Dil Ke Bahlane Ki Tadbeer To Hai

Dil ke bahlane ki tadbeer to hai,
Tu nahin hai teri tasveer to hai..

Hum-safar chhorh gaye mujh ko to kya,
Saath mere meri taqdeer to hai..

Qaid se chhoot ke bhi kya paaya,
Aaj bhi paanw mein zanjeer to hai..

Kya majaal un ki na dein khat ka jawaab,
Baat kuchh baais-e-takheer to hai..

Pursish-e-haal ko wo aa hi gaye,
Kuchh bhi ho ishq mein taseer to hai..

Ghum ki duniya rahe aabaad 'Shakeel',
Muflisi mein koi jageer to hai.!!

"Shakeel Badayuni"
____________________

دل کے بہلانے کی تدبیر تو ہے
تو نہیں ہے تری تصویر تو ہے..

ہم سفر چھوڑ گئے مجھ کو تو کیا
ساتھ میرے مری تقدیر تو ہے..

قید سے چھوٹ کے بھی کیا پایا
آج بھی پاؤں میں زنجیر تو ہے..

کیا مجال ان کی نہ دیں خط کا جواب
بات کچھ باعث تاخیر تو ہے..

پرسش حال کو وہ آ ہی گئے
کچھ بھی ہو عشق میں تاثیر تو ہے..

غم کی دنیا رہے آباد شکیلؔ
مفلسی میں کوئی جاگیر تو ہے..