Gulshan Ho Nigaahon Mein To Jannat Na Samajhna

Gulshan ho nigaahon mein to jannat na samajhna,
Dam-bhar ki inayat ko mohabbat na samajhna..

Kya shay hai mata-e-ghum-o-raahat na samajhna,
Jeena hai to jeene ki haqeeqat na samajhna..

Ho khair tere ghum ki ke hum ne tere ghum se,
Seekha hai masarrat ko masarrat na samajhna..

Nisbat hi nahin koi mohabbat ko khirad se,
Ai dil kabhi mafhoom-e-mohabbat na samajhna..

Ye kis ne kaha tum se ke rudaad-e-wafa ko,
Sun kar bhi samajhne ki zarurat na samajhna..

Veerani-e-maahaul ko barbaadi-e-dil ko,
Har daur mein aasar-e-mohabbat na samajhna..

Sar kham ho agar maslahat-e-waqt ke aage,
Is jabr-e-musalsal ko ibaadat na samajhna..

Dekhe jo tumhein koi mohabbat ki nazar se,
Lillah 'Shakeel' us ko mohabbat na samajhna.!!

"Shakeel Badayuni"
____________________

گلشن ہو نگاہوں میں تو جنت نہ سمجھنا
دم بھر کی عنایت کو محبت نہ سمجھنا..

کیا شے ہے متاع غم و راحت نہ سمجھنا
جینا ہے تو جینے کی حقیقت نہ سمجھنا..

ہو خیر ترے غم کی کہ ہم نے ترے غم سے
سیکھا ہے مسرت کو مسرت نہ سمجھنا..

نسبت ہی نہیں کوئی محبت کو خرد سے
اے دل کبھی مفہوم محبت نہ سمجھنا..

یہ کس نے کہا تم سے کہ روداد وفا کو
سن کر بھی سمجھنے کی ضرورت نہ سمجھنا..

ویرانیٔ ماحول کو بربادئ دل کو
ہر دور میں آثار محبت نہ سمجھنا..

سر خم ہو اگر مصلحت وقت کے آگے
اس جبر مسلسل کو عبادت نہ سمجھنا..

دیکھے جو تمہیں کوئی محبت کی نظر سے
للہ شکیلؔ اس کو محبت نہ سمجھنا..