Jalwa-e-husn-e-karam Ka Aasra Karta Hun Main

Jalwa-e-husn-e-karam ka aasra karta hun main,
Jo khata mumkin hai mujh se be-khata karta hun main..

Jab subuhi le ke wird-e-marhaba karta hun main,
Zindagi ko neend se chaunka diya karta hun main..

Haye wo aalam ke jab har shay se ghabraata hun main,
Aap hi apni nigaahon se bacha karta hun main..

Wo bhi kya din the ke tha peene-pilane hi se kaam,
Haye ab chaar aansuon par iktifa karta hun main..

Dilruba hote hain jin ke aakhiri lamhaat-e-zeest,
Aksar un phoolon se daaman bhar liya karta hun main..

Dekhne waale meri khamoshi-e-lab ko na dekh,
Aankhon aankhon mein fasana kah diya karta hun main..

Mazhar-e-husn-e-talab hogi nigah-e-be-talab,
Muddaa ye hai ke tark-e-muddaa karta hun main..

Sirf is dhun mein ke tameer-e-mohabbat sahal ho,
Jaane kin kin mushkilon ka saamna karta hun main..

Dil laraz jaata hai sun kar har sitaare ka 'Shakeel',
Chaand se tanhaiyon mein kuchh kaha karta hun main.!!

"Shakeel Badayuni"
_______________

Subuhi = The morning draught of wine; a bottle for holding wine,
Iktifa = contentment, adequacy,
Mazhar-e-husn-e-talab = manifestation of demand of beauty,
____________________

جلوۂ حسن کرم کا آسرا کرتا ہوں میں
جو خطا ممکن ہے مجھ سے بے خطا کرتا ہوں میں.. 

جب صبوحی لے کے ورد مرحبا کرتا ہوں میں
زندگی کو نیند سے چونکا دیا کرتا ہوں میں.. 

ہائے وہ عالم کہ جب ہر شے سے گھبراتا ہوں میں
آپ ہی اپنی نگاہوں سے بچا کرتا ہوں میں..

وہ بھی کیا دن تھے کہ تھا پینے پلانے ہی سے کام
ہائے اب چار آنسوؤں پر اکتفا کرتا ہوں میں.. 

دل ربا ہوتے ہیں جن کے آخری لمحات زیست
اکثر ان پھولوں سے دامن بھر لیا کرتا ہوں میں..

دیکھنے والے مری خاموشیٔ لب کو نہ دیکھ
آنکھوں آنکھوں میں فسانہ کہہ دیا کرتا ہوں میں..

مظہر حسن طلب ہوگی نگاہ بے طلب
مدعا یہ ہے کہ ترک مدعا کرتا ہوں میں..

صرف اس دھن میں کہ تعمیر محبت سہل ہو
جانے کن کن مشکلوں کا سامنا کرتا ہوں میں..

دل لرز جاتا ہے سن کر ہر ستارے کا شکیلؔ
چاند سے تنہائیوں میں کچھ کہا کرتا ہوں میں..