Mohabbat Mein Aaram Sab Chahte Hain

Mohabbat mein aaram sab chahte hain.. 
Magar hazrat-e-'dagh' kab chahte hain,

Khata kya hai un ki jo us but ko chaha..
Khuda chahta hai to sab chahte hain,

Wahi un ka matloob o mahboob thehra..
Baja hai jo us ki talab chahte hain,

Magar aalam-e-yas mein tang aa kar..
Ye samaan-e-aafat ajab chahte hain,

Ajal ki dua har ghadi maangte hain..
Ghum-o-dard-o-ranj-o-ta'ab chahte hain, 

Na tafreeh-e-asaaish-e-dil ki khwahish..
Na samaan-e-aish-o-tarab chahte hain,

Qayamat bapa ho nuzool-e-bala ho..
Yahi aaj-kal roz o shab chahte hain, 

Na mashooq-e-farkhaar se un ko matlab..
Na ye jaam-e-bint-ul-inab chahte hain,

Na jannat ki hasrat na hooro'n ki parwa..
Na koi khushi ka sabab chahte hain,

Niraali tamanna hai ahl-e-karam se..
Sitam chahte hain ghazab chahte hain,

Na ho koi aagah raaz-e-nihaa'n se..
Khamoshi ko ye mohr-e-lab chahte hain,

Khuda un ki chahat se mahfooz rakkhe..
Ye aazaar bhi muntakhab chahte hain,

Ghum-e-ishq mein 'Dagh' majboor ho kar..
Kabhi jo na chaha wo ab chahte hain.!!

"Dagh Dehlvi"
_______________

Tafreeh-e-asaaish-e-dil = entertainment of comfort of heart,
Samaan-e-aish-o-tarab = wherewithal of pleasure and music,
Mashooq-e-farkhaar = Ornament, decoration, Name of a city renowned for its beauties,
Jaam-e-bint-ul-inab = glass of wine, daughter of grape,
Mohr-e-lab = seal of the lips,
____________________

محبت میں آرام سب چاہتے ہیں
مگر حضرت داغؔ کب چاہتے ہیں..

خطا کیا ہے ان کی جو اس بت کو چاہا
خدا چاہتا ہے تو سب چاہتے ہیں..

وہی ان کا مطلوب و محبوب ٹھہرا
بجا ہے جو اس کی طلب چاہتے ہیں..

مگر عالم یاس میں تنگ آ کر
یہ سامان آفت عجب چاہتے ہیں..

اجل کی دعا ہر گھڑی مانگتے ہیں
غم و درد و رنج و تعب چاہتے ہیں..

نہ تفریح آسائش دل کی خواہش
نہ سامان عیش و طرب چاہتے ہیں..

قیامت بپا ہو نزول بلا ہو
یہی آج کل روز و شب چاہتے ہیں..

نہ معشوق فرخار سے ان کو مطلب
نہ یہ جام بنت العنب چاہتے ہیں..

نہ جنت کی حسرت نہ حوروں کی پروا
نہ کوئی خوشی کا سبب چاہتے ہیں.. 

نرالی تمنا ہے اہل کرم سے
ستم چاہتے ہیں غضب چاہتے ہیں..

نہ ہو کوئی آگاہ راز نہاں سے
خموشی کو یہ مہر لب چاہتے ہیں..

خدا ان کی چاہت سے محفوظ رکھے
یہ آزار بھی منتخب چاہتے ہیں.. 

غم عشق میں داغؔ مجبور ہو کر
کبھی جو نہ چاہا وہ اب چاہتے ہیں..