Is Nahin Ka Koi Ilaaj Nahin

Is nahin ka koi ilaaj nahin..
Roz kahte hain aap aaj nahin, 

Kal jo tha aaj wo mizaaj nahin..
Is talawwun ka kuchh ilaaj nahin,

Aaina dekhte hi itraaye..
Phir ye kya hai agar mizaaj nahin,

Le ke dil rakh lo kaam aayega..
Go abhi tum ko ehtiyaaj nahin,

Ho sakein hum mizaaj-daa'n kyunkar..
Hum ko milta tera mizaaj nahin,

Chup lagi laal-e-jaan-faza ko tere..
Is masiha ka kuchh ilaaj nahin,

Dil-e-be-muddaa khuda ne diya..
Ab kisi shay ki ehtiyaaj nahin,

Khote daamo'n mein ye bhi kya thehra..
Dirham-e-daagh ka riwaaj nahin,

Be-niyaazi ki shaan kahti hai..
Bandagi ki kuchh ehtiyaaj nahin,

Dil-lagi kijiye raqeebon se..
Is tarah ka mera mizaaj nahin,

Ishq hai paadshah-e-aalam-geer..
Garche zaahir mein takht-o-taaj nahin,

Dard-e-furqat ki go dawa hai wisaal..
Is ke qaabil bhi har mizaaj nahin,

Yaas ne kya bujha diya dil ko..
Ke tadap kaisi ikhtilaaj nahin,

Hum to seerat-pasand aashiq hain..
Khoob-ru kya jo khush-mizaaj nahin,

Hoor se poochhta hun jannat mein..
Is jagah kya buto'n ka raaj nahin,

Sabr bhi dil ko 'Dagh' de lenge..
Abhi kuchh is ki ehtiyaaj nahin.!!

"Dagh Dehlvi"
_______________

Mizaaj = temper, temperament, pride, disposition,
Talawwun = changing colours (like a chameleon), fickleness,
Ehtiyaaj = want, scarcity,
Mizaaj-daa'n = acquainted with the habits and disposition of,
Laal-e-jaan-faza = life-giving ruby,
Be-niyaazi = Not Being In Any Need , Unconcern,
Paadshah-e-aalam-geer = Emperor of the world,
Yaas = Despair, desperation, hopelessness,
Ikhtilaaj = palpitation,
____________________

اس نہیں کا کوئی علاج نہیں
روز کہتے ہیں آپ آج نہیں..

کل جو تھا آج وہ مزاج نہیں
اس تلون کا کچھ علاج نہیں.. 

آئنہ دیکھتے ہی اترائے
پھر یہ کیا ہے اگر مزاج نہیں..

لے کے دل رکھ لو کام آئے گا
گو ابھی تم کو احتیاج نہیں.. 

ہو سکیں ہم مزاج داں کیونکر
ہم کو ملتا ترا مزاج نہیں..

چپ لگی لعل جاں فزا کو ترے
اس مسیحا کا کچھ علاج نہیں.. 

دل بے مدعا خدا نے دیا
اب کسی شے کی احتیاج نہیں..

کھوٹے داموں میں یہ بھی کیا ٹھہرا
درہم داغ کا رواج نہیں..

بے نیازی کی شان کہتی ہے
بندگی کی کچھ احتیاج نہیں.. 

دل لگی کیجئے رقیبوں سے
اس طرح کا مرا مزاج نہیں..

عشق ہے پادشاہ عالم گیر
گرچہ ظاہر میں تخت و تاج نہیں..

درد فرقت کی گو دوا ہے وصال
اس کے قابل بھی ہر مزاج نہیں..

یاس نے کیا بجھا دیا دل کو
کہ تڑپ کیسی اختلاج نہیں..

ہم تو سیرت پسند عاشق ہیں
خوب رو کیا جو خوش مزاج نہیں.. 

حور سے پوچھتا ہوں جنت میں
اس جگہ کیا بتوں کا راج نہیں..

صبر بھی دل کو داغؔ دے لیں گے
ابھی کچھ اس کی احتیاج نہیں..