Is Qadar Naaz Hai Kyun Aap Ko Yaktaai Ka

Is qadar naaz hai kyun aap ko yaktaai ka, 
Dusra naam hai wo bhi meri tanhaai ka..

Kya chhupe raaz ilaahi dil-e-shaidaai ka, 
Arsa-e-hashr to bazaar hai ruswaai ka.. 

Jaan le jayega aana shab-e-tanhaai ka, 
Kaun ab rokne waala hai meri aai ka.. 

Khugar-e-ranj-o-bala hashr ke din kya khush hon,
Ke wo maal aaj hua hai shab-e-tanhaai ka..

Zinda hai naam shahadat ka usi ke dam se,
Tere kushte ne kiya kaam masihaai ka..

Har gali kooche mein paamaal use ho jaana,
Dil hai ya naqsh-e-qadam hai kisi harjaai ka..

Is adab se tah-e-shamshir tadapna ai dil,
Ke gumaan teri tapish par ho shakebaai ka..

Fitne bhi qayede se uthte hain jab uthte hain,
Kya saleeqa hai tumhein anjuman-araai ka..

Wo ye kahte hain mera sabr padega tujh par,
Ab mujhe ranj nahin apni shakebaai ka..

Kya gharaz hai meri taqdeer ko mujh se poochhe,
Aabru ka hai talabgaar ke ruswaai ka.. 

Waan shab-e-waada mali paanw mein mehndi us ne,
Yaan kaleja koi malta hai tamannaai ka..

Raat bhar shama rahi hijr mein wo bhi khamosh,
Multaji tha teri tasveer se goyaai ka..

Sar mera kaat ke dahleez par apni rakh do,
Shauq baaqi hai abhi naasiya-farsaai ka..

Yoon na maqbool hua hoga kisi ka sajda,
But ko armaan raha meri jabeen-saai ka..

Ho gaya partaw-e-rukhsaar se kuchh aur hi rang,
Main ne munh choom liya us ke tamashaai ka..

Tham gaye jam gaye aankhon mein lahu ke qatre,
Khoon zaahir hai mere sabr o shakebaai ka..

Ban gaya dagh-e-jigar mahr-e-qayamat ai 'Dagh',
Par abhi rang wahi hai shab-e-tanhaai ka.!!

"Dagh Dehlvi"
_______________

Yaktaai = uniqueness, oneness,
Arsa-e-hashr = duration of doomsday,
Khugar-e-ranj-o-bala = habituated to grief & misery,
Maal = wealth, property, riches, stock,
Kushte = killed,
Shakebaai = patience,
Multaji = taking refuge with, having recourse (to), supplicant, petitioner,
Goyaai = speaking,
Naasiya-farsaai = writing on the forehead;—the forehead,
Jabeen-saai = pray,
Partaw-e-rukhsaar = reflection of face,
____________________

اس قدر ناز ہے کیوں آپ کو یکتائی کا
دوسرا نام ہے وہ بھی مری تنہائی کا..

کیا چھپے راز الٰہی دل شیدائی کا
عرصۂ حشر تو بازار ہے رسوائی کا..

جان لے جائے گا آنا شب تنہائی کا
کون اب روکنے والا ہے مری آئی کا..

خوگر رنج و بلا حشر کے دن کیا خوش ہوں
کہ وہ مال آج ہوا ہے شب تنہائی کا.. 

زندہ ہے نام شہادت کا اسی کے دم سے
تیرے کشتہ نے کیا کام مسیحائی کا..

ہر گلی کوچے میں پامال اسے ہو جانا
دل ہے یا نقش قدم ہے کسی ہرجائی کا..

اس ادب سے تہہ شمشیر تڑپنا اے دل
کہ گماں تیری تپش پر ہو شکیبائی کا..

فتنے بھی قاعدے سے اٹھتے ہیں جب اٹھتے ہیں
کیا سلیقہ ہے تمہیں انجمن آرائی کا..

وہ یہ کہتے ہیں مرا صبر پڑے گا تجھ پر
اب مجھے رنج نہیں اپنی شکیبائی کا..

کیا غرض ہے مری تقدیر کو مجھ سے پوچھے
آبرو کا ہے طلب گار کہ رسوائی کا..

واں شب وعدہ ملی پاؤں میں مہندی اس نے
یاں کلیجا کوئی ملتا ہے تمنائی کا..

رات بھر شمع رہی ہجر میں وہ بھی خاموش
ملتجی تھا تری تصویر سے گویائی کا.. 

سر مرا کاٹ کے دہلیز پر اپنی رکھ دو
شوق باقی ہے ابھی ناصیہ فرسائی کا..

یوں نہ مقبول ہوا ہوگا کسی کا سجدہ
بت کو ارمان رہا میری جبیں سائی کا..

ہو گیا پرتو رخسار سے کچھ اور ہی رنگ
میں نے منہ چوم لیا اس کے تماشائی کا..

تھم گئے جم گئے آنکھوں میں لہو کے قطرے
خون ظاہر ہے مرے صبر و شکیبائی کا..

بن گیا داغ جگر مہر قیامت اے داغؔ
پر ابھی رنگ وہی ہے شب تنہائی کا..