Pukarti Hai Khamoshi Meri Fughaa'n Ki Tarah

Pukarti hai khamoshi meri fughaa'n ki tarah,
Nigahein kahti hain sab raaz-e-dil zabaan ki tarah..

Bigad gayi hai yahaan be-tarah jahaan ki tarah,
Kahaan ki waz'a kahaan ki ada kahaan ki tarah..

Chhuda de qaid se ai barq hum aseero'n ko,
Laga de aag qafas ko bhi aashiyan ki tarah..

Kabhi to sulh bhi ho jaaye zohd o masti mein,
Ilaahi shaikh bhi may-khwar ho mughaa'n ki tarah..

Jala ke daagh-e-mohabbat ne dil ko khaak kiya,
Bahaar aai mere baagh mein khizaa'n ki tarah..

Haya ne rok liya jazb-e-dil ne kheench liya,
Chale wo teer ki surat khinchi kamaan ki tarah..

Talaash-e-yaar mein chhodi na sarzameen koi,
Humare paanw mein chakkar hai aasman ki tarah..

Jo samjhe khizr to qaul-e-shaheed-e-ulfat ko,
Girah mein baandh rakkhe umr-e-jawedaan ki tarah..

Sune jo hazrat-e-zaahid se wasf jannat ke,
To saf phir gayi aankhon mein us makaan ki tarah..

Jhuki hi jaati hai kuchh khud-ba-khud haya se wo aankh,
Giri hi padti hai beemar-e-na-tawaa'n ki tarah..

Ye sadd-e-rah hua kis ka paas-e-ruswaai,
Ruke hue hain mere ashk karwaan ki tarah..

Ada-e-matlab-e-dil hum se seekh jaaye koi,
Unhein suna hi diya haal dastaan ki tarah..

Maze hain us dahan-e-zakhm ke liye kya kya,
Jo choose teer ke paikaan ko zabaan ki tarah..

Samajh ke kijiye barbaad mera musht-e-ghubaar,
Ye le na aaye koi chakkar aasman ki tarah..

Ye dil hai aap ka ghar rahiye shauq se lekin,
Shakeb-o-raahat-o-sabr-o-qaraar-e-jaan ki tarah..

Qayamat aai shab-e-wasl mere ghar ke paas,
Raqeeb ne use aawaz di azaan ki tarah..

Shab us ki bazm mein tha shama par bhi rashk humein,
Ke munh mein shole ko gul-geer le zabaan ki tarah..

Mujhe ye hukm hai zinhaar tum na karna ishq,
Naseehatein bhi wo karte hain imtihaan ki tarah..

Hum apne zoaf ke sadqe bitha diya aisa,
Hile na dar se tere sang-e-aastaan ki tarah..

Kuchh un se kahne ko baithe the hum ke khalwat mein,
Raqeeb aa hi gaya marg-e-na-gahaa'n ki tarah..

Shikasta baal hun wo murgh-e-na-tawaan-o-zaeef,
Ke main to main na ude mere aashiyan ki tarah..

Na honge soz-e-mohabbat ke dil-jale thande,
Bhari hai aatish-e-ghum maghz-e-ustukhwa'n ki tarah..

Na chhod said-e-mohabbat ko khaak par sayyaad, and
Use bhi daal le tu dosh par kamaan ki tarah..

Zabaan-e-khaar hui tar humari wahshat se,
Ke chhaale phoote bhi chashm-e-khoin-fishaa'n ki tarah..

Khuda qubool kare 'Dagh' tum jo su-e-adam,
Chale ho ishq-e-butaa'n le ke armughaa'n ki tarah.!!

"Dagh Dehlvi"
_______________

Waz'a = manner/ state/ style,
Zohd = religious devotion,
Qaul-e-shaheed-e-ulfat = saying of the martyr in love,
Umr-e-jawedaan = eternal life,
Hazrat-e-zaahid = Mr. devout,
Sadd-e-rah = an obstacle, obstruction in the path, stumbling block,
Paas-e-ruswaai = guarding, watching for humiliation,
Dahan-e-zakhm = mouth of a boil/wound,
Gul-geer = pickwick, snuffers,
Zinhaar = care/ protection,
Zoaf = weak, feeble,
Murgh-e-na-tawaan-o-zaeef = weak bird,
Maghz-e-ustukhwa'n = bone marrow,
Said-e-mohabbat = hunted by love,
Chashm-e-khoon-fishaa'n = blood spraying eye,
Su-e-adam = towards the valley of death,
Armughaa'n = gift, present,
_____________________

پکارتی ہے خموشی مری فغاں کی طرح
نگاہیں کہتی ہیں سب راز دل زباں کی طرح..

بگڑ گئی ہے یہاں بے طرح جہاں کی طرح
کہاں کی وضع کہاں کی ادا کہاں کی طرح..

چھڑا دے قید سے اے برق ہم اسیروں کو
لگا دے آگ قفس کو بھی آشیاں کی طرح..

کبھی تو صلح بھی ہو جائے زہد و مستی میں
الٰہی شیخ بھی مے خوار ہو مغاں کی طرح..

جلا کے داغ محبت نے دل کو خاک کیا
بہار آئی مرے باغ میں خزاں کی طرح..

حیا نے روک لیا جذب دل نے کھینچ لیا
چلے وہ تیر کی صورت کھنچی کماں کی طرح..

تلاش یار میں چھوڑی نہ سرزمیں کوئی
ہمارے پاؤں میں چکر ہے آسماں کی طرح..

جو سمجھے خضر تو قول شہید الفت کو
گرہ میں باندھ رکھے عمر جاوداں کی طرح..

سنے جو حضرت زاہد سے وصف جنت کے
تو صاف پھر گئی آنکھوں میں اس مکاں کی طرح..

جھکی ہی جاتی ہے کچھ خودبخود حیا سے وہ آنکھ
گری ہی پڑتی ہے بیمار ناتواں کی طرح..

یہ سد راہ ہوا کس کا پاس رسوائی
رکے ہوئے ہیں مرے اشک کارواں کی طرح..

ادائے مطلب دل ہم سے سیکھ جائے کوئی
انہیں سنا ہی دیا حال داستاں کی طرح..

مزے ہیں اس دہن زخم کے لیے کیا کیا
جو چوسے تیر کے پیکان کو زباں کی طرح..

سمجھ کے کیجیے برباد میرا مشت غبار
یہ لے نہ آئے کوئی چکر آسماں کی طرح..

یہ دل ہے آپ کا گھر رہئے شوق سے لیکن
شکیب و راحت و صبر و قرار جاں کی طرح..

قیامت آئی شب وصل میرے گھر کے پاس
رقیب نے اسے آواز دی اذاں کی طرح..

شب اس کی بزم میں تھا شمع پر بھی رشک ہمیں
کہ منہ میں شعلے کو گلگیر لے زباں کی طرح..

مجھے یہ حکم ہے زنہار تم نہ کرنا عشق
نصیحتیں بھی وہ کرتے ہیں امتحاں کی طرح..

ہم اپنے ضعف کے صدقے بٹھا دیا ایسا
ہلے نہ در سے ترے سنگ آستاں کی طرح..

کچھ ان سے کہنے کو بیٹھے تھے ہم کہ خلوت میں
رقیب آ ہی گیا مرگ ناگہاں کی طرح..

شکستہ بال ہوں وہ مرغ ناتواں و ضعیف
کہ میں تو میں نہ اڑے میرے آشیاں کی طرح..

نہ ہوں گے سوز محبت کے دل جلے ٹھنڈے
بھری ہے آتش غم مغز استخواں کی طرح..

نہ چھوڑ صید محبت کو خاک پر صیاد
اسے بھی ڈال لے تو دوش پر کماں کی طرح..

زبان خار ہوئی تر ہماری وحشت سے
کہ چھالے پھوٹے بھی چشم خوں فشاں کی طرح..

خدا قبول کرے داغؔ تم جو سوئے عدم
چلے ہو عشق بتاں لے کے ارمغاں کی طرح..