Qareene Se Ajab Aarasta Qaatil Ki Mahfil Hai

Qareene se ajab aarasta qaatil ki mahfil hai..
Jahaan sar chahiye sar hai jahaan dil chahiye dil hai.!

Har ek ke waaste kab ishq ki dushwaar manzil hai..
Jise aasan hai aasan hai jise mushkil hai mushkil hai.!

Zahe taqdeer kis aaram o raahat se wo bismil hai..
Ke jis ke sar ka takiya der se zaanu-e-qaatil hai.!

Tareeq-e-ishq kuchh aasan hai kuchh hum ko mushkil hai..
Idhar rahbar udhar rahzan yahi manzil-ba-manzil hai.!

Mujhe tujh se rukawat aur tu ghairon pe maail hai..
Mera dil ab tera dil hai tera dil ab mera dil hai.!

Badha dil is qadar fart-e-khushi se wasl ki shab ko..
Mujhe ye wahm tha pahlu mein ye takiya hai ya dil hai.!

Teri talwaar ke qurbaan ai saffaak kya kahna..
Idhar kushte pe kushta hai udhar bismil pe bismil hai.!

Adam mein le chala hai rahnuma-e-ishq kya mujh ko..
Yahi kahta hai aa pahunche hain thodi door manzil hai.!

Unhein jab mehrbaan pa kar sawaal-e-wasl kar baitha..
Dabi aawaz se sharma ke wo bole ye mushkil hai.!

Sitam bhi ho to mujh par ho jafa bhi ho to mujh par ho..
Mujhe is rashk ne maara wo kyun aalam ka qaatil hai.!

Masiha ne tere beemar ko dekha to farmaaya..
Na ye jeene ke qaabil hai na ye marne ke qaabil hai.!

Zabardasti to dekho haath rakh kar mere seene par..
Wo kis daawe se kahte hain humara hi to ye dil hai.!

Humare dil mein aa kar sair dekho khoob-ruyon ki..
Ke indr ka akhada hai pari-zaadon ki mahfil hai.!

Madarij-e-ishq ke tay ho sakein ye ho nahin sakta..
Zamin se arsh tak ai be-khabar manzil-ba-manzil hai.!

Jhidakte ho mujhe kyun door hi se paas aane do..
Badha kar haath dil deta hun tum samjhe ho saail hai.!

Suna bhi tu ne ai dil kya sada aati hai mahshar mein..
Yahi din imtihaan ka hai humare kaun shaamil hai.!

Udaate hain maze duniya ke hum ai 'Dagh' ghar baithe..
Dakan mein ab to afzalganj apni aish manzil hai.!!

"Dagh Dehlvi"
_______________

Tareeq-e-ishq = manner of love,
Fart-e-khushi = excess of happiness,
Saffaak = cruel, tyrant,
Kushte = killed,
Adam = nonexistence, negation, nothing, life after death,
Rashk = jealously, envy, malice, spite,
Khoob-ruyon = beautiful face,
Madarij-e-ishq = stages of love,
____________________

 

قرینے سے عجب آراستہ قاتل کی محفل ہے
جہاں سر چاہیئے سر ہے جہاں دل چاہیئے دل ہے..

ہر اک کے واسطے کب عشق کی دشوار منزل ہے
جسے آساں ہے آساں ہے جسے مشکل ہے مشکل ہے..

زہے تقدیر کس آرام و راحت سے وہ بسمل ہے
کہ جس کے سر کا تکیہ دیر سے زانوئے قاتل ہے..

طریق عشق کچھ آسان ہے کچھ ہم کو مشکل ہے
ادھر رہبر ادھر رہزن یہی منزل بہ منزل ہے..

مجھے تجھ سے رکاوٹ اور تو غیروں پہ مائل ہے
مرا دل اب ترا دل ہے ترا دل اب مرا دل ہے..

بڑھا دل اس قدر فرط خوشی سے وصل کی شب کو
مجھے یہ وہم تھا پہلو میں یہ تکیہ ہے یا دل ہے..

تری تلوار کے قربان اے سفاک کیا کہنا
ادھر کشتے پہ کشتہ ہے ادھر بسمل پہ بسمل ہے..

عدم میں لے چلا ہے رہنمائے عشق کیا مجھ کو
یہی کہتا ہے آ پہنچے ہیں تھوڑی دور منزل ہے..

انہیں جب مہرباں پا کر سوال وصل کر بیٹھا
دبی آواز سے شرما کے وہ بولے یہ مشکل ہے..

ستم بھی ہو تو مجھ پر ہو جفا بھی ہو تو مجھ پر ہو
مجھے اس رشک نے مارا وہ کیوں عالم کا قاتل ہے..

مسیحا نے ترے بیمار کو دیکھا تو فرمایا
نہ یہ جینے کے قابل ہے نہ یہ مرنے کے قابل ہے..

زبردستی تو دیکھو ہاتھ رکھ کر میرے سینے پر
وہ کس دعوے سے کہتے ہیں ہمارا ہی تو یہ دل ہے..

ہمارے دل میں آ کر سیر دیکھو خوب رویوں کی
کہ اندر کا اکھاڑا ہے پری زادوں کی محفل ہے..

مدارج عشق کے طے ہو سکیں یہ ہو نہیں سکتا
زمیں سے عرش تک اے بے خبر منزل بہ منزل ہے..

جھڑکتے ہو مجھے کیوں دور ہی سے پاس آنے دو
بڑھا کر ہاتھ دل دیتا ہوں تم سمجھے ہو سائل ہے..

سنا بھی تو نے اے دل کیا صدا آتی ہے محشر میں
یہی دن امتحاں کا ہے ہمارے کون شامل ہے..

اڑاتے ہیں مزے دنیا کے ہم اے داغؔ گھر بیٹھے
دکن میں اب تو افضل گنج اپنی عیش منزل ہے..