Kaun Sa Taair-e-gum-gashta Use Yaad Aaya

Kaun sa taair-e-gum-gashta use yaad aaya..
Dekhta bhaalta har shaakh ko sayyaad aaya.!

Mere qaabu mein na pahro'n dil-e-nashaad aaya..
Wo mera bhoolne waala jo mujhe yaad aaya.!

Koi bhoola hua andaaz-e-sitam yaad aaya..
Ke tabassum tujhe zaalim dam-e-bedaad aaya.!

Laaye hain log janaze ki tarah mahshar mein..
Kis musibat se tera kushta-e-bedaad aaya.!

Jazb-e-wahshat tere qurbaan tera kya kahna..
Khinch ke rag rag mein mere nashtar-e-fassad aaya.!

Us ke jalwe ko gharaz kaun-o-makaan se kya tha..
Daad lene ke liye husn-e-khuda-daad aaya.!

Bastiyon se yahi aawaaz chali aati hai..
Jo kiya tu ne wo aage tere farhaad aaya.!

Dil-e-veeraan se raqeebon ne muraadein paayin..
Kaam kis kis ke mera khirman-e-barbaad aaya.!

Ishq ke aate hi munh par mere phooli hai basant..
Ho gaya zard ye shaagird jab ustaad aaya.!

Ho gaya farz mujhe shauq ka daftar likhna..
Jab mere haath koi khaama-e-faulaad aaya.!

Eid hai qatl mera ahl-e-tamasha ke liye..
Sab gale milne lage jab ke wo jallaad aaya.!

Chain karte hain wahaan ranj uthaane waale..
Kaam uqba mein humara dil-e-nashaad aaya.!

Di shab-e-wasl moazzin ne azaan pichhli raat..
Haye kam-bakht ko kis waqt khuda yaad aaya.!

Mere naale ne sunaai hai khari kis kis ko..
Munh farishton pe ye gustaakh ye aazaad aaya.!

Ghum-e-jawed ne di mujh ko mubarakbaadi..
Jab suna ye ke unhein shewa-e-bedaad aaya.!

Main tamanna-e-shahadat ka maza bhool gaya..
Aaj is shauq se armaan se jallaad aaya.!

Shadiyana jo diya naala o shewan ne diya..
Jab mulaqaat ko nashaad ki nashaad aaya.!

Lijiye suniye ab afsana-e-furqat mujh se..
Aap ne yaad dilaya to mujhe yaad aaya.!

Aap ki bazm mein sab kuchh hai magar 'Dagh' nahin..
Hum ko wo khana-kharaab aaj bahut yaad aaya.!!

"Dagh Dehlvi"
_______________

Taair-e-gum-gashta = lost bird,
Dam-e-bedaad = right at the moment of injustice,
Kushta-e-bedaad = killed by oppressor,
Nashtar-e-fassaad = scalpel of phlebotomist, surgeon,
Husn-e-khuda-daad = God-gifted beauty,
Khirman-e-barbaad = ruined harvest, crop, yield,
Khaama-e-faulaad = pen of steel,
Uqba = the next world,
Ghum-e-jawed = eternal sorrow,
Shewa-e-bedaad = habit of tyranny,
Shadiyana = festive music at marriage or other joyous occasions, rejoicing,
Shewan = grief, lamentation, mourning,
____________________

کون سا طائر گم گشتہ اسے یاد آیا
دیکھتا بھالتا ہر شاخ کو صیاد آیا..

میرے قابو میں نہ پہروں دل ناشاد آیا
وہ مرا بھولنے والا جو مجھے یاد آیا..

کوئی بھولا ہوا انداز ستم یاد آیا
کہ تبسم تجھے ظالم دم بیداد آیا..

لائے ہیں لوگ جنازے کی طرح محشر میں
کس مصیبت سے ترا کشتۂ بیداد آیا..

جذب وحشت ترے قربان ترا کیا کہنا
کھنچ کے رگ رگ میں مرے نشتر فصاد آیا..

اس کے جلوے کو غرض کون و مکاں سے کیا تھا
داد لینے کے لیے حسن خداداد آیا..

بستیوں سے یہی آواز چلی آتی ہے
جو کیا تو نے وہ آگے ترے فرہاد آیا.. 

دل ویراں سے رقیبوں نے مرادیں پائیں
کام کس کس کے مرا خرمن برباد آیا..

عشق کے آتے ہی منہ پر مرے پھولی ہے بسنت
ہو گیا زرد یہ شاگرد جب استاد آیا..

ہو گیا فرض مجھے شوق کا دفتر لکھنا
جب مرے ہاتھ کوئی خامۂ فولاد آیا..

عید ہے قتل مرا اہل تماشا کے لیے
سب گلے ملنے لگے جب کہ وہ جلاد آیا..

چین کرتے ہیں وہاں رنج اٹھانے والے
کام عقبیٰ میں ہمارا دل ناشاد آیا..

دی شب وصل موذن نے اذاں پچھلی رات
ہائے کم بخت کو کس وقت خدا یاد آیا..

میرے نالے نے سنائی ہے کھری کس کس کو
منہ فرشتوں پہ یہ گستاخ یہ آزاد آیا..

غم جاوید نے دی مجھ کو مبارک بادی
جب سنا یہ کہ انہیں شیوۂ بیداد آیا..

میں تمنائے شہادت کا مزا بھول گیا
آج اس شوق سے ارمان سے جلاد آیا..

شادیانہ جو دیا نالہ و شیون نے دیا
جب ملاقات کو ناشاد کی ناشاد آیا..

لیجئے سنئے اب افسانۂ فرقت مجھ سے
آپ نے یاد دلایا تو مجھے یاد آیا..

آپ کی بزم میں سب کچھ ہے مگر داغؔ نہیں
ہم کو وہ خانہ خراب آج بہت یاد آیا...