Mere Hum-nafas Mere Hum-nawa Mujhe Dost Ban Ke Dagha Na De

Mere hum-nafas mere hum-nawa mujhe dost ban ke dagha na de..

Main hun dard-e-ishq se jaan-ba-lab mujhe zindagi ki dua na de.!

Mere daagh-e-dil se hai raushni isi raushni se hai zindagi..

Mujhe darr hai ai mere chaaragar ye charagh tu hi bujha na de.!

Mujhe chhod de mere haal par tera kya bharosa hai chaaragar..

Ye teri nawazish-e-mukhtasar mera dard aur badha na de.!

Mera azm itna buland hai ke paraye sholo'n ka darr nahin..

Mujhe khauf aatish-e-gul se hai ye kahin chaman ko jala na de.!

Wo uthe hain le ke khum-o-subu are o 'Shakeel' kahaan hai tu..

Tera jaam lene ko bazm mein koi aur haath badha na de.!!

"Shakeel Badayuni"
____________________

میرے ہم نفس میرے ہم نوا مجھے دوست بن کے دغا نہ دے،
میں ہوں درد عشق سے جاں بہ لب مجھے زندگی کی دعا نہ دے..

میرے داغ دل سے ہے روشنی اسی روشنی سے ہے زندگی،
مجھے ڈر ہے اے مرے چارہ گر یہ چراغ تو ہی بجھا نہ دے..

مجھے چھوڑ دے مرے حال پر ترا کیا بھروسہ ہے چارہ گر،
یہ تری نوازش مختصر مرا درد اور بڑھا نہ دے..

میرا عزم اتنا بلند ہے کہ پرائے شعلوں کا ڈر نہیں،
مجھے خوف آتش گل سے ہے یہ کہیں چمن کو جلا نہ دے..

وہ اٹھے ہیں لے کے خم و سبو ارے او شکیلؔ کہاں ہے تو،
ترا جام لینے کو بزم میں کوئی اور ہاتھ بڑھا نہ دے..