Khulta Nahin Hai Raaz Humare Bayaan Se

Khulta nahin hai raaz humare bayaan se,
Lete hain dil ka kaam hum apni zabaan se..

Kya lazzat-e-wisaal ada ho bayaan se,
Sab harf chipke jaate hain meri zabaan se..

Mashhoor raaz-e-ishq hai kis ke bayaan se,
Meri zabaan se ke tumhaari zabaan se..

Fitna bana zameen pe har zarra khaak ka,  
Nikle hain bahr-e-sair wo jis dam makaan se

Us din se mujh ko neend na aai tamaam umr,
Ek shab mili thi aankh tere paasbaan se.. 

Ye khaak mein milaye to wo ho sitam-shareek,
Mujh ko zameen se laag unhein aasman se..

Lena sambhaalna ke mere hosh ud chale, 
Aata hai koi mast qayamat ke shaan se..

Mujh se nazar mila ke tum abru mein bal na do,
Seedha chalega teer na tedhi kamaan se..

Bazaar-e-ishq mein hain bahut dil jagah jagah,
Dekhein wo mol laete hain kis ki dukaan se.!

Shorida-sar wo hun ke use sar se tod dun, 
Gar sang-e-haadsa bhi gire aasman se..

Arzaa'n kare farokht agar may-farosh-e-ishq,
Lene lagein farishte bhi us ki dukaan se.. 

Guzri hai aazmaaish-e-mehr-o-wafa mein umr,
Fursat mujhe mili na kabhi imtihaan se..

Dil bhi bacha jigar bhi bacha khair ho gayi,
Teer-e-nigah par hua darmiyaan se..

Main tum ko na-gawaar hun dil mujh ko na-gawaar,
Tum mujh se tang aur hun main tang jaan se..

Han haan tera raqreb se be-shak hai rabt-zabt,
Rutba yaqeen ka hai zyaada gumaan se..

Mehr-o-wafa ka naam hai ab baat baat par,
Ye sun liya hai aap ne kis ki zabaan se..

Kaisa khila hai phool jab aaya bahaar par,
Poochhe to koi lutf-e-jawaani jawaan se..

Daanista aate jaaton se ladta hai raat din,
Phir ho padi thi aaj tere paasbaan se..

Is khoob-ru ko bazm-e-haseenaa'n mein dekhiye,
Karta hai aan-baan badi aan-taan se..

Ai 'Dagh' is ki khair manata hai aadmi,
Koi azeez badh ke nahin apni jaan se.!!

"Dagh Dehlvi"
_______________

Bahr-e-sair = for picnic, outing,
Shorida-sar = mad, rebellious,
Arzaa'n = of lesser value, cheap,
Bazm-e-haseenaa'n = assembly of beautiful ladies,
____________________

کھلتا نہیں ہے راز ہمارے بیان سے
لیتے ہیں دل کا کام ہم اپنی زبان سے..

کیا لذت وصال ادا ہو بیان سے
سب حرف چپکے جاتے ہیں میری زبان سے..

مشہور راز عشق ہے کس کے بیان سے
میری زبان سے کہ تمہاری زبان سے..

فتنہ بنا زمین پہ ہر ذرہ خاک کا
نکلے ہیں بہر سیر وہ جس دم مکان سے.. 

اس دن سے مجھ کو نیند نہ آئی تمام عمر
اک شب ملی تھی آنکھ ترے پاسبان سے..

یہ خاک میں ملائے تو وہ ہو ستم شریک
مجھ کو زمیں سے لاگ انہیں آسمان سے..

لینا سنبھالنا کہ مرے ہوش اڑ چلے
آتا ہے کوئی مست قیامت کی شان سے..

مجھ سے نظر ملا کے تم ابرو میں بل نہ دو
سیدھا چلے گا تیر نہ ٹیڑھی کمان سے..

بازار عشق میں ہیں بہت دل جگہ جگہ
دیکھیں وہ مول لیتے ہیں کس کی دکان سے..

شوریدہ سر وہ ہوں کہ اسے سر سے توڑ دوں
گر سنگ حادثہ بھی گرے آسمان سے..

ارزاں کرے فروخت اگر مے فروش عشق
لینے لگیں فرشتے بھی اس کی دکان سے..

گزری ہے آزمائش مہر و وفا میں عمر
فرصت مجھے ملی نہ کبھی امتحان سے..

دل بھی بچا جگر بھی بچا خیر ہو گئی
تیر نگاہ پار ہوا درمیان سے.. 

میں تم کو ناگوار ہوں دل مجھ کو ناگوار
تم مجھ سے تنگ اور ہوں میں تنگ جان سے..

ہاں ہاں ترا رقیب سے بے شک ہے ربط ضبط
رتبہ یقین کا ہے زیادہ گمان سے..

مہر و وفا کا نام ہے اب بات بات پر
یہ سن لیا ہے آپ نے کس کی زبان سے.. 

کیسا کھلا ہے پھول جب آیا بہار پر
پوچھے تو کوئی لطف جوانی جوان سے..

دانستہ آتے جاتوں سے لڑتا ہے رات دن
پھر ہو پڑی تھی آج ترے پاسبان سے..

اس خوبرو کو بزم حسیناں میں دیکھیے
کرتا ہے آن بان بڑی آن تان سے..

اے داغؔ اس کی خیر مناتا ہے آدمی
کوئی عزیز بڑھ کے نہیں اپنی جان سے..