Mohabbat Ka Asar Jaata Kahaan Hai

Mohabbat ka asar jaata kahaan hai,
Humara dard-e-sar jaata kahaan hai..

Dil-e-betaab seene se nikal kar,
Chala hai tu kidhar jaata kahaan hai..

Adam kahte hain us kooche ko ai dil,
Idhar aa be-khabar jaata kahaan hai..

Kahun kis munh se main tere dahan hai,
Jo hota to kidhar jaata kahaan hai..

Tere jaate hi mar jaaunga zaalim,
Mujhe tu chhorh kar jaata kahaan hai..

Humare haath se daaman bacha kar,
Are bedaad-gar jaata kahaan hai..

Teri chori hi sab meri nazar mein,
Chura kar tu nazar jaata kahaan hai..

Agarche paa-shikasta hum hain ai 'Dagh',
Magar qasd-e-safar jaata kahaan hai.!!

"Dagh Dehlvi"
_______________

Dahan = mouth,
Bedaad-gar = oppressor,
Paa-shikasta = broken-footed, helpless,
Qasd-e-safar = intention to journey,
____________________

محبت کا اثر جاتا کہاں ہے
ہمارا درد سر جاتا کہاں ہے..

دل بیتاب سینے سے نکل کر
چلا ہے تو کدھر جاتا کہاں ہے..

عدم کہتے ہیں اس کوچے کو اے دل
ادھر آ بے خبر جاتا کہاں ہے..

کہوں کس منہ سے میں تیرے دہن ہے
جو ہوتا تو کدھر جاتا کہاں ہے..

ترے جاتے ہی مر جاؤں گا ظالم
مجھے تو چھوڑ کر جاتا کہاں ہے..

ہمارے ہاتھ سے دامن بچا کر
ارے بیداد گر جاتا کہاں ہے..

تری چوری ہی سب میری نظر میں
چرا کر تو نظر جاتا کہاں ہے.. 

اگرچہ پا شکستہ ہم ہیں اے داغؔ
مگر قصد سفر جاتا کہاں ہے..