Jeene Waale Qaza Se Darte Hain

Jeene waale qaza se darte hain,
Zahar pi kar dawa se darte hain..

Zaahidon ko kisi ka khauf nahin,
Sirf kaali ghata se darte hain..

Aap jo kuchh kahein humein manzoor,
Nek bande khuda se darte hain..

Dushmanon ko sitam ka khauf nahin,
Doston ki wafa se darte hain..

Azm-o-himmat ke bawajood 'Shakeel',
Ishq ki ibtida se darte hain.!!

"Shakeel Badayuni"
____________________

جینے والے قضا سے ڈرتے ہیں
زہر پی کر دوا سے ڈرتے ہیں..

زاہدوں کو کسی کا خوف نہیں
صرف کالی گھٹا سے ڈرتے ہیں..

آپ جو کچھ کہیں ہمیں منظور
نیک بندے خدا سے ڈرتے ہیں..

دشمنوں کو ستم کا خوف نہیں
دوستوں کی وفا سے ڈرتے ہیں.. 

عزم و ہمت کے باوجود شکیلؔ
عشق کی ابتدا سے ڈرتے ہیں..