Dil Markaz-e-hijaab Banaya Na Jayega

Dil markaz-e-hijaab banaya na jayega,
Un se bhi raaz-e-ishq chhupaya na jayega..

Sar ko kabhi qadam pe jhukaya na jayega,
Un ke nuqoosh-e-pa ko mitaya na jayega..

Be-wajah intizaar dikhane se fayeda,
Kah dijiye ke saamne aaya na jayega..

Aankhon mein ashk qalb pareshan nazar udaas,
Is tarah un ko chhorh ke jaaya na jayega..

Wo khud kahein to sharh-e-mohabbat bayaan karun,
Naghma baghair saaz sunaya na jayega..

Behtar yahi hai zikr-e-mohabbat na chhediye,
Naqsha bigad gaya to banaya na jayega.. 

Dil ki taraf 'Shakeel' tawajjoh zaroor ho,
Ye ghar ujad gaya to basaya na jayega.!!

"Shakeel Badayuni"
_______________

دل مرکز حجاب بنایا نہ جائے گا
ان سے بھی راز عشق چھپایا نہ جائے گا..

سر کو کبھی قدم پہ جھکایا نہ جائے گا
ان کے نقوش پا کو مٹایا نہ جائے گا.. 

بے وجہ انتظار دکھانے سے فائدہ
کہہ دیجئے کہ سامنے آیا نہ جائے گا..

آنکھوں میں اشک قلب پریشاں نظر اداس
اس طرح ان کو چھوڑ کے جایا نہ جائے گا..

وہ خود کہیں تو شرح محبت بیاں کروں
نغمہ بغیر ساز سنایا نہ جائے گا..

بہتر یہی ہے ذکر محبت نہ چھیڑئیے
نقشہ بگڑ گیا تو بنایا نہ جائے گا..

دل کی طرف شکیلؔ توجہ ضرور ہو
یہ گھر اجڑ گیا تو بسایا نہ جائے گا..