Bahaar Aai Kisi Ka Saamna Karne Ka Waqt Aaya

Bahaar aai kisi ka saamna karne ka waqt aaya,
Sambhal ai dil ki izhaar-e-wafa karne ka waqt aaya.!

Unhein aamada-e-mehr-o-wafa karne ka waqt aaya,
Badi muddat mein arz-e-muddaa karne ka waqt aaya.!

Rawaa'n hain apne markaz ki taraf aasuda ummidein,
Hujoom-e-yaas ko dil se juda karne ka waqt aaya.!

Phir ek gum-karda-rah-e-zindagi ko mil gayi manzil,
Sujood-e-shukr-e-be-payaa'n ada karne ka waqt aaya.!

Kabhi doori thi lekin ab khyaal-e-khauf-e-doori hai,
Fughaa'n ki sa'atein guzrin dua karne ka waqt aaya.!

Kahaan tak khatm rahta darmiyan par dil ka afsana,
Bil-aakhir darmiyan se ibtida karne ka waqt aaya.!

Har ek jurm-e-mohabbat us nigah-e-lutf ke sadqe,
Nawed-e-aafiyat le kar khata karne ka waqt aaya.!

Nigah o dil se ab tafseer-o-sharh-e-aazru hogi,
Zabaan o lab se tark-e-iltija karne ka waqt aaya.!

Wo aate hain 'Shakeel' ab apne dil se haath dho baitho,
Nigah-e-naaz ki qeemat ada karne ka waqt aaya.!!

"Shakeel Badayuni"
____________________

بہار آئی کسی کا سامنا کرنے کا وقت آیا
سنبھل اے دل کہ اظہار وفا کرنے کا وقت آیا..

انہیں آمادۂ مہر و وفا کرنے کا وقت آیا
بڑی مدت میں عرض مدعا کرنے کا وقت آیا..

رواں ہیں اپنے مرکز کی طرف آسودہ امیدیں
ہجوم یاس کو دل سے جدا کرنے کا وقت آیا..

پھر اک گم کردہ راہ زندگی کو مل گئی منزل
سجود شکر بے پایاں ادا کرنے کا وقت آیا..

کبھی دوری تھی لیکن اب خیال خوف دوری ہے
فغاں کی ساعتیں گزریں دعا کرنے کا وقت آیا..

کہاں تک ختم رہتا درمیاں پر دل کا افسانہ
بالآخر درمیاں سے ابتدا کرنے کا وقت آیا..

ہر اک جرم محبت اس نگاہ لطف کے صدقے
نوید عافیت لے کر خطا کرنے کا وقت آیا..

نگاہ و دل سے اب تفسیر و شرح آرزو ہوگی
زبان و لب سے ترک التجا کرنے کا وقت آیا..

وہ آتے ہیں شکیلؔ اب اپنے دل سے ہاتھ دھو بیٹھو
نگاہ ناز کی قیمت ادا کرنے کا وقت آیا..