqi Kahaniyan Hain.! 

Hua Jab Saamna Us Khoob-ru Se

Hua jab saamna us khoob-ru se,
Uda hai rang gul ka pahle bu se.. 

Ye aankhein tar jo rahti hain lahu se,
Wo guzre ishq ke din aabru se..

Ise kahiye shahadat-naama-e-ishq,
Use likkha hai khat apne lahu se..

Dhuan ban kar udi missi ki rangat,
Ye kis ne jal ke tere honth choose..

Raqeebon ko tamanna hai to baashad,
Tumhein matlab paraai aarzu se..

Wo gul-takiya mere marqad mein rakhna,
Moattar ho jo zulf-e-mushk-bu se..

Nayi zid hai ke dil hum muft lenge,
Bhala kya fayeda is guftugu se..

Adu bhi tum ko chaahe ai teri shaan,
Ladaate hain hum apni aarzu se..

Hua hai tu to shahid-baaz ai dil,
Bachaaun tujh ko kis kis khoob-ru se..

Laga rakkhi hai khaak us rahguzar ki,
Tayammum apna badh kar hai wuzu se..

Humara dil use ab dhundhta hai,
Thake hain paanw jis ki justuju se..

Khuda jaane chhalawa tha ke bijli,
Abhi nikla hai koi ru-ba-ru se..

Hua hai 'Dagh' aasif ka namak-khwar,
Guzar jaaye ilaahi aabru se.!!

"Dagh Dehlvi"
_______________

Shahadat-naama-e-ishq = testimony of love,
Missi = a sort of powder used to shine the teeth,
Baashad = be it so,
Marqad = a grave, a tomb, sepulchre,
Moattar = perfumed, fragrant,
Shahid-baaz = sodomite,
Tayammum = purifying oneself before prayers with sand or dust where water is not available,
Aasif = name of the minister of Prophet Suleiman, collector,
Namak-khwar = a dependent, a servant,
____________________

ہوا جب سامنا اس خوب رو سے
اڑا ہے رنگ گل کا پہلے بو سے..

یہ آنکھیں تر جو رہتی ہیں لہو سے
وہ گزرے عشق کے دن آبرو سے..

اسے کہئے شہادت نامۂ عشق
اسے لکھا ہے خط اپنے لہو سے..

دھواں بن کر اڑی مسی کی رنگت
یہ کس نے جل کے تیرے ہونٹ چوسے..

رقیبوں کو تمنا ہے تو باشد
تمہیں مطلب پرائی آرزو سے..

وہ گل تکیہ مرے مرقد میں رکھنا
معطر ہو جو زلف مشک بو سے..

نئی ضد ہے کہ دل ہم مفت لیں گے
بھلا کیا فائدہ اس گفتگو سے..

عدو بھی تم کو چاہے اے تری شان
لڑاتے ہیں ہم اپنی آرزو سے..

ہوا ہے تو تو شاہد باز اے دل
بچاؤں تجھ کو کس کس خوب رو سے..

لگا رکھی ہے خاک اس رہ گزر کی
تیمم اپنا بڑھ کر ہے وضو سے.. 

ہمارا دل اسے اب ڈھونڈتا ہے
تھکے ہیں پاؤں جس کی جستجو سے..

خدا جانے چھلاوا تھا کہ بجلی
ابھی نکلا ہے کوئی روبرو سے..

ہوا ہے داغؔ آصف کا نمک خوار
گزر جائے الٰہی آبرو سے.. 

Hosh Aate Hi Haseenon Ko Qayamat Aai

Hosh aate hi haseenon ko qayamat aai,
Aankh mein fitna-gari dil mein shararat aai..

Kya tasawwur hai nihayat mujhe hairat aai,
Aaine mein bhi nazar teri hi surat aai..

Is ada se dam-e-raftaar qayamat aai,
Aise hum kyun na hue un ko ye hasrat aai..

Roz-e-mahshar jo meri daad ki naubat aai,
Ye gayi wo gayi kab haath qayamat aai..

Ab isi par to hai takeed wafadaari ki,
Jab gaya jaan se main ghair ki shaamat aai..

Kah gaye taan se wo aa ke mere marqad par,
Sone waale tujhe kis tarah se raahat aai..

Ban sanwar kar jo wo aaye to ye main jaan gaya,
Ab gayi jaan gayi aai tabiyat aai..

Rakh diya munh pe mere haath shab-e-wasl us ne,
Be-hijaabi ke liye kaam shikayat aai..

Jab ye khaata hai mera khoon-e-jigar khaata hai,
Dil-e-beemar ko kis cheez pe raghbat aai..

Garche az-had hun gunahgaar musalman to hun,
Peechhe peechhe mere dozakh mein bhi jannat aai..

Main hua shefta un par wo adu par shaida,
Saath ke saath hi donon ki tabiyat aai..

Umr bhar us ko kaleje se lagaye rakha,
Tere beemar ko jis dard mein lazzat aai..

Hijr mein jaan nikalti nahin kya aafat hai,
Maar kar aaj ajal ko shab-e-furqat aai..

Apne deewanon ko dekha to kaha ghabra kar,
Ye nayi waz'a ki kis mulk se khilqat aai..

Jazb-e-dil kheench hi laaya unhein mere dar tak,
Paanw padti hui har-chand nazakat aai..

Yoon to paamaal hue saikdo'n mitne waale,
Pahle ginti mein jo aai meri turbat aai..

Hashr ka waada bhi karte nahin wo kahte hain,
Farz kar lo jo kayi bar qayamat aai..

'Dagh' ghabrao nahin ab koi dam ke dam mein,
Lo mubarak ho taraqqi ki bhi saa'at aai.!!

"Dagh Dehlvi"
_______________

Marqad = a grave, a tomb, sepulchre,
Raghbat = inclination, curiosity, wish, Interest,
Az-had = extreme, most, beyond limit,
Shefta = distracted with love, enamoured, mad,
Waz'a = manner/ state/ style,
Khilqat = creation, nature, people, the world,
____________________

ہوش آتے ہی حسینوں کو قیامت آئی
آنکھ میں فتنہ گری دل میں شرارت آئی..

کیا تصور ہے نہایت مجھے حیرت آئی
آئنے میں بھی نظر تیری ہی صورت آئی..

اس ادا سے دم رفتار قیامت آئی
ایسے ہم کیوں نہ ہوئے ان کو یہ حسرت آئی..

روز محشر جو مری داد کی نوبت آئی
یہ گئی وہ گئی کب ہاتھ قیامت آئی..

اب اسی پر تو ہے تاکید وفاداری کی
جب گیا جان سے میں غیر کی شامت آئی..

کہہ گئے طعن سے وہ آ کے مرے مرقد پر
سونے والے تجھے کس طرح سے راحت آئی.. 

بن سنور کر جو وہ آئے تو یہ میں جان گیا
اب گئی جان گئی آئی طبیعت آئی..

رکھ دیا منہ پہ مرے ہاتھ شب وصل اس نے
بے حجابی کے لیے کام شکایت آئی..

جب یہ کھاتا ہے مرا خون جگر کھاتا ہے
دل بیمار کو کس چیز پہ رغبت آئی..

گرچہ از حد ہوں گنہ گار مسلمان تو ہوں
پیچھے پیچھے مرے دوزح میں بھی جنت آئی..

میں ہوا شیفتہ ان پر وہ عدو پر شیدا
ساتھ کے ساتھ ہی دونوں کی طبیعت آئی.. 

عمر بھر اس کو کلیجے سے لگائے رکھا
تیرے بیمار کو جس درد میں لذت آئی.. 

ہجر میں جان نکلتی نہیں کیا آفت ہے
مار کر آج اجل کو شب فرقت آئی..

اپنے دیوانوں کو دیکھا تو کہا گھبرا کر
یہ نئی وضع کی کس ملک سے خلقت آئی.. 

جذب دل کھینچ ہی لایا انہیں میرے در تک
پاؤں پڑتی ہوئی ہرچند نزاکت آئی.. 

یوں تو پامال ہوئے سیکڑوں مٹنے والے
پہلے گنتی میں جو آئی مری تربت آئی..

حشر کا وعدہ بھی کرتے نہیں وہ کہتے ہیں
فرض کر لو جو کئی بار قیامت آئی..

داغؔ گھبراؤ نہیں اب کوئی دم کے دم میں
لو مبارک ہو ترقی کی بھی ساعت آئی..

Haath Nikle Apne Donon Kaam Ke

Haath nikle apne donon kaam ke..
Dil ko thaama un ka daaman thaam ke.!

Ghoont pi kar baada-e-gulfaam ke..
Bose le leta hun khaali jaam ke.!

Raat din phirta hai kyun ai charkh-e-peer..
Tere din hain raahat o aaram ke.!

Is nazakat ka bura ho bazm se..
Uthte hain wo dast-e-dushman thaam ke.! 

Chashm-e-mast-e-yaar ki ek dhoom hai..
Aaj kal hain daur daur-e-jaam ke.!

Ya jigar mein ya rahega dil mein teer..
Ye hi do goshe to hain aaram ke.!

Wo karein uzr-e-wafa achchhi kahi..
Mujh pe radde rakhte hain ilzaam ke.!

Jab qadam kaabe se rakkha su-e-dair..
Taar uljhe jaama-e-ehraam ke.!

Khush hain wo daur-e-falak se aaj kal..
Din phire hain gardish-e-ayyaam ke.!

Aa gaya hai bhool kar khat is taraf..
Wo to aashiq hain mere hum-naam ke.!

Haath se sayyaad ke gir kar chhuri..
Kat gaye halqe humare daam ke.!

Qaasidon ke muntazir rahne lage..
Pad gaye un ko maze paighaam ke.!

Kya kisi dargaah mein jaana hai aaj..
Subah se samaan hain hammaam ke.!

Poochhte hain hazrat-e-zaahid se rind..
Daam kya hain jaama-e-ehraam ke.!

Lab utar aaye hain wo tareef par..
Hum jo aadi ho gaye dushnaam ke.!

Daawa-e-ishq-o-wafa par ye kaha..
Sab baja lekin mere kis kaam ke.!

Ban-sanwar kar kab bigadta hai banao..
Subah tak rahte hain jalwe shaam ke.!

Jaur se ya lutf se poora kiya..
Aap peechhe pad gaye jis kaam ke.!

Hai gada-e-may-kada bhi kya harees..
Bhar liye jholi mein tukde jaam ke.!

Naala o fariyaad ki taaqat kahaan..
Baat karta hun kaleja thaam ke.!

Khugar-e-bedaad ko raahat hai maut..
Bhaagta hun naam se aaram ke.!

'Dagh' ke sab harf likhte hain juda..
Tukde kar daale humare naam ke.!! 

"Dagh Dehlvi"
_______________

Baada-e-gulfaam = rose colored wine,
Charkh-e-peer = old sky,
Uzr-e-wafa = excuse of faithfulness,
Radde = layers,
Jaama-e-ehraam = special unstitched robe worn during pilgrimage,
Halqe = chains,
Hammaam = a hot bath, a Turkish bath,
Dushnaam = abuse/ invective,
Gada-e-may-kada = beggar of the tavern,
Harees = greedy, covetous,
Khugar-e-bedaad = habitually despotic, oppressing,
____________________

ہاتھ نکلے اپنے دونوں کام کے
دل کو تھاما ان کا دامن تھام کے..

گھونٹ پی کر بادۂ گلفام کے
بوسے لے لیتا ہوں خالی جام کے..

رات دن پھرتا ہے کیوں اے چرخ پیر
تیرے دن ہیں راحت و آرام کے..

اس نزاکت کا برا ہو بزم سے
اٹھتے ہیں وہ دست دشمن تھام کے..

چشم مست یار کی اک دھوم ہے
آج کل ہیں دور دور جام کے..

یا جگر میں یا رہے گا دل میں تیر
یہ ہی دو گوشے تو ہیں آرام کے..

وہ کریں عذر وفا اچھی کہی
مجھ پہ ردے رکھتے ہیں الزام کے..

جب قدم کعبے سے رکھا سوئے دیر
تار الجھے جامۂ احرام کے..

خوش ہیں وہ دور فلک سے آج کل
دن پھرے ہیں گردش ایام کے..

آ گیا ہے بھول کر خط اس طرف
وہ تو عاشق ہیں مرے ہم نام کے..

ہاتھ سے صیاد کے گر کر چھری
کٹ گئے حلقے ہمارے دام کے..

قاصدوں کے منتظر رہنے لگے
پڑ گئے ان کو مزے پیغام کے..

کیا کسی درگاہ میں جانا ہے آج
صبح سے سامان ہیں حمام کے..

پوچھتے ہیں حضرت زاہد سے رند
دام کیا ہیں جامۂ احرام کے..

لب اتر آئے ہیں وہ تعریف پر
ہم جو عادی ہو گئے دشنام کے..

دعویٰ عشق و وفا پر یہ کہا
سب بجا لیکن مرے کس کام کے..

بن سنور کر کب بگڑتا ہے بناؤ
صبح تک رہتے ہیں جلوے شام کے..

جور سے یا لطف سے پورا کیا
آپ پیچھے پڑ گئے جس کام کے..

ہے گدائے مے کدہ بھی کیا حریص
بھر لیے جھولی میں ٹکڑے جام کے..

نالہ و فریاد کی طاقت کہاں
بات کرتا ہوں کلیجا تھام کے..

خوگر بیداد کو راحت ہے موت
بھاگتا ہوں نام سے آرام کے..

داغؔ کے سب حرف لکھتے ہیں جدا
ٹکڑے کر ڈالے ہمارے نام کے..

Ghazab Kiya Tere Waade Pe Aitibaar Kiya

Ghazab kiya tere waade pe aitibaar kiya,
Tamaam raat qayamat ka intizaar kiya..

Kisi tarah jo na us but ne aitibaar kiya,
Meri wafa ne mujhe khoob sharmsaar kiya..

Hansa hansa ke shab-e-wasl ashk-baar kiya,
Tasalliyan mujhe de de ke be-qaraar kiya..

Ye kis ne jalwa humare sar-e-mazaar kiya,
Ke dil se shor utha haye be-qaraar kiya..

Suna hai tegh ko qaatil ne aab-daar kiya,
Agar ye sach hai to be-shubah hum pe waar kiya..

Na aaye raah pe wo ijz be-shumaar kiya,
Shab-e-wisaal bhi main ne to intizaar kiya..

Tujhe to waada-e-deedar hum se karna tha,
Ye kya kiya ke jahaan ko ummid-waar kiya..

Ye dil ko taab kahaan hai ke ho ma'aal-andesh,
Unhon ne waada kiya is ne aitibqar kiya..

Kahaan ka sabr ke dam par hai ban gayi zaalim,
Ba tang aaye to haal-e-dil aashkaar kiya..

Tadap phir ai dil-e-nadaan ke ghair kahte hain,
Akheer kuchh na bani sabr ikhtiyaar kiya..

Mile jo yaar ki shokhi se us ki bechaini,
Tamaam raat dil-e-muztarib ko pyaar kiya..

Bhula bhula ke jataya hai un ko raaz-e-nihaa'n,
Chhupa chhupa ke mohabbat ko aashkaar kiya..

Na us ke dil se mitaya ke saaf ho jaata,
Saba ne khaak pareshaan mera ghubaar kiya..

Hum aise mahw-e-nazara na the jo hosh aata,
Magar tumhaare taghaful ne hoshiyaar kiya..

Humare seene mein jo rah gayi thi aatish-e-hijr,
Shab-e-wisal bhi us ko na hum-kanaar kiya..

Raqeeb o shewa-e-ulfat khuda ki qudrat hai,
Wo aur ishq bhala tum ne aitibaar kiya..

Zabaan-e-khaar se nikli sada-e-bismillah, 
Junoon ko jab sar-e-shorida par sawaar kiya..

Teri nigaah ke tasawwur mein hum ne ai qaatil,
Laga laga ke gale se chhuri ko pyaar kiya.. 

Ghazab thi kasrat-e-mahfil ke main ne dhokhe mein,
Hazaar baar raqeebon ko hum-kanaar kiya..

Hua hai koi magar us ka chahne waala,
Ke aasman ne tera shewa ikhtiyaar kiya..

Na poochh dil ki haqeeqat magar ye kahte hain,
Wo be-qaraar rahe jis ne be-qaraar kiya..

Jab un ko tarz-e-sitam aa gaye to hosh aaya,
Bura ho dil ka bure waqt hoshiyaar kiya..

Fasana-e-shab-e-ghum un ko ek kahani thi,
Kuchh aitibaar kiya kuchh na aitibaar kiya..

Aseeri dil-e-ashufta rang la ke rahi,
Tamaam turra-e-tarraar taar taar kiya..

Kuchh aa gayi daawar-e-mahshar se hai ummid mujhe,
Kuchh aap ne mere kahne ka aitibaar kiya..

Kisi ke ishq-e-nihaa'n mein ye bad-gumaani thi,
Ke darte darte khuda par bhi aashkaar kiya..

Falak se taur qayamat ke ban na padte the,
Aakhir ab tujhe aashob-e-rozgaar kiya..

Wo baat kar jo kabhi aasman se ho na sake,
Sitam kiya to bada tu ne iftikhaar kiya..

Banega mahr-e-qayamat bhi ek khaal-e-siyah,
Jo chehra 'Dagh'-e-siyah-ru ne aashkaar kiya.!!

"Dagh Dehlvi"
_______________

Be-shubah = undoubtedly,
Ijz = modesty,
Ma'aal-andesh = aware of consequences,
Aashkaar = clear, manifest, visible,
Mahw-e-nazara = lost in (the beauty of) the scene,
Hum-kanaar = Embracing,
Shewa-e-ulfat = act of love,
Sar-e-shorida = frenzied mind,
Dil-e-ashufta = frenzied heart,
Turra-e-tarraar = clever,
Daawar-e-mahshar = the judge presiding on the day of judgement, God,
Ishq-e-nihaa'n = hidden love,
Aashob-e-rozgaar = vicissitudes of life/ world,
Iftikhaar = honour, glory, distinction,
Mahr-e-qayamat = sun on doomsday,
Khaal-e-siyah = black mole, beauty spot,
____________________

غضب کیا ترے وعدے پہ اعتبار کیا
تمام رات قیامت کا انتظار کیا..

کسی طرح جو نہ اس بت نے اعتبار کیا
مری وفا نے مجھے خوب شرمسار کیا.. 

ہنسا ہنسا کے شب وصل اشک بار کیا
تسلیاں مجھے دے دے کے بے قرار کیا..

یہ کس نے جلوہ ہمارے سر مزار کیا
کہ دل سے شور اٹھا ہائے بے قرار کیا..

سنا ہے تیغ کو قاتل نے آب دار کیا
اگر یہ سچ ہے تو بے شبہ ہم پہ وار کیا..

نہ آئے راہ پہ وہ عجز بے شمار کیا
شب وصال بھی میں نے تو انتظار کیا..

تجھے تو وعدۂ دیدار ہم سے کرنا تھا
یہ کیا کیا کہ جہاں کو امیدوار کیا..

یہ دل کو تاب کہاں ہے کہ ہو مآل اندیش
انہوں نے وعدہ کیا اس نے اعتبار کیا..

کہاں کا صبر کہ دم پر ہے بن گئی ظالم
بہ تنگ آئے تو حال دل آشکار کیا..

تڑپ پھر اے دل ناداں کہ غیر کہتے ہیں
اخیر کچھ نہ بنی صبر اختیار کیا.. 

ملے جو یار کی شوخی سے اس کی بے چینی
تمام رات دل مضطرب کو پیار کیا..

بھلا بھلا کے جتایا ہے ان کو راز نہاں
چھپا چھپا کے محبت کو آشکار کیا..

نہ اس کے دل سے مٹایا کہ صاف ہو جاتا
صبا نے خاک پریشاں مرا غبار کیا..

ہم ایسے محو نظارہ نہ تھے جو ہوش آتا
مگر تمہارے تغافل نے ہوشیار کیا..

ہمارے سینے میں جو رہ گئی تھی آتش ہجر
شب وصال بھی اس کو نہ ہمکنار کیا..

رقیب و شیوۂ الفت خدا کی قدرت ہے
وہ اور عشق بھلا تم نے اعتبار کیا..

زبان خار سے نکلی صدائے بسم اللہ
جنوں کو جب سر شوریدہ پر سوار کیا..

تری نگہ کے تصور میں ہم نے اے قاتل
لگا لگا کے گلے سے چھری کو پیار کیا.. 

غضب تھی کثرت محفل کہ میں نے دھوکہ میں
ہزار بار رقیبوں کو ہمکنار کیا..

ہوا ہے کوئی مگر اس کا چاہنے والا
کہ آسماں نے ترا شیوہ اختیار کیا..

نہ پوچھ دل کی حقیقت مگر یہ کہتے ہیں
وہ بے قرار رہے جس نے بے قرار کیا..

جب ان کو طرز ستم آ گئے تو ہوش آیا
برا ہو دل کا برے وقت ہوشیار کیا..

فسانۂ شب غم ان کو اک کہانی تھی
کچھ اعتبار کیا کچھ نہ اعتبار کیا..

اسیری دل آشفتہ رنگ لا کے رہی
تمام طرۂ طرار تار تار کیا..

کچھ آ گئی داور محشر سے ہے امید مجھے
کچھ آپ نے مرے کہنے کا اعتبار کیا.. 

کسی کے عشق نہاں میں یہ بد گمانی تھی
کہ ڈرتے ڈرتے خدا پر بھی آشکار کیا.. 

فلک سے طور قیامت کے بن نہ پڑتے تھے
اخیر اب تجھے آشوب روزگار کیا..

وہ بات کر جو کبھی آسماں سے ہو نہ سکے
ستم کیا تو بڑا تو نے افتخار کیا..

بنے گا مہر قیامت بھی ایک خال سیاہ
جو چہرہ داغؔ سیہ رو نے آشکار کیا..