Minnaton Se Bhi Na Wo Hoor-shamaail Aaya

Minnato'n se bhi na wo hoor-shamaail aaya..
Kis jagah aankh ladi haye kahaan dil aaya,

Hum na kahte the na kar ishq pashemaan hoga..
Jo kiya tu ne wo aage tere ai dil aaya,

Qahqahe qulqul-e-meena ne lagaye kya kya..
Mujh ko masti mein jo rona sar-e-mahfil aaya,

Qatl ki sun ke khabar eid manaai main ne..
Aaj jis se mujhe milna tha gale mil aaya,

Taa dam-e-marg na ho wo mere dushman ko naseeb..
Jo maza mujh ko ilaahi dam-e-bismil aaya,

Marqad-e-qais par ab tak bhi to khaar-e-sahra..
Ungliyon se ye batate hain wo mahmil aaya,

Ganj-e-qaaroon ke siwa bhi hai adam mein sab kuchh..
Haye duniya mein na is mulk ka haasil aaya,

Jis ne kuchh hosh sambhaala wo jawaan qatl hua..
Ahd-e-peeri na tere ahd mein qaatil aaya,

Deen o duniya se gaya to ye samajh le ai 'Dagh'..
Ghazab aaya agar us but pe tera dil aaya.!!

"Dagh Dehlvi"
_______________

Hoor-shamaail = hourie-like/ exquisitely beautiful,
Qulqul-e-meena = gargling sound of the flask,
Marqad-e-qais = grave of qais,
Khaar-e-sahra = thorn in the desert,
Mahmil = saddle of camel,
Ganj-e-qaaroon = the wealth of Qaarun, a fabulously rich mythological king,
Ahd-e-peeri = old age,
____________________

منتوں سے بھی نہ وہ حور شمائل آیا
کس جگہ آنکھ لڑی ہائے کہاں دل آیا..

ہم نہ کہتے تھے نہ کر عشق پشیماں ہوگا
جو کیا تو نے وہ آگے ترے اے دل آیا..

قہقہے قلقل مینا نے لگائے کیا کیا
مجھ کو مستی میں جو رونا سر محفل آیا..

قتل کی سن کے خبر عید منائی میں نے
آج جس سے مجھے ملنا تھا گلے مل آیا..

تا دم مرگ نہ ہو وہ مرے دشمن کو نصیب
جو مزا مجھ کو الٰہی دم بسمل آیا..

مرقد قیس پر اب تک بھی تو خار صحرا
انگلیوں سے یہ بتاتے ہیں وہ محمل آیا..

گنج قاروں کے سوا بھی ہے عدم میں سب کچھ
ہائے دنیا میں نہ اس ملک کا حاصل آیا..

جس نے کچھ ہوش سنبھالا وہ جواں قتل ہوا
عہد پیری نہ ترے عہد میں قاتل آیا..

دین و دنیا سے گیا تو یہ سمجھ لے اے داغؔ
غضب آیا اگر اس بت پہ ترا دل آیا..