Milate Ho Usi Ko Khaak Mein Jo Dil Se Milta Hai

Milate ho usi ko khaak mein jo dil se milta hai..
Meri jaan chahne waala badi mushkil se milta hai.!

Kahin hai eid ki shaadi kahin maatam hai maqtal mein..
Koi qaatil se milta hai koi bismil se milta hai.!

Pas-e-parda bhi laila haath rakh leti hai aankhon par..
Ghubaar-e-na-tawaan-e-qais jab mahmil se milta hai.!

Bhare hain tujh mein wo laakhon hunar ai majma-e-khoobi..
Mulaqaati tera goya bhari mahfil se milta hai.!

Mujhe aata hai kya kya rashk waqt-e-zabah us se bhi..
Gala jis dam lipat kar khanjar-e-qaatil se milta hai.!

Ba-zaahir ba-adab yoon hazrat-e-naaseh se milta hun..
Mureed-e-khaas jaise murshid-e-kaamil se milta hai.!

Misaal-e-ganj-e-qaaroon ahl-e-haajat se nahin chhupta..
Jo hota hai sakhi khud dhundh kar saail se milta hai.!

Jawaab is baat ka us shokh ko kya de sake koi..
Jo dil le kar kahe kam-bakht tu kis dil se milta hai.!

Chhupaye se koi chhupti hai apne dil ki betaabi..
Ke har taar-e-nafas apna rag-e-bismil se milta hai.!

Adam ki jo haqeeqat hai wo puchho ahl-e-hasti se..
Musafir ko to manzil ka pata manzil se milta hai.!

Ghazab hai 'Dagh' ke dil se tumhaara dil nahin milta..
Tumhaara chaand sa chehra mah-e-kaamil se milta hai.!!

"Dagh Dehlvi"
_______________

Majma-e-khoobi = collection of good attributes,
Waqt-e-zabah = time of slaughter,
Misaal-e-ganj-e-qaaroon = like treasure of Qaroon,
Ahl-e-haajat = people of wants,
Rag-e-bismil = vein of the killed,
Ahl-e-hasti = people of existence,
____________________

ملاتے ہو اسی کو خاک میں جو دل سے ملتا ہے
مری جاں چاہنے والا بڑی مشکل سے ملتا ہے..

کہیں ہے عید کی شادی کہیں ماتم ہے مقتل میں
کوئی قاتل سے ملتا ہے کوئی بسمل سے ملتا ہے..

پس پردہ بھی لیلیٰ ہاتھ رکھ لیتی ہے آنکھوں پر
غبار ناتوان قیس جب محمل سے ملتا ہے..

بھرے ہیں تجھ میں وہ لاکھوں ہنر اے مجمع خوبی
ملاقاتی ترا گویا بھری محفل سے ملتا ہے..

مجھے آتا ہے کیا کیا رشک وقت ذبح اس سے بھی
گلا جس دم لپٹ کر خنجر قاتل سے ملتا ہے..

بظاہر با ادب یوں حضرت ناصح سے ملتا ہوں
مرید خاص جیسے مرشد کامل سے ملتا ہے..

مثال گنج قاروں اہل حاجت سے نہیں چھپتا
جو ہوتا ہے سخی خود ڈھونڈ کر سائل سے ملتا ہے..

جواب اس بات کا اس شوخ کو کیا دے سکے کوئی
جو دل لے کر کہے کم بخت تو کس دل سے ملتا ہے..

چھپائے سے کوئی چھپتی ہے اپنے دل کی بیتابی
کہ ہر تار نفس اپنا رگ بسمل سے ملتا ہے..

عدم کی جو حقیقت ہے وہ پوچھو اہل ہستی سے
مسافر کو تو منزل کا پتا منزل سے ملتا ہے..

غضب ہے داغؔ کے دل سے تمہارا دل نہیں ملتا
تمہارا چاند سا چہرہ مہ کامل سے ملتا ہے..