Koi Aarzu Nahin Hai Koi Muddaa Nahin Hai

Koi aarzu nahin hai koi muddaa nahin hai,
Tera ghum rahe salamat mere dil mein kya nahin hai.!

Kahaan jaam-e-ghum ki talkhi kahaan zindagi ka darmaa'n,
Mujhe wo dawa mili hai jo meri dawa nahin hai.!

Tu bachaye laakh daaman mera phir bhi hai ye daawa,
Tere dil mein main hi main hun koi dusra nahin hai.!

Tumhein kah diya sitam-gar ye qusoor tha zabaan ka,
Mujhe tum muaaf kar do mera dil bura nahin hai.!

Mujhe dost kahne waale zara dosti nibha de,
Ye mutaalba hai haq ka koi iltija nahin hai.!

Ye udaas udaas chehre ye haseen haseen tabassum,
Teri anjuman mein shayad koi aaina nahin hai.!

Meri aankh ne tujhe bhi ba-khuda 'Shakeel' paaya,
Main samajh raha tha mujh sa koi dusra nahin hai.!!

"Shakeel Badayuni"
____________________

کوئی آرزو نہیں ہے کوئی مدعا نہیں ہے
ترا غم رہے سلامت مرے دل میں کیا نہیں ہے..

کہاں جام غم کی تلخی کہاں زندگی کا درماں
مجھے وہ دوا ملی ہے جو مری دوا نہیں ہے..

تو بچائے لاکھ دامن مرا پھر بھی ہے یہ دعویٰ
ترے دل میں میں ہی میں ہوں کوئی دوسرا نہیں ہے..

تمہیں کہہ دیا ستمگر یہ قصور تھا زباں کا
مجھے تم معاف کر دو مرا دل برا نہیں ہے..

مجھے دوست کہنے والے ذرا دوستی نبھا دے
یہ مطالبہ ہے حق کا کوئی التجا نہیں ہے..

یہ اداس اداس چہرے یہ حسیں حسیں تبسم
تری انجمن میں شاید کوئی آئنا نہیں ہے..

مری آنکھ نے تجھے بھی بہ خدا شکیلؔ پایا
میں سمجھ رہا تھا مجھ سا کوئی دوسرا نہیں ہے..