Meri Zindagi Hai Zaalim Tere Ghum Se Aashkara

Meri zindagi hai zaalim tere ghum se aashkara,
Tera ghum hai dar-haqeeqat mujhe zindagi se pyara.!

Wo agar bura na maanein to jahaan-e-rang-o-bu mein,
Main sukoon-e-dil ki khaatir koi dhundh lun sahaara.!

Mujhe tujh se khaas nisbat main raheen-e-mauj-e-tufaan,
Jinhein zindagi thi pyari unhein mil gaya kinara.!

Mujhe aa gaya yaqeen sa ke yahi hai meri manzil,
Sar-e-rah jab kisi ne mujhe daf'atan pukara.!

Ye khunuk khunuk hawaaen ye jhuki jhuki ghataaen,
Wo nazar bhi kya nazar hai jo samajh na le ishaara..

Main bataaun farq naaseh jo hai mujh mein aur tujh mein, 
Meri zindagi talatum teri zindagi kinara.! 

Mujhe fakhr hai isi par ye karam bhi hai mujhi par,
Teri kam-nigaahiyan bhi mujhe kyun na hon gawara.!

Mujhe guftugu se badh kar ghum-e-izn-e-guftugu hai,
Wahi baat poochhte hain jo na kah sakun dobara.!

Koi ai 'Shakeel' poochhe ye junoon nahin to kya hai,
Ke usi ke ho gaye hum jo na ho saka humara.!!

"Shakeel Badayuni"
_______________

Aashkara = clear, manifest, visible,
Raheen-e-mauj-e-tufaan = pledged, indebted to stormy wave,
Khunuk = happy, fortunate,
Kam-nigaahiyan = narrow-mindedness,
Ghum-e-izn-e-guftugu = grief of permission to converse,
_________________________

مری زندگی ہے ظالم ترے غم سے آشکارا
ترا غم ہے در حقیقت مجھے زندگی سے پیارا..

وہ اگر برا نہ مانیں تو جہان رنگ و بو میں
میں سکون دل کی خاطر کوئی ڈھونڈ لوں سہارا..

مجھے تجھ سے خاص نسبت میں رہین موج طوفاں
جنہیں زندگی تھی پیاری انہیں مل گیا کنارا..

مجھے آ گیا یقیں سا کہ یہی ہے میری منزل
سر راہ جب کسی نے مجھے دفعتاً پکارا..

یہ خنک خنک ہوائیں یہ جھکی جھکی گھٹائیں
وہ نظر بھی کیا نظر ہے جو سمجھ نہ لے اشارہ..

میں بتاؤں فرق ناصح جو ہے مجھ میں اور تجھ میں
مری زندگی تلاطم تری زندگی کنارا..

مجھے فخر ہے اسی پر یہ کرم بھی ہے مجھی پر
تری کم نگاہیاں بھی مجھے کیوں نہ ہوں گوارا..

مجھے گفتگو سے بڑھ کر غم اذن گفتگو ہے
وہی بات پوچھتے ہیں جو نہ کہہ سکوں دوبارہ..

کوئی اے شکیلؔ پوچھے یہ جنوں نہیں تو کیا ہے
کہ اسی کے ہو گئے ہم جو نہ ہو سکا ہمارا..