Khaatir Se Ya Lihaaz Se Main Maan To Gaya

YKhaatir se ya lihaaz se main maan to gaya..
Jhoothi qasam se aap ka imaan to gaya.!

Dil le ke muft kahte hain kuchh kaam ka nahin..
Ulti shikayatein huyin ahsaan to gaya.!

Darta hun dekh kar dil-e-be-aarzu ko main..
Sunsaan ghar ye kyun na ho mehmaan to gaya.!

Kya aaye raahat aai jo kunj-e-mazaar mein..
Wo walwala wo shauq wo armaan to gaya.!

Dekha hai but-kade mein jo ai shaikh kuchh na poochh..
Imaan ki to ye hai ke imaan to gaya.!

Ifsha-e-raaz-e-ishq mein go zillatein huyin..
Lekin use jata to diya jaan to gaya.!

Go naama-bar se khush na hua par hazaar shukr..
Mujh ko wo mere naam se pahchaan to gaya.!

Bazm-e-adu mein surat-e-parwana dil mera..
Go rashk se jala tere qurbaan to gaya.!

Hosh o hawaas o taab o tawaa'n 'Dagh' ja chuke..
Ab hum bhi jaane waale hain samaan to gaya.!!

"Dagh Dehlvi"
_______________

Kunj-e-mazaar = groove on grave,
Ifsha-e-raaz-e-ishq = disclosure of the secrets of love,
Tawaa'n = strong,
____________________

خاطر سے یا لحاظ سے میں مان تو گیا
جھوٹی قسم سے آپ کا ایمان تو گیا..

دل لے کے مفت کہتے ہیں کچھ کام کا نہیں
الٹی شکایتیں ہوئیں احسان تو گیا..

ڈرتا ہوں دیکھ کر دل بے آرزو کو میں
سنسان گھر یہ کیوں نہ ہو مہمان تو گیا.. 

کیا آئے راحت آئی جو کنج مزار میں
وہ ولولہ وہ شوق وہ ارمان تو گیا..

دیکھا ہے بتکدے میں جو اے شیخ کچھ نہ پوچھ
ایمان کی تو یہ ہے کہ ایمان تو گیا..

افشائے راز عشق میں گو ذلتیں ہوئیں
لیکن اسے جتا تو دیا جان تو گیا..

گو نامہ بر سے خوش نہ ہوا پر ہزار شکر
مجھ کو وہ میرے نام سے پہچان تو گیا..

بزم عدو میں صورت پروانہ دل مرا
گو رشک سے جلا ترے قربان تو گیا..

ہوش و حواس و تاب و تواں داغؔ جا چکے
اب ہم بھی جانے والے ہیں سامان تو گیا..