Phire Raah Se Wo Yahaan Aate Aate

Phire raah se wo yahaan aate aate..
Ajal mar rahi tu kahaan aate aate,

Na jaana ke duniya se jaata hai koi..
Bahut der ki mehrbaan aate aate,

Suna hai ke aata hai sar naama-bar ka..
Kahaan rah gaya armughaa'n aate aate, 

Yaqeen hai ke ho jaaye aakhir ko sachchi.. 
Mere munh mein teri zabaan aate aate,

Sunane ke qaabil jo thi baat un ko..
Wahi rah gayi darmiyaan aate aate,

Mujhe yaad karne se ye muddaa tha..
Nikal jaaye dam hichkiyaan aate aate,

Abhi sin hi kya hai jo bebakiyan hon..
Unhein aayengi shokhiyan aate aate,

Kaleja mere munh ko aayega ek din..
Yunhi lab par aah-o-fughaa'n aate aate,

Chale aate hain dil mein armaan laakhon.. 
Makaan bhar gaya mehmaan aate aate,

Nateeja na nikla thake sab payami..
Wahaan jaate jaate yahaan aate aate,

Tumhaara hi mushtaaq-e-deedar hoga..
Gaya jaan se ek jawaan aate aate,

Teri aankh phirte hi kaisa phira hai..
Meri raah par aasman aate aate,

Pada hai bada pech phir dil-lagi mein..
Tabiyat ruki hai jahaan aate aate,

Mere aashiyan ke to the chaar tinke..
Chaman ud gaya aandhiyan aate aate,

Kisi ne kuchh un ko ubhaara to hota..
Na aate na aate yahaan aate aate,

Qayamat bhi aati thi humrah us ke..
Magar rah gayi hum-inaa'n aate aate,

Bana hai hamesha ye dil baagh o sahra..
Bahaar aate aate khizaa'n aate aate, 

Nahin khel ai 'Dagh' yaaro'n se kah do..
Ke aati hai urdu zabaan aate aate.!!

"Dagh Dehlvi"
_______________

Armughaa'n = gift, present,
Sin = age,
Bebakiyaan = boldness,
Mushtaaq-e-deedar = ardent for seeing,
Hum-inaa'n = same rein, common bridle,
____________________

پھرے راہ سے وہ یہاں آتے آتے
اجل مر رہی تو کہاں آتے آتے..

نہ جانا کہ دنیا سے جاتا ہے کوئی
بہت دیر کی مہرباں آتے آتے.. 

سنا ہے کہ آتا ہے سر نامہ بر کا
کہاں رہ گیا ارمغاں آتے آتے..

یقیں ہے کہ ہو جائے آخر کو سچی
مرے منہ میں تیری زباں آتے آتے.. 

سنانے کے قابل جو تھی بات ان کو
وہی رہ گئی درمیاں آتے آتے..

مجھے یاد کرنے سے یہ مدعا تھا
نکل جائے دم ہچکیاں آتے آتے..

ابھی سن ہی کیا ہے جو بیباکیاں ہوں
انہیں آئیں گی شوخیاں آتے آتے..

کلیجا مرے منہ کو آئے گا اک دن
یوں ہی لب پر آہ و فغاں آتے آتے..

چلے آتے ہیں دل میں ارمان لاکھوں
مکاں بھر گیا میہماں آتے آتے..

نتیجہ نہ نکلا تھکے سب پیامی
وہاں جاتے جاتے یہاں آتے آتے..

تمہارا ہی مشتاق دیدار ہوگا
گیا جان سے اک جواں آتے آتے..

تری آنکھ پھرتے ہی کیسا پھرا ہے
مری راہ پر آسماں آتے آتے..

پڑا ہے بڑا پیچ پھر دل لگی میں
طبیعت رکی ہے جہاں آتے آتے..

مرے آشیاں کے تو تھے چار تنکے
چمن اڑ گیا آندھیاں آتے آتے.. 

کسی نے کچھ ان کو ابھارا تو ہوتا
نہ آتے نہ آتے یہاں آتے آتے..

قیامت بھی آتی تھی ہم راہ اس کے
مگر رہ گئی ہم عناں آتے آتے.. 

بنا ہے ہمیشہ یہ دل باغ و صحرا
بہار آتے آتے خزاں آتے آتے..

نہیں کھیل اے داغؔ یاروں سے کہہ دو
کہ آتی ہے اردو زباں آتے آتے..