Ai zabt dekh ishq ki un ko khabar na ho..
Dil mein hazaar dard uthe aankh tar na ho.!
Muddat mein shaam-e-wasl hui hai mujhe naseeb..
Do-chaar saal tak to ilaahi sahar na ho.!
Ek phool hai gulaab ka aaj un ke haath mein..
Dhadka mujhe ye hai ke kisi ka jigar na ho.!
Dhundhe se bhi na maani-e-bareek jab mila..
Dhokha hua ye mujh ko ke us ki kamar na ho.!
Ulfat ki kya ummid wo aisa hai bewafa..
Sohbat hazaar saal rahe kuchh asar na ho.!
Tool-e-shab-e-wisaal ho misl-e-shab-e-firaaq..
Nikle na aaftab ilaahi sahar na ho.!!
"Ameer Minaai"
No comments:
Post a Comment