Kab Tak Shakeel Dil Ko Dua Kijiyega Aap

Kab tak 'Shakeel' dil ko dua kijiyega aap,
Behtar yahi hai un ko bhula dijiyega aap.!

Phir tishna-e-jamaal bana dijiyega aap,
Rukh se naqaab ulat kar gira dijiyega aap.!

Dil ke ewaz to ghum hi diya aap ne magar,
Ab jaan bhi nazr kar dun to kya kijiyega aap.!

Hota jabeen-e-husn pe gumnaamiyon ka daagh,
Wo to meri nazar ko dua kijiyega aap.!

Ahsaas-e-tark-e-shauq baja hai magar 'Shakeel',
Maanga jawab dil ne to kya dijiyega aap.!!

"Shakeel Badayuni"
____________________

کب تک شکیلؔ دل کو دعا کیجئے گا آپ
بہتر یہی ہے ان کو بھلا دیجئے گا آپ..

پھر تشنۂ جمال بنا دیجئے گا آپ
رخ سے نقاب الٹ کر گرا دیجئے گا آپ..

دل کے عوض تو غم ہی دیا آپ نے مگر
اب جاں بھی نذر کر دوں تو کیا کیجئے گا آپ..

ہوتا جبین حسن پہ گمنامیوں کا داغ
وہ تو مری نظر کو دعا کیجئے گا آپ..

احساس ترک شوق بجا ہے مگر شکیلؔ
مانگا جواب دل نے تو کیا دیجئے گا آپ..