Ishq Ki Chingariyon Ko Phir Hawa Dene Lage

Ishq ki chingariyon ko phir hawa dene lage,
Mere paas aa kar wo dushman ko dua dene lage..

May-kade ka may-kada khamosh tha mere baghair,
Main hua waarid to paimane sada dene lage..

Khatm karna hi padengi shaam-e-ghum ki uljhanein,
Ab wo apne gesuo'n ka waasta dene lage.. 

aitiraaf-e-auj ka jazba nahin ahbaab mein,
Har taraqqi par taraqqi ki dua dene lage..

Dosto'n ki kaj-adaai main bhi lazzat hai 'Shakeel',
Dost wo hai dost ban kar jo dagha dene lage.!!

"Shakeel Badayuni"
_______________

Kaj-adaai = perverseness, perversity, crookedness, lack of gentility,
____________________

عشق کی چنگاریوں کو پھر ہوا دینے لگے
میرے پاس آ کر وہ دشمن کو دعا دینے لگے..

میکدے کا مے کدہ خاموش تھا میرے بغیر
میں ہوا وارد تو پیمانے صدا دینے لگے..

ختم کرنا ہی پڑیں گی شام غم کی الجھنیں
اب وہ اپنے گیسوؤں کا واسطہ دینے لگے.. 

اعتراف اوج کا جذبہ نہیں احباب میں
ہر ترقی پر ترقی کی دعا دینے لگے..

دوستوں کی کج ادائی میں بھی لذت ہے شکیلؔ
دوست وہ ہے دوست بن کر جو دغا دینے لگے..