Kahin Husn Ka Taqaza Kahin Waqt Ke Ishaare

Kahin husn ka taqaza kahin waqt ke ishaare,
Na bacha sakenge daaman ghum-e-zindagi ke maare..

Shab-e-ghum ki teergi mein meri aah ke sharare,
Kabhi ban gaye hain aansu kabhi ban gaye hain taare..

Na khalish rahi wo mujh mein na kashish rahi wo mujh mein,
Jise zoam-e-aashiqi ho wahi ab tujhe pukaare..

Jinhein ho saka na haasil kabhi kaif-e-qurb-e-manzil,
Wahi do-qadam hain mujh ko teri justuju se pyaare..

Main 'Shakeel' un ka ho kar bhi na pa saka hun un ko,
Meri tarah zindagi mein koi jeet kar na haare.!!

"Shakeel Badayuni"
_______________

Zoam-e-aashiqi = pride of love,
____________________

کہیں حسن کا تقاضا کہیں وقت کے اشارے
نہ بچا سکیں گے دامن غم زندگی کے مارے..

شب غم کی تیرگی میں مری آہ کے شرارے
کبھی بن گئے ہیں آنسو کبھی بن گئے ہیں تارے.. 

نہ خلش رہی وہ مجھ میں نہ کشش رہی وہ مجھ میں
جسے زعم عاشقی ہو وہی اب تجھے پکارے..

جنہیں ہو سکا نہ حاصل کبھی کیف قرب منزل
وہی دو قدم ہیں مجھ کو تری جستجو سے پیارے..

میں شکیلؔ ان کا ہو کر بھی نہ پا سکا ہوں ان کو
مری طرح زندگی میں کوئی جیت کر نہ ہارے..