Ghum-e-ishq Rah Gaya Hai Ghum-e-justuju Mein Dhhal Kar

Ghum-e-ishq rah gaya hai ghum-e-justuju mein dhhal kar,
Wo nazar se chhup gaye hain meri zindagi badal kar.!

Teri guftugu ko naaseh dil-e-ghum-zada se jal kar,
Abhi tak to sun raha tha magar ab sambhal sambhal kar.!

Na mila suraagh-e-manzil kabhi umr bhar kisi ko,
Nazar aa gayi hai manzil kabhi do qadam hi chal kar.!

Ghum-e-umr-e-mukhtasar se abhi be-khabar hain kaliyaan,
Na chaman mein phenk dena kisi phool ko masal kar.!

Hain kisi ke muntazir hum magar ai ummid-e-mub'ham,
Kahin waqt rah na jaaye yunhi karwatein badal kar.!

Mere dil ko raas aaya na jumood-o-ghair-faani,
Mili rah-e-zindagaani mujhe khaar se nikal kar.!

Meri tez-gaamiyon se nahin barq ko bhi nisbat,
Kahin kho na jaaye duniya mere saath saath chal kar.!

Kabhi yak-ba-yak tawajjoh kabhi daf'atan taghaful,
Mujhe aazma raha hai koi rukh badal badal kar.!

Hain 'Shakeel' zindagi mein ye jo wus'atein numayaan,
Inhin wus'aton se paida koi aalam-e-ghazal kar.!!

"Shakeel Badayuni"
_______________

Ummid-e-mub'ham = dim; ambiguous hope,
Jumood-o-ghair-faani = Immortally frozen; congelation; frost; stiffness,
____________________

غم عشق رہ گیا ہے غم جستجو میں ڈھل کر
وہ نظر سے چھپ گئے ہیں مری زندگی بدل کر.. 

تری گفتگو کو ناصح دل غم زدہ سے جل کر
ابھی تک تو سن رہا تھا مگر اب سنبھل سنبھل کر..

نہ ملا سراغ منزل کبھی عمر بھر کسی کو
نظر آ گئی ہے منزل کبھی دو قدم ہی چل کر..

غم عمر مختصر سے ابھی بے خبر ہیں کلیاں
نہ چمن میں پھینک دینا کسی پھول کو مسل کر..

ہیں کسی کے منتظر ہم مگر اے امید مبہم
کہیں وقت رہ نہ جائے یوں ہی کروٹیں بدل کر..

مرے دل کو راس آیا نہ جمود غیر فانی
ملی راہ زندگانی مجھے خار سے نکل کر.. 

مری تیز گامیوں سے نہیں برق کو بھی نسبت
کہیں کھو نہ جائے دنیا مرے ساتھ ساتھ چل کر..

کبھی یک بہ یک توجہ کبھی دفعتاً تغافل
مجھے آزما رہا ہے کوئی رخ بدل بدل کر..

ہیں شکیلؔ زندگی میں یہ جو وسعتیں نمایاں
انہیں وسعتوں سے پیدا کوئی عالم غزل کر..