Chandni Mein Rukh-e-zeba Nahin Dekha Jaata

Chandni mein rukh-e-zeba nahin dekha jaata,
Mah o khurshid ko yakja nahin dekha jaata.!

Yoon to un aankhon se kya kya nahin dekha jaata,
Haan magar apna hi jalwa nahin dekha jaata.!

Deeda-o-dil ki tabahi mujhe manzoor magar,
Un ka utra hua chehra nahin dekha jaata.!

Zabt-e-ghum haan wahi ashko'n ka talatum ek baar,
Ab to sookha hua dariya nahin dekha jaata.!

Zindagi aa tujhe qaatil ke hawale kar dun,
Mujh se ab khoon-e-tamanna nahin dekha jaata.!

Ab to jhoothi bhi tasalli ba-sar-o-chashm qubool,
Dil ka rah rah ke tadapna nahin dekha jaata.!!

"Shakeel Badayuni"
____________________

چاندنی میں رخ زیبا نہیں دیکھا جاتا
ماہ و خورشید کو یکجا نہیں دیکھا جاتا..

یوں تو ان آنکھوں سے کیا کیا نہیں دیکھا جاتا
ہاں مگر اپنا ہی جلوہ نہیں دیکھا جاتا.. 

دیدہ و دل کی تباہی مجھے منظور مگر
ان کا اترا ہوا چہرہ نہیں دیکھا جاتا..

ضبط غم ہاں وہی اشکوں کا تلاطم اک بار
اب تو سوکھا ہوا دریا نہیں دیکھا جاتا..

زندگی آ تجھے قاتل کے حوالے کر دوں
مجھ سے اب خون تمنا نہیں دیکھا جاتا..

اب تو جھوٹی بھی تسلی بسر و چشم قبول
دل کا رہ رہ کے تڑپنا نہیں دیکھا جاتا..