Phir Shab-e-ghum Ne Mujhe Shakl Dikhaai Kyunkar

Phir shab-e-ghum ne mujhe shakl dikhaai kyunkar..
Ye bala ghar se nikaali hui aai kyunkar,

Kat sake sakhti-e-ayyaam-e-judaai kyunkar..
Ghair ko aaye ilaahi meri aai kyunkar,

Tu ne ki ghair se kal meri buraai kyunkar..
Gar na thi dil mein to lab par tere aai kyunkar,

Na kahunga na kahunga na kahunga hargiz..
Ja ke us bazm mein shaamat meri aai kyunkar,

Khul gayi baat jab un ki to wo poochhte hain..
Munh se nikli hui hoti hai paraai kyunkar,

Daad-khwahon se wo kahte hain ke hum bhi to sunein..
Doge tum hashr mein sab mil ke duhaai kyunkar,

Tum dil-aazaar o sitamgar nahin main ne maana..
Maan jayegi ise saari khudaai kyunkar,

Na-gahaa'n shikwa-e-bedaad to kar baithe hum..
Ab ye hai fikr karein un se safaai kyunkar,

Aap mein bhi to rahi aatish-e-tar ki tezi..
Aag paani mein ye saaqi ne lagaai kyunkar,

Allah Allah buto'n ko hai ye dast-e-qudrat..
Un ki mutthi mein rahi saari khudaai kyunkar,

Wo yahaan aayen wahaan ghair ka ghar ho barbaad..
Is tarah se ho safaai mein safaai kyunkar,

Majlis-e-wa'az ko dekha to kaha rindo'n ne..
Hogi is bheed ki jannat mein samaai kyunkar,

Aaina dekh kar wo kahne lage aap hi aap.. 
Aise achchhon ki kare koi buraai kyunkar,

Kasrat-e-ranj-o-alam sun ke ye ilzaam mila..
Itne se dil mein hai itno'n ki samaai kyunkar,

Us ne sadqe mein kiye aaj hazaaron aazad..
Dekhiye hoti hai aashiq ki rihaai kyunkar,

'Dagh' ko mehr kaha ashk ko dariya hum ne..
Aur phir karte hain chhoto'n ki badaai kyunkar,

'Dagh' kal to dua aap ki maqbool na thi..
Aaj munh-maangi murada aap ne paai kyunkar.!!

"Dagh Dehlvi"
_______________

Na-gahaa'n = unexpected, accidental,
Aatish-e-tar = wet fire,
Majlis-e-wa'az = assembly of preaching,
________________________

پھر شب غم نے مجھے شکل دکھائی کیونکر
یہ بلا گھر سے نکالی ہوئی آئی کیونکر..

کٹ سکے سختی ایام جدائی کیونکر
غیر کو آئے الٰہی مری آئی کیونکر..

تو نے کی غیر سے کل میری برائی کیونکر
گر نہ تھی دل میں تو لب پر ترے آئی کیونکر..

نہ کہوں گا نہ کہوں گا نہ کہوں گا ہرگز
جا کے اس بزم میں شامت مری آئی کیونکر..

کھل گئی بات جب ان کی تو وہ پوچھتے ہیں
منہ سے نکلی ہوئی ہوتی ہے پرائی کیونکر..

دادخواہوں سے وہ کہتے ہیں کہ ہم بھی تو سنیں
دوگے تم حشر میں سب مل کے دہائی کیونکر..

تم دل آزار و ستم گر نہیں میں نے مانا
مان جائے گی اسے ساری خدائی کیونکر..

ناگہاں شکوۂ بیداد تو کر بیٹھے ہم
اب یہ ہے فکر کریں ان سے صفائی کیونکر..

آپ میں بھی تو رہی آتش تر کی تیزی
آگ پانی میں یہ ساقی نے لگائی کیونکر..

اللہ اللہ بتوں کو ہے یہ دست قدرت
ان کی مٹھی میں رہی ساری خدائی کیونکر..

وہ یہاں آئیں وہاں غیر کا گھر ہو برباد
اس طرح سے ہو صفائی میں صفائی کیونکر..

مجلس وعظ کو دیکھا تو کہا رندوں نے
ہوگی اس بھیڑ کی جنت میں سمائی کیونکر.. 

آئینہ دیکھ کر وہ کہنے لگے آپ ہی آپ
ایسے اچھوں کی کرے کوئی برائی کیونکر..

کثرت رنج و الم سن کے یہ الزام ملا
اتنے سے دل میں ہے اتنوں کی سمائی کیونکر..

اس نے صدقے میں کئے آج ہزاروں آزاد
دیکھیے ہوتی ہے عاشق کی رہائی کیونکر..

داغؔ کو مہر کہا اشک کو دریا ہم نے
اور پھر کرتے ہیں چھوٹوں کی بڑائی کیونکر..

داغؔ کل تو دعا آپ کی مقبول نہ تھی
آج منہ مانگی مراد آپ نے پائی کیونکر..