Lamha Lamha Baar Hai Tere Baghair

Lamha lamha baar hai tere baghair,
Zindagi dushwaar hai tere baghair..

Dil ki betaabi ka aalam kya kahun,
Har nafas talwaar hai tere baghair..

Majma-e-ahbaab o arbaab-e-wafa,
Majma-e-aghyaar hai tere baghair..

Tujh se barham hun kabhi khud se khafa,
Kuchh ajab raftaar hai tere baghair..

Zindagi se maut ek ek gaam par,
Nar-sar-e-paikaar hai tere baghair..

Aalam-e-furqat mein zikr-e-khwab kya,
Neend khud bedaar hai tere baghair..

Shaam-e-ghum karwat badalta hi nahin,
Waqt bhi khuddaar hai tere baghair..

Aa masiha aa ke ab tera 'Shakeel',
Jaan se be-zaar hai tere baghair.!!

"Shakeel Badayuni"
____________________

لمحہ لمحہ بار ہے تیرے بغیر
زندگی دشوار ہے تیرے بغیر..

دل کی بے تابی کا عالم کیا کہوں
ہر نفس تلوار ہے تیرے بغیر..

مجمع احباب و ارباب وفا
مجمع اغیار ہے تیرے بغیر..

تجھ سے برہم ہوں کبھی خود سے خفا
کچھ عجب رفتار ہے تیرے بغیر..

زندگی سے موت اک اک گام پر
بر سر پیکار ہے تیرے بغیر..

عالم فرقت میں ذکر خواب کیا
نیند خود بیدار ہے تیرے بغیر..

شام غم کروٹ بدلتا ہی نہیں
وقت بھی خوددار ہے تیرے بغیر..

آ مسیحا آ کہ اب تیرا شکیلؔ
جان سے بے زار ہے تیرے بغیر..