Payami Kaamyab Aaye Na Aaye

Payami kaamyab aaye na aaye..
Khuda jaane jawaab aaye na aaye,

Tere ghamzo'n ko apne kaam se kaam..
Kisi ke dil ko taab aaye na aaye,

Use sharmayenge zikr-e-adu par..
Ye qismat hai hijaab aaye na aaye,

Tum aao jab sawaar-e-tausan-e-naaz..
Qayamat hum-rikaab aaye na aaye,

Shumaar apni khataon ka bata dun..
Tumhein shayad hisaab aaye na aaye,

Naye khanjar se mujh ko zabah kijiye..
Phir aisi aab-o-taab aaye na aaye,

Shab-e-wasl-e-adu teri bala se..
Kisi muztar ko khwab aaye na aaye,

Piyunga aaj saaqi ser ho kar..
Mayassar phir sharaab aaye na aaye, 

Ye ja kar poochh aa tu un se darbaan..
Ke wo khana-kharaab aaye na aaye,

Na dekho 'Dagh' ka deewaan dekho..
Samajh mein ye kitaab aaye na aaye.!!

"Dagh Dehlvi"
_______________

Ghamzo'n = amorous glances, coquetry,
Sawaar-e-tausan-e-naaz = rider of untamed, wild beloved,
Hum-rikaab = fellow travelers, contemporary,
____________________

پیامی کامیاب آئے نہ آئے
خدا جانے جواب آئے نہ آئے..

ترے غمزوں کو اپنے کام سے کام
کسی کے دل کو تاب آئے نہ آئے..

اسے شرمائیں گے ذکر عدو پر
یہ قسمت ہے حجاب آئے نہ آئے..

تم آؤ جب سوار تو سن ناز
قیامت ہم رکاب آئے نہ آئے..

شمار اپنی خطاؤں کا بتا دوں
تمہیں شاید حساب آئے نہ آئے..

نئے خنجر سے مجھ کو ذبح کیجے
پھر ایسی آب و تاب آئے نہ آئے..

شب وصل عدو تیری بلا سے
کسی مضطر کو خواب آئے نہ آئے..

پیوں گا آج ساقی سیر ہو کر
میسر پھر شراب آئے نہ آئے..

یہ جا کر پوچھ آ تو ان سے درباں
کہ وہ خانہ خراب آئے نہ آئے..

نہ دیکھو داغؔ کا دیوان دیکھو
سمجھ میں یہ کتاب آئے نہ آئے..